Maatteeo 7 سے مشہور بائبلی آیات

شئیر

“Ijinit, hátĩ haaꞌnyĩhoothĩhuunga. Idiimit, hátĩ ummuddia. Uruhit hattũũg nẽ hatĩ ubbuuhothoothĩhuunga.

Hĩnĩngĩtĩ ẽẽtĩ ꞌcĩ ajin ꞌgiimwa, aanytĩhoothĩk hatĩnĩ nẽ ẽẽtĩ ꞌcĩ adiim ꞌgiimwa, ammũda hatĩnĩ nẽ abbuuhothoothĩk hatĩ hattũũg eet ꞌcĩ aruhi.

“Nẽẽthĩ hoti ho, ẽẽtĩ ꞌcĩ athĩhĩ thooꞌthiok cĩgannĩg ko nẽ idticanõõĩ, aaĩ nẽẽ hĩ ẽẽtĩ ꞌcĩ ẽggẽẽnyĩth ꞌcĩ ẽhẽnyĩt ꞌcieeth lõbaraba hujjieen.

Nẽẽthĩ hẽlẽggẽẽnnĩ vẽlẽk, ĩdĩmatteek ꞌgoonogu thooꞌthiok vẽlẽk ꞌcĩg adiimmu niig hĩdĩmatteehuung nẽẽg ngagiita, hĩnĩngĩtĩ arũma thõõth ciee Nyattal hĩ thõõth cĩ Põrõvẽtaaꞌnyanu vẽlẽk.

Nẽẽthĩ, lũdũc hattũũg ꞌcĩ õkõ ĩĩcĩ rũgẽtõ. Nẽ õkõmĩ ngaatĩ hanũĩ ꞌgõõl ꞌcĩ õkõ ĩĩca ho gẽrrẽẽt, nẽ hĩdĩcĩg eeta ꞌcĩg ẽdẽcĩ ꞌgõõl tĩho.

“Uduhunit hattũũg ꞌcĩ lũdũcĩ. Hĩnĩngĩtĩ padtac hattũũg hĩ ꞌgõõl ꞌcĩ õkõõĩ eet ĩĩcĩ daahĩthõõ nẽ mẽẽlĩg eeta ꞌcĩg aduhun ngaatĩho.

Má agayyu niig tananga abaꞌthu, ngaatĩ aaꞌnyiku lõhõlĩ cugguung ꞌbaaninit ꞌcĩ abũnnaa, ĩĩn occa hatĩ ꞌbaaniniti ꞌcĩ aaꞌnyĩk Maaꞌnyu cĩ aaĩ hẽẽtahujjieen eet ꞌcĩg ajin ĩnõõnnõ hutuno?

“Ma hetteediku ꞌgoonogu thõõth, haau hĩcĩ hatĩ aitiõõ Nyekuci hõllõngaa etteedikuung ngagiit buúk thõõth. Hĩnĩngĩtĩ etteedikuung hatĩ Nyekuci ngagiit buúk thõõth, ꞌgõõlaa ꞌcĩ gõõng etteediku niig ꞌgoonogu! Adĩmaneekuung hatĩ nẽẽ thõõth ꞌcĩ gõõng adĩmaneeku niig ꞌgoonogu.

Nẽẽthĩ, ẽẽtĩ ꞌcĩ hõllõngaa athĩhĩ thooꞌthiok cĩgannĩg ko nẽ idticanõõĩ, aaĩ nẽẽ hĩ ꞌgiiꞌthiahiti ꞌcĩ ẽhẽnyĩt ꞌcieeth ngaatĩ ĩĩn hathaac.

“Inni cĩĩn nii tahahaac ꞌcĩ mĩllĩꞌnyĩ hebereecaa cĩ ꞌgotonoonu nẽ iittiõõ hõllõngaa acini iggooli ꞌcĩ aaĩ hebereecaa cunni ho? Occa gõõng anneehi nii ꞌgotonu, ‘Ĩꞌnya hittihaaii tahahaac ꞌcĩ mĩllĩꞌnyĩ hebereeca,’ nẽ nẽẽ aꞌnyahi nii iggooli hebereecaa cunni hutuno?

“Ĩcĩnĩt põrõvẽtaaꞌnya ꞌcĩg ĩĩn oloꞌngiaak jurrung! Hĩnĩngĩtĩ au nẽẽg hĩ ngagiit tarbalĩg haauto hĩ aꞌtha, nẽ ĩko ꞌthinneetinitõõ cĩggĩĩng, aattĩg hĩ huduumwaana ꞌcĩg au arukuung thõng. Occa agayyu ĩhõõggõ, hĩnĩngĩtĩ thooꞌthiok ꞌcĩg adtican nẽẽgĩ. Nganĩ occa ꞌcĩ adũũca ꞌmũũnĩc cĩĩlkanooca, hode nganĩ ꞌcĩ occa adũũca hõmmõõk hẽẽnĩĩ ꞌcĩg ĩĩn bĩlla?

Hẽẽt ꞌcĩ abũnnaa õddõngta ꞌgẽẽn ꞌcĩ abũnnaa, nẽẽthĩ, õddõngõta hẽẽt ꞌcĩ abathĩ ꞌgẽẽn ꞌcĩ abathĩ.

Aitiõõ hẽẽt ꞌcĩ abũnnaa hõllõngaa occa õddõngta hẽẽt ꞌcĩg abbiiri ꞌcĩg abathĩ nẽ hẽẽt ꞌcĩ abathĩ, hõllõngaa occa õddõngta hẽẽn ꞌcĩg abbiiri ꞌcĩg abũnnaa.

Hẽẽt ꞌcĩ hõllõngaa õddõngta hẽẽn ꞌcĩg abbiiri ꞌcĩg abũnnaa, eꞌngeddoothĩk hatĩ looc nẽ udhuhoothĩk ꞌgwoyyiatõõ.