Rómà ŋa 16 سے مشہور بائبلی آیات

شئیر

Ɔ̀ɖáyé olí-tútùúrɔ̀ bòkó wáa ra ikpá-Ètsù† kpó gúɖúgúɖú, tsí sɔ́ɔ si nábɛ́-ŋɛ́, tsí è nákó mú ɛsɛ̀ kĩ́rĩĩ́ málɛ̀. Ɔdzɔ́#ɛ́ ti fɛ́rɛ̀ si ná. Yèésù Ɔlá-wa kó tse ore-ɔ̀fɛ́ fú ŋɛ́.

Ìnàbí-mi ŋa, báàyí#ɛ́, ǹ wà fɔ̀ fú ŋɛ́ ní fee, e tsɔ́ éwo-ara-ŋɛ́ ŋa rere nára-ɛnɛ yèé ŋa wà tse tsí è kè wà ɖɔ̃̀ ró, tsí à wà mú ɔ̀nyà ŋa nɔ ɔ̀nà-Ɔ̀ɖáyé gbo#ɛ́. À wà tse bɛ́ɛ̀, iŋɛ́ yèé tse#ɛ́, à kò wà gbà si ńǹtá-ɛ̀kɔ́ yèé ŋa è gbà#á. È nya ara-ŋɛ́ níìkã̀ nára-ŋa.

Ó ɖi, ɛnɛ yèé wà tse bɛ́ɛ̀ ŋa#á, kò tsi itsɛ́-Kírísítò Ɔlá-wa ní à wà tse#ɛ́. Inɔ́-ara tàŋa ká-ŋa ní à wà tsitsɛ́ fú#ɛ́. Arũ-ŋa ɖɔ̃̀ náfɔ̀ ɖɛ̀rɛ̀, tsí à náa kɛ́ afɔ̀ ŋa#á, tsí wà ń rú ɛnɛ yèé ŋa kò ma iŋɛ́-kã̀ lárè bɛ́ɛ̀#ɛ́.

Kùsɛ̀ɛ̀ fú Ɔ̀ɖáyé. Ó nɛ́kpá, tsí kó nyáa gbà ńǹtá-ikɔ̀ ɖíɖɔ̃̀ yèé ǹ dzɛ́ fú ŋɛ́ ti nára-Yèésù Kírísítò#ɛ́, tsí tse tsí àkaralé-ŋɛ́ kó ta ogùgù múlɛ̀ kpãŋu. Ó gbà ńǹtá-ikɔ̀ ɖíɖɔ̃̀#ɛ́, tsí nya ètò‐ɛ̀ ɖíre fúnɛ. Ètò#ɛ́, ó ti tseé ɖúkù si lɛ́lɛ́ǹlɛ̀lɛ̀. Ó ɖi báàyí#ɛ́, ó tsí atsɔ nódzú‐ɛ̀, tsí àa wà dzíkɔ̀-iŋɛ́ kpó yèé agbáfɔ̀-Ɔ̀ɖáyé fɔ̀† ŋa ti kɔ si ti nára‐ɛ̀ kíbí Ɔ̀ɖáyé fɔ̀ ní ká tseé fúnɛ#ɛ́. Ɔ̀ɖáyé, ɛnɛ yèé wà si títí lɔ náàrìtã́#á ní ɔ̀nyà-ìlú ŋa kpó nákó gbɔ́ɔ, tsí à nákó gba Kírísítò gbɔ́, tsí wà tse si ńǹtá-afɔ̀‐ɛ̀ ŋa kpó. Ɔ̀ɖáyé#ɛ́, àa kó wà nyɛ̀ɛ́. Òŋu níìkã̀ntso ní nɛ́ ifɛ̀ɛ́nɔ́ yèé kpàtà lé ńǹtá-ifɛ̀ɛ́nɔ́ ɔ̀kã̀lɔ́ɔ̀kã̀ kpó#ɛ́. È fú ká gbà ńǹtá-Yèésù Kírísítò, tsí wà nyɛ̀ɛ́ títí lɔ náàrìtã́. Ɛ̀tsɛ!