Màtéwò 5 سے مشہور بائبلی آیات

شئیر

Ó ɖi, à kà tɔ́ kanɖé gú, tsí mú àwò ɖée málɛ̀. Kà kàa bɛ́ɛ̀, à náa ń gú ńǹtá-kpènkpéle, tsí náa wà má fú ɔ̀nyà kpó yèé wà ńnɔlé#ɛ́ ni. Bɛ́ɛ̀ ní ɛ̀ŋɛ gbo, è nákó wà tse, tsí ìlò-ŋɛ́ ŋa kó wà má nódzú-ɔ̀nyà ŋa, tsí ká wà rí ore-tsítse-ŋɛ́ ŋa, tsí ká wà nyɛ Ɔ̀ɖáyé Boba-ŋɛ́ yèé wà nɔ́ɔ̀rɔ̃#ɛ́ ńnɛ̀ɛ́.

Èkéèdzì‐ɛ̀#ɛ́, è dzɛ́ mímá fú ɔ̀nyà-ìtalɛ̀ bí ŋa ni. Bí à ɖá ìlú-kã̀ si ńǹtá-òkè, à kàkó nyáa mú mímá‐ɛ̀, tsí ń ɖúkù. Bɛ́ɛ̀ ké ní ɛ̀ŋɛ gbo, è kàkó nyáa mú mímá-ŋɛ́ ɖúkù#ɛ́.

Bí ɔ̀nyà-kã̀ mú ìsérè‐ɛ̀ kpó si ńǹtá-Ɔ̀ɖáyé, ó wɛ éwo-ire. Iŋɛ́ yèé tse#ɛ́, nákó wáa rí Ɔ̀ɖáyé.

Bí ɔ̀nyà-kã̀ wà wo kó tse òtítɔ́-Ɔ̀ɖáyé inɔ́ tã̀ã́, ànyì tã̀ã́, ó wɛ éwo-ire. Iŋɛ́ yèé tse#ɛ́, Ɔ̀ɖáyé nákó fúu ńnɛ̀.

Ó ɖi, èmi òŋu, ǹ wà wí fú ŋɛ́ ní fee, e nɛ́ àmúɖɔ̃̀ fú ɔ̀tɛ̀-ŋɛ́ ŋa, tsí e wúùre fú Ɔ̀ɖáyé fú ɛnɛ yèé wà tsoró bá ŋɛ́ ŋa#á gbo.

Bí ɔ̀nyà-kã̀ mà ní òŋu wà nɔ́wɔ́ nákpo nódzú-Ɔ̀ɖáyé, ó wɛ éwo-ire. Iŋɛ́ yèé tse#ɛ́, ó wà dzèrè-oyè-Ɔ̀ɖáyé†.

Bí ɔ̀nyà-kã̀ náa wà múgírí, tsí wà tse tsí ɔ̀nyà ŋa wà ɖɔ̃̀, ó wɛ éwo-ire. Iŋɛ́ yèé tse#ɛ́, Ɔ̀ɖáyé nákó gbàá si náàŋírĩ-ɔma‐ɛ̀ ŋa.

Bí ara wà kú ɔ̀nyà-kã̀, tsí ó wà sɔkṹ báàyí, ó wɛ éwo-ire. Iŋɛ́ yèé tse#ɛ́, Ɔ̀ɖáyé nákó rɛ̀ɛ́.

Bí ɔ̀nyà-kã̀ wà tse òtítɔ́-Ɔ̀ɖáyé, tsí ɔ̀nyà ŋa wà tsoró báa, ó wɛ éwo-ire. Iŋɛ́ yèé tse#ɛ́, ó wà dzèrè-oyè-Ɔ̀ɖáyé.

Bí ɔ̀nyà-kã̀ náa wà rí ànyínɔ́ fúnɛ, ó wɛ éwo-ire. Iŋɛ́ yèé tse#ɛ́, Ɔ̀ɖáyé nákó rí ànyínɔ́ fú òŋu gbo.

