1 PETRO 3 سے مشہور بائبلی آیات

شئیر

Bomu bifi dibu bitǝ Kristo lǝ mi akɔɛsi lǝ bitǝ wǝ dibu fe mi Onamute. Nya biofo mi ǝsuǝ kɛnyɛ bulǝkǝ kate utsyuǝ saa wǝ lela nkǝ woanɔ itsyiko lǝ kusubebe ko ǝsuǝ benkpe. Nya lǝ biyifo nko ku disuǝtsyǝ ku ǝsuǝ kasɔ bokosǝbokosǝ. Biyifo nnya ku utu wuee, bǝ lǝ utsyuǝ aka mi lǝ nkpǝ sɛɛ bo binsi lǝ Kristo esoo, lǝ kofani lǝ kɔlɛ mǝ lǝ nnya bátɛyi ǝsuǝ.

Itsyise Bonamute ǝǝtǝkǝ ǝnǝ lǝ mba leeyifo kasɛɛ ǝsuǝ, nya woanɔ mǝ olatoto. Fɛɛ mba ni babuayifoo, waataka kǝńyǝ lǝ mǝ ǝsuǝ.”

Biǝnlǝkǝ mi bɔnɔbobe bete lǝ asa nnya biakpe nye kase biakle esi nye atsyabi nnya biakpe kefi kalɔkɔsǝ ǝsuǝ. Bomuu, bɛlɔkɔsǝ lɛwɔnɔ nǝ nkpe lǝ mi ǝsuǝ ku alɔkɔsǝsa nnya luutǝ bǝ ditsyǝ kpoo nya diyuǝ buɛɛ tsya. Kɔlɔkɔ komfo ambia kulefe nya kofo koya tinti lǝ Onanto eto ǝnǝmi.

Fe kase Awɔnisa Kɛnkɛ eto Kukue lɛtɛyii, “Utsyuǝ saa ke lela nkǝ wǝǝsiǝ nkpǝ lǝ unyǝ mu kamini, nya lǝ usiǝ nkpǝ kɛntsyɛɛ, wǝǝntǝ lǝ ditiki bua saa lǝ lɛbɔ itsyi lǝ wǝ kɛnyɛ nya yanle bǝ ɔtɛyi sidia tsya. Ele bǝ ɔyɛ lebua buyifo lǝ uyifo kasɛɛ, nya lǝ ɔbɛbɛ diyuǝ ku wǝ utu kenke.

Lǝ kalosǝkɔɔ, bitǝ lǝ mimblɛ eto nsusu lǝ buyifo bɔni, utidi eto asa lǝ ɛlɛ mi kaminsǝ, bela bǝtsyuǝ fe bayimi, biyifo kafoɛkpɛ nya lǝ bebokosǝ ǝsuǝ kasɔ bitǝ bǝtsyuǝ. Biemfi lebua befo lebua kayo, nye bukudi lǝ bukidi eto kɛnyɛ. Bomu bɛlɛ Onanto lekpakpa lǝ utǝ mǝ atsyɔkpokpo, itsyise nyamfo Onanto ditsyǝ kɛnyɛ nkǝ bibǝ bɛkɛ se ókpadi mi nɛ.

Lǝ biakplatsya keyifo kasɛɛ, owoe lookpe mi bulǝ?

Ele bǝ ɔyɛ lebua buyifo lǝ uyifo kasɛɛ, nya lǝ ɔbɛbɛ diyuǝ ku wǝ utu kenke.

Itsyise ɛlɛkɛ eso bǝ nyǝ kanyi lǝ kasɛɛ ka feeyifo eso lǝ nyamfo eyifo Onanto eto lelabi, enso bǝ lǝ kabua eso.