Rómà ŋa 6 سے مشہور بائبلی آیات

شئیر

Èrè-íbàɖí tsítse ní dzɛ́ ikú#ɛ́. Ó ɖi, Ɔ̀ɖáyé òŋu wà fúnɛ ńŋɛ́-ɔ̀fɛ́-kã̀. Iŋɛ́#ɛ́ ní dzɛ́ àyɛ̀-àrìtã́ yèé ó wà gbà ńǹtá-Yèésù Kírísítò Ɔlá-wa, tsí wà fú wa#á.

Ńbɛ̀ɛ́, awù-íbàɖí tsítse kàkó nɛ́kpá si ńǹtá-ŋɛ́ ró, iŋɛ́ yèé tse#ɛ́, kò tsi ɛkpa-Mɔ̀ɔ́sè† ní wà gbɛ̃́ ŋɛ́ báàyí#ɛ́. Ńǹwèrè-ore-ɔ̀fɛ́-Ɔ̀ɖáyé ní àa wà si#ɛ́.

Ńǹwèrè yèé à wìwɛ̀-Yèésù fú wa#á, àa kú bá Kírísítò, tsí à rì wá gbo báa ńǹrɔ́-kã̀ ni. Ɔ̀ɖáyé Boba-wa tse bɛ́ɛ̀, àtsùgbée àa kó gbé náyé titɔ̃ ńǹrɔ́-kíbí ó dzí Kírísítò ti náàŋírĩ-òkú ŋa wá náyé#ɛ́ òŋu ikpá lákṹ#ɛ́ ni.

È máa dzɛ́ fú akpá-ŋɛ́ nàmí ɛsɛ̀-ŋɛ́ nàmí ìɖì-kã̀-ara-ŋɛ́-kã̀ kpókpó, tsí kó ɖi iŋɛ́-itsɛ́, tsí e wà lò ŋá, tsí wà ń tse íbàɖí. Kà kàa bɛ́ɛ̀, kíbí ɛnɛ yèé fɔ̀ ní ɛnɛ yèé ŋa à dzí ti náàŋírĩ-òkú ŋa wá náyé#ɛ́ bɛ́#ɛ́, è mú ara-ŋɛ́ ŋa bɔwɔ́-Ɔ̀ɖáyé bɛ́ɛ̀, tsí kó ɖi iŋɛ́-itsɛ́, tsí e wà ń tse òtítɔ́.

Àa kó gbɔ́ òkpì-afɔ̀#ɛ́ rere. Òŋu ní wà dzɛ́ ní ɔ̀nyà-ìrɔ́ yèé àa dzɛ́ dzɔ̀ɔ́ dzɔ̀ɔ́#ɛ́, àa kã̀ã́ si ńǹtá-egi-ìɖáàgàlàdzà† bá Kírísítò, àtsùgbée kíbí ɔ̀nyà yà ńbàɖí tsítse tó#ɛ́, kó máa nɛ́kpá ró, tsí àa kó máa dzɛ́ arú fú íbàɖí tsítse gbo ró.

Bɛ́ɛ̀ ké ní ó wà fú ɛ̀ŋɛ gbo#ɛ́. Ó wà ní e wà rí ara-ŋɛ́ ní è kú ti nára-íbàɖí tsítse, tsí e wà náàyɛ̀ si, tsí àyɛ̀#ɛ́ kó tse tsí Ɔ̀ɖáyé kó wà gba nyínyɛ̀, iŋɛ́ yèé tse#ɛ́, Yèésù Kírísítò tse ɔ̀kã̀ntso bá ŋɛ́ si.

Bí ó dzɛ́ bɛ́ɛ̀ fe, bí àa kó fɔ̀ fáà ńǹkɛ̀ɛ́? Àa kó wà náàbi dzídzɛ si, tsí ore-ɔ̀fɛ́-Ɔ̀ɖáyé kó wà kpɔ̀ máa fú waà? Láyé! Kò tsi bɛ́ɛ̀ ni. Àa ti kú ńǹrɔ́-kã̀ ti nára-àbi dzídzɛ, tsí kí tse tsí àa kó tɔ́ wà ńbàɖí tsítse si làkóò ró?

È mà rere ní bí è mú ara-ŋɛ́ bɔwɔ́-ɔ̀nyà-kã̀ ní àŋa kó wà dzítsɛ́ fúu, tsí wà gbɔ́ɔ̀lú fúu, ni è ɖi arú fú ɛnɛ nyɛ̀ŋɛ̀ ńnɛ̀ɛ́ nɔ̀. Bí ó dzɛ́ ní íbàɖí tsítse ní nɛ́kpá si ńǹtá-ŋɛ́ si#ɛ́, è ɖi arú‐ɛ̀ ńnɛ̀ɛ́. Tsí íbàɖí#ɛ́ nákó bí ikú fú ŋɛ́. Ó ɖi, bí è gba Ɔ̀ɖáyé kíbí olówó-ŋɛ́, tsí wà gbɔ́ɔ̀lú fúu#ɛ́, nákó tse tsí è nákó wà tse òtítɔ́.

Ɔkpɛ́ kɔ́kpɛ́ ni ti Ɔ̀ɖáyé ni. Dzɔ̀ɔ́ dzɔ̀ɔ́#ɛ́, è dzɛ́ arú fú íbàɖí tsítse si. Ó ɖi báàyí#ɛ́, è nyíìlò kpaɖà, tsí è dzɛ́, tsí gba ɛ̀kɔ́-òtítɔ́ yèé à tse fú ŋɛ́#ɛ́, tsí wà tse si ńǹtá‐ɛ̀ inɔ́ tã̀ã́, ànyì tã̀ã́. Fee, è kè dzɛ́ arú fú íbàɖí tsítse si ró. Ɔ̀ɖáyé gbà ŋɛ́ dzɔ̀ɔ́ nɔ́wɔ́‐ɛ̀, tsí è ɖi arú fú òtítɔ́ tsítse.