Leb 26 سے مشہور بائبلی آیات

شئیر

Yɛn bï aa cath në weyiic, ku yɛn bï aa Nhialicdun, ku wek bï aa kɔckï.

Wek bä tuöc deŋ ruël, ku piny abï luɔk në rɛɛpke, ku dhiëëth tiim mïthken.

Na lak wëëtdï kuany cök ku yak lööŋkï riëëu apiɛth

“Wek bä gäm mät pinydun. Ka wek bï aa niin, ku acïn raan bï week tɔ riɔ̈c. Yɛn bï läi rac nyaai pinydun, ku acïn abätäu bï wundun reetic.

Wek bä aa woi në piɔ̈n mit, ku wek bä tɔ dhiëth ku ŋuak kuëndun, ku yɛn bï Mändï döt wokë ë week.

Ee Yɛn Bɛ̈nydït Nhialicdun, raan ë bïï we bei ë Rip, aguɔkï cïï be aa lïïm ke kɔc ke Rip. Yɛn cï joth rɛk wek dhoŋ kɔ̈ɔ̈th, ku ta week cath ke we tɔ̈u nïïm nhial në nɔm lääu.”

Yɛn bï rëër në weyiic tëdiën ɣeric, ku wek cä ke bï nyääŋ piny.

Acïï Bɛ̈nydït lueel an, “Duökï röt lui yiëth, ku duökï wal loi ayï kuur yaath duökï keek lui röt. Ku duökï kuur cï guaŋ tɛ̈ɛ̈u pinydun ku yak keek lam. Ee yɛn Bɛ̈nydït Nhialicdun.

Wek bï aa ŋoot ke we cam rɛɛp ke ruöön wään, ku abäk keek aa bɛ̈ɛ̈i bei, bä wek të bïï rɛɛp ë piac luɔk tääu thïn.

Kɔc kadhïc ë weyiic abïk buɔ̈t aa cop, ku buɔ̈t ë weyiic abï aguum kathiëër aa cop. Ku kɔc dɛ wek ater, abïk aa wïïk ë wenïïm në abätäu.

Wek bï aa käm aɣët të bï rap tem ku tɛmkï rap aɣët të bï com bɛ bɛ̈n, ku wek bï këcam kaarkï ëbɛ̈n cam, ku wek bï rɛ̈ɛ̈r ë diu pinydun.

Wek bï kɔc dɛ wek ater cop, ku abïk aa wïïk ë wenïïm në abätäu

Yak kööl de löŋ döt ku yak tëdiën ɣeric riëëuwic. Ee yɛn Bɛ̈nydït.