ม้ะทู 13 سے مشہور بائبلی آیات

شئیر

เมะ ท คลี๊ง พี่ อ ล้าง แบ ฌางคู ฌี้ นอ, เมะ เว๊ โพล้ง พี่ อ แน่ฌ๊า แบ กแช่ แยว้ อ ลู่ง อ แท๊, ดี๊ นึ อ ซ้ะ พ้า, โพล้ง ล แฌ้ นอ แซ ทาง แอ นี่ อ ล่าง ล แย้, แบ ล แฌ้ๆ, ฆู๊ง ชี๊ง, แบ ล แฌ้ๆ, ซ๊า ชี๊ง”

ท คลี๊ง พี่ ล้าง แบ ท ชูง ท เม แกล้ นอ, เมะ เว๊ โพล้ง พี่ อ แน่ฌ๊า แบ กแช่ แยว้ อ ลู่ง อ แท๊, ฌ้อง แบคู่ ซ้ะอึ้ เท่อ แบฆ้ะ ดี๊ ล จะ แย๊ อี้ง น้ะ มะ, ดี๊ เอ กลู เอ จี้, อ นอ แบ ด้อง เค ไบ