Bí ɔ̀nyà ŋa wà bú ŋɛ́, tsí wà tsoró bá ŋɛ́, tsí wà wíìnyɛ̀-íbàɖí ɔ̀kã̀lɔ́ɔ̀kã̀ kpó nára-ŋɛ́, tsí wà tsòɖòbò má ŋɛ́, àtsùgbée kíbí è wà tɛ̀ náànyì-mi#ɛ́, è wɛ éwo-ire. Nóòtítɔ́#ɛ́, ayè kó wà tɛ́ ŋɛ́ gìɖì héŋú. Iŋɛ́ yèé tse#ɛ́, Ɔ̀ɖáyé nákó wáa fú ŋɛ́ nɔ́ɔ̀yà lákṹ-kã̀ nɔ́ɔ̀rɔ̃. Ó ɖi, bɛ́ɛ̀ ké ní à tsoró bá agbáfɔ̀-Ɔ̀ɖáyé fɔ̀† ŋa gbo dzɔ̀ɔ́ dzɔ̀ɔ́#ɛ́.

Bí ɔ̀nyà-kã̀ náa wà tɛ ara‐ɛ̀ bɔlɛ̀, ó wɛ éwo-ire. Iŋɛ́ yèé tse#ɛ́, Ɔ̀ɖáyé nákó mú ìtalɛ̀ bí kpó, tsí ń bɔwɔ́‐ɛ̀.

Ɛ̀ŋɛ, è dzɛ́ oŋu fú ɔ̀nyà-ìtalɛ̀ bí ŋa ni. Ó ɖi, bí oŋu kò nɛ́ aɖɔ̃̀‐ɛ̀ ró fee, kí à nákó nyáa mú si ńnɛ̀, tsí kó ɖɔ̃̀ ró? Kò tsi ká ń tse iŋɛ́-kã̀ ró ni. Ó bɔ ká ń ɖànu, tsí ɔ̀nyà ŋa kó rɛ̃̀ ńǹtá‐ɛ̀ wáa lɔ gé ni.

Báàyí#ɛ́, è náa sã̀ dzálɛ̀ kpó, kíbí Ɔ̀ɖáyé Boba-ŋɛ́ nɔ́ɔ̀rɔ̃ gbo sã̀ dzálɛ̀ kpó#ɛ́.

Ó ɖi, bí ò tàlé-kã̀, nà fɔ̀ gé ní “ɛ̃ɛ̃, màa tseé” nàmí “òò, ǹ kàkó tseé”. Bí ò wà tsèsérè ní òŋu má wí afɔ̀-kã̀ máa ró#ɛ́, ńɖi-Ètsù† ní nyɛ̀ŋɛ̀ náa ti#ɛ́.

È gbɔ́ ní Ɔ̀ɖáyé wí wáa lɔ ní: “Bí ɔ̀nyà-kã̀ fɔ́ odzú-ɛ̀ɛ, nà fɔ́ tɛ̀ɛ̀ gbo. Tsí bí ɔ̀nyà-kã̀ ká enyí-ɛ̀ɛ, nà ká tɛ̀ɛ̀ gbo.” Ó ɖi, èmi òŋu, ǹ wà wí fú ŋɛ́ ní fee, bí ɔ̀nyà-kã̀ tse íbàɖí báɛ, máa tseé sã fúu. Kà kàa bɛ́ɛ̀, bí ɔ̀nyà-kã̀ kpaɛ́ ńǹgbètí àwóòtã́, nà nyí ti àwóòsì gbo fúu.

Bí ó tsi odzú-àwóòtã́-ɛ̀ɛ ní wà múɛ dzàbi#ɛ́, nà nyàá ǹɖe, tsí ń sɔ taánù lɔ. Ó ɖi, bí ìɖì-kã̀-ara-ɛ̀ɛ ɖí bɔ̀, ó sã̀ lárè ní ara-ɛ̀ɛ kpó kó wà ɖíɖé si, tsí o lɔ ńná-àrìtã́. Tsí bí ó sì dzɛ́ ní ɔwɔ́-àwóòtã́-ɛ̀ɛ ní wà múɛ dzàbi#ɛ́, nà kée ǹɖe, tsí ń sɔ taánù lɔ. Ó ɖi, bí ìɖì-kã̀-ara-ɛ̀ɛ ɖí bɔ̀, ó sã̀ lárè ní ara-ɛ̀ɛ kpó kó wà ɖíɖé si, tsí o lɔ ńná-àrìtã́.