Rómà ŋa 14 سے مشہور بائبلی آیات

شئیر

Ó ɖi, afɔ̀-oyè-Ɔ̀ɖáyé† òŋu#ɛ́, kò tsi afɔ̀-iŋɛ́ yèé à náa dzɛ#ɛ́ ní nàmí iŋɛ́ yèé à kà dzɛ#ɛ́ ní. Kò tsi afɔ̀-iŋɛ́ yèé à náa mɔ#ɛ́ gbo ní nàmí iŋɛ́ yèé à kà mɔ#ɛ́ gbo ní. Kà kàa bɛ́ɛ̀, afɔ̀-ká wà tse òtítɔ́-Ɔ̀ɖáyé, tsí àa kó wà ɖɔ̃̀ bá ɔ̀nyà ŋa, tsí Mímí-Ɔ̀ɖáyé† gbo kó tse tsí àa kó wà náyè títɛ́ si ni. Bí ɔ̀nyà-kã̀ wà tsitsɛ́ fú Kírísítò, tsí wà tse iŋɛ́-ìrɔ́ yèé ŋa nyí#ɛ́, iŋɛ́-ɛnɛ nyɛ̀ŋɛ̀ náa dzɔdzú-Ɔ̀ɖáyé, tsí ɔ̀nyà ŋa gbo náa wà bu ìɖì si fúu.

Bí àa wà náàyɛ̀ si, àa wà si fú Ɔlá-wa ni. Bí àa kú gbo, àa kú fú Ɔlá-wa#á ké ni. Àa wà náàyɛ̀ siì, àa kúù, ti Ɔlá-wa#á gé ní àa dzɛ́ si#ɛ́.

Kíbí ó dzɛ́ bɛ́ɛ̀#ɛ́, àa kó múgírí, tsí ká wà tse iŋɛ́ yèé ŋa nákó mɔ́wɔ́ gbè fú wa, tsí àa kó wà ɖɔ̃̀, tsí àa kó wà ɖáàmí le ara-wa ŋa, tsí àkaralé-wa ŋa gbo kó wà ta ogùgù múlɛ̀ máa#á.

Kíbí ó dzɛ́ bɛ́ɛ̀#ɛ́, kò wà ní àa kó wà kpɛdzɔ́, tsí wà ɖáàbi fú ara-wa ŋa ró. Kà kàa bɛ́ɛ̀, iŋɛ́ yèé àa kó tse#ɛ́ ní dzɛ́ ní ìlò-wa ŋa kó máa dzɛ́ òkúta-àkɔ̀sɛ̀ fú enìkéèdzì-wa ŋa, tsí mú ŋa dzàbi-Ɔ̀ɖáyé.

À ti kɔɔ́ si ńǸwé-Ɔ̀ɖáyé† si bɛ́ɛ̀ ní: “Èmi, Ɔlɔ́dzɔ́ Oláàyɛ̀, ǹ wà fɔ̀ɔ́. Ɔ̀nyà ɔ̀kã̀lɔ́ɔ̀kã̀ kpó nákó wáa kálɛ̀ nábɛ́-mi, tsí àŋa kpó, à nákó tsí arũ, tsí wà nyɛ̀ mí.” Ńbɛ̀ɛ́, ɔ̀nyà kpó bòkó wáa dzɛ́ àbɔ̀ fú Ɔ̀ɖáyé, kṹnukṹ òŋu tɛ̀ɛ̀, ti nára-iŋɛ́ yèé òŋu ká‐ɛ̀ tse#ɛ́.

Báàyí#ɛ́, bí àkaralé-ɔ̀nyà-kã̀ kò ta ogùgù múlɛ̀ rere fee, è náa tɔ́wɔ́ gba òŋu gbo. È máa wà kpɛdzɔ́ báa ti nára-kíbí òŋu náa módzú kpurã iŋɛ́ ŋa gbà#á.

Ǹ ní fòò, ìwɔ yèé wà kpɛdzɔ́ bá àtsìtsɛ́-olòmírɛ̃̀#ɛ́ fee, kí ìwɔ òŋu ò dzɛ́ ná? Bí àtsìtsɛ́#ɛ́ wà tsitsɛ́‐ɛ̀ rere gbo, bí kò wà tseé rere gbo, yèésí tsɛdzɔ́-ɛ̀ɛ? Afɔ̀ nyɛ̀ŋɛ̀ afɔ̀-ɔ̀gá tòŋu ká‐ɛ̀ ni. Tsí nákó sì tsitsɛ́#ɛ́ rere gbo gé ní ó dzɛ́#ɛ́. Iŋɛ́ yèé tse#ɛ́, Ɔlá-wa nɛ́kpá, tsí kó nyáa tse tsí àkaralé‐ɛ̀ kó máa kí nɔ́ɔ̀nà.