1 A̱korontiyawa 9 سے مشہور بائبلی آیات

شئیر

A̱mgba̱m á̱niet tyong chung ba ni̱ gba á̱pyia̱ mba mi̱ kuzang kyang. Ba̱ ni̱ nyia̱ a̱nia da̱nian ba̱ ka shya̱ zang ji̱ na byian wa a̱ni. A̱wot nzi̱t, zi̱ tyong chung da̱nian zi̱ ka shya̱ zang sang sangba̱p ja. Mat a̱nia, a̱tai chung wa nang n tyong bah. A̱wot a̱yaat ka nang n kwan a̱ni, ka̱ yet a̱si̱ tuu wun kya ma̱ tai bah.

Da̱ a̱kwonu a̱kya, n gba vam nung hu nang a̱tyu tyong chung a̱ni. N nyia̱ vam nung hu khwo, da̱nian ki̱ da̱ n du shei á̱ghyang á̱niet a̱lyiat A̱gwaza na, a̱wot nung ma̱ a̱pyia̱ nung, á̱ ba̱ kai nung á̱ ghwon n dyin nwuo mi̱ Tyok A̱gwaza hu.

A̱wot nyi lyen baa? Di̱n jen a̱yaaka̱nan tyong chung, a̱mgba̱m á̱niet tyong chung ba ni̱ kwan ba̱ tyong á̱ sweap á̱ghyang, a̱wot a̱tyo nyiung wa ni̱ ya zang ji ma̱nyin gu baa? Mat a̱nia, si̱ nyi tyong chung ji, da̱nian nyi ka ya zang ji!

Jen nang n shya̱ ma̱ng á̱niet ba̱ ni̱ but mi̱ fwuo di̱ nkyang nang á̱ shim ba ndyo a̱ni, nung meang, n ni̱ ta̱bam n ba̱ng baa nang á̱niet ba̱ but mi̱ fwuo di̱ nkyang nang á̱ shim ba ndyo a̱ni. Mat n chat n khwat ba mbai ndyo da̱ a̱vwuo Kristi. A̱tsak a̱lyiat, n ni̱ kwan n tai kuzang tangka̱i á̱niet, a̱wot n si̱ nyia̱ kuzang tangka̱i nkyang, da̱nian n ka nsan á̱ghyang á̱niet.