Rómã lé ꞌbá 14 سے مشہور بائبلی آیات

شئیر

Nĩ ndrê drẽ, tã tã lâ yî drí lậnjı̣̃lı̣́ lậnjı̣̃ gólĩyî Ôvârí drí ãmâ lẽzó ꞌẽlâ õjílã íyíkâ rî ꞌbá yî ró rî, âꞌdó kô tã gólĩyî kĩ, nyãsá ángô rî ĩꞌdî nyãlé ngãtá ngá ángô rî ĩꞌdî mvũlı̣́ yã rî ĩꞌdî. Ôvârí lı̣̃fı̣́ rî, tã gólĩyî lậnjı̣̃ ꞌbá rî ꞌbá yî rĩꞌá ãmâ drí rĩzó rĩꞌá cé tã gólĩyî âꞌdó ꞌbá nyé mbı̣̂mbı̣̂ rî ꞌbá yî ꞌẽlé ĩꞌdî, gõꞌdá rĩzó bê tã ạ̃ꞌdı̣́ sĩ ãmâ ãzí-ãzí yí bê, gõꞌdá ãmâ drí âꞌdózó ãyĩkõ ró tã Ôvârí kâ ꞌẽrẽ ꞌá. Gõꞌdá rĩꞌá cé Líndrí Tãndí Ôvârí kâ ĩꞌdî gólâ îcá ꞌbá mbârâkã âfẽlé ãmâ drí tã tãndí rî ꞌdĩ ꞌbá yî ꞌẽzó. Õzõ nĩ õrî trá rĩꞌá tã tãndí rî ꞌdĩ ꞌbá yî ꞌẽꞌá ĩtí rû ı̣̂ꞌbũ ꞌbá Krístõ kâ rî ꞌbá yî ró rî, ĩtí tã ãníkâ rî ꞌbá yî âꞌdô sũꞌá Ôvârí rú rõô gõꞌdá õjílã ndrĩ âꞌdô lậnjı̣̃ ꞌbãꞌá ãnî rú.

Ĩtí rî, tã ãmákâ âꞌdó kô ãmâ drı̣́gạ́, tãlâ kậyı̣̂ ndrĩ ãmákâ rĩzó rĩlí ãngó nõ drı̣̃ı̣̂ rî sĩ rî, îcâ trá ãmâ drí rĩlí tã gólĩyî sũ ꞌbá Kúmú ãmákâ Yésũ rú rî ꞌbá yî ꞌẽlé ĩꞌdî. Gõꞌdá nĩngá sĩ, kậyı̣̂ gólâ Ôvârí drí ꞌbãlé ãmâ drí ôdrãzó rî sĩ rî, ꞌdõvó mã ꞌbã kpá tã ı̣̂sũ ãmákâ cé sũlı̣́ Kúmú ãmákâ Yésũ rú. Nĩngá sĩ, õzõ kpálé mã õrî trá rĩlí zãâ lédrẽ-lédrẽ ró, ngãtá mã âꞌdô ôdrãꞌá ꞌwãâ yã rî, ãmâ rĩꞌá õjílã Yésũ kâ ĩꞌdî drı̣́-ãcê gólâkâ zẽlé.

Gõꞌdá bê trá ĩtí rî, ꞌdõvó mã õrî rĩlí tã gólĩyî âꞌdó ꞌbá ãmâ ꞌbãlé rĩlí pı̣̃pı̣̂sı̣́lı̣́ ạ̃ꞌdı̣́ sĩ ãzí-ãzí bê rî ꞌbá yî ꞌẽlé ĩꞌdî. Mã õrî tã ꞌẽlé ãmâ ãzí-ãzí yî pãzó ĩꞌdî sĩ lâ âdrézó gạ́ tã lẽlẽ ãmákâ rî sĩ.

Bê ĩtí rî, nĩ âyê tã gólĩyî ãnî ãzí-ãzí yí kâ rî kĩkĩ lâ. Nĩ ꞌbã bê-rî ãnî nyãányâ rĩlí zãâ cú ĩtí tã ãzãkã gólâ tã lẽ ꞌbá ãzí ꞌẽ ꞌbá ꞌdẽlé tã õnjí ꞌẽlé rî ꞌẽ ãkó.

Ôvârí âꞌdâ trá tã îgĩ-îgĩ íyíkâ nõ ꞌá tã ꞌdî tãsĩ kĩ, “Ôvârí Yãkóvã kĩ nĩ rî, ‘Má îtrî lãtrítrí mâ gólâ rĩ ꞌbá lédrẽ-lédrẽ ró zãâ gbạ́dú rî ró, õjílã ndrĩ ãngó drı̣̃ nô kâ âꞌdô ĩyî ꞌãꞌî tı̣̃ꞌá vũdrı̣́ má ândrá õjílã má zẽlé rî ꞌbá yî ró. Gõꞌdá gólĩyî ndrĩ âꞌdô nı̣̃ꞌá lâ kĩ, mâ rî gógó nyãányâ lâ rĩꞌá Ôvârí ꞌî.’ ” Ĩsáyã 49.18; 45.23 Gõꞌdá bê ĩtí rî, îcâ trá ãmâ ndrĩ drí tã ãmákâ rî ꞌbá yî lôꞌbãlé Ôvârí ândrá, ãꞌdô ró bê gólâ rî nyãányâ drí âꞌdózó nĩ kĩlâ.

Ãmâ tã lẽ ꞌbá ndrĩ lãfálé sĩ, tã ı̣̂sũ ãmákâ gólâ tã mbı̣̂mbı̣̂ tã lẽ ꞌbá Yésũ ꞌá rî ꞌbá yî drí ꞌẽlé rî tãsĩ rî, rĩꞌá ngĩíngî. Gólĩyî ãmâ lãfálé ꞌá tã lẽlẽ bê fínyáwá ró rî ꞌbá yî tãsĩ rî, nĩ âyê tı̣̂ ânyâ-ânyâ gólĩyí bê rî tã gólĩyíkâ rĩꞌá ı̣̂sũlâ rî ꞌbá yî tãsĩ.

Gõꞌdá nĩngá sĩ rî, krístõ ꞌbá ãzí ꞌdĩ ꞌbá yî âꞌdó ĩyî kô rû ı̣̂ꞌbũ ꞌbá ãníkâ rî ꞌbá yî ĩꞌdî. Yésũ ĩꞌdî rĩꞌá kúmú gólĩyíkâ ró. Ĩtí rî, nĩ âꞌdô îcáꞌá ángô tí ró ãnî nyãányâ ꞌbãlé tã kĩ ꞌbá ró tã õjílã gólĩyî âꞌdó ꞌbá ãnî zẽlé kô rî ꞌbá yí kâ kĩlí yã? Tã lẽ ꞌbá ãlô-ãlô îcâ âdrélé cé íyî lı̣́pı̣̂ Yésũ ândrá tã kĩ ꞌbá íyíkâ ró. ꞌDõvó Yésũ ı̣̃ı̣̂sũ nĩ ngãtá gólâ rĩꞌá pạ̃tı̣́ı̣̃ õjílã mbı̣̂mbı̣̂ ꞌî yã rî. Yésũ îcâ trá gólâ rî rũlı̣́ dódó gạ́ õjílã íyíkâ ró.