Alumĩ 5 سے مشہور بائبلی آیات

شئیر

ĩpa uNzua ulagĩlĩĩle uuloogua waakue umuene kunsĩĩtu pĩna alĩ kĩlĩ kwĩanamĩlandu, uKilisito alukiile kunsooko yĩĩtu.

nuulaaĩĩli ugila kansoni, kunsooko uulogua wa kĩNzua wiitĩĩlue munkolo zĩĩtu kunzĩla ya kĩMuau Muelu naalĩ kuapeegue ishie.

Ĩpa sika iio dũũ, sunga kulumbile numunzago gaa, ĩkumanile kĩna uwaagi ukuleetaa ugigimĩlia, nuugigimĩlia ukuleetaa ukamia nkolo, nuukamia nkolo ukuleetaa ulaaĩĩli

Iio gua, kunsooko kuaalĩĩligue ĩkulukuuluu kuusuĩĩli, kutĩĩte matiliga kwa kĩNzua kunzĩla ya kĩShekulu wĩĩtu Yesu Kilisito. Kwa kĩuyo kuusuĩĩli kwaligilie usũgamĩĩli kuukende uu nakuĩmĩkile munsĩ yaakue, nukwilumba muulaaĩĩli wa ukulu wa kĩNzua.

Ishie pĩna alĩ kuagila kangũlũ, ityũngo pĩna nalĩpika, uKilisito nukia kunsooko ya anamĩlandu.

Naikulu nangũlũ, pĩna kuaalĩĩligue ĩkulukuuluu kumugali waakue, kukigũnua ninduyo kwipũna muutaki wa kĩNzua.

Kuitĩ kĩna yoi kuuleki wa umuĩ naiingĩ naatũla anamĩlanudu, iio-iioo nukwigomba kumuakue umuĩ, naiingĩ naatũla anakulukuuluu.

Ĩpa sika iio udũũ, sunga kukĩlumbĩĩlia kwa kĩNzua kunzĩla ya kĩShekulu wĩĩtu Yesu Kilisito; kwa kĩuyo alĩ kuanũnkuĩle uukamantanigua wĩĩtu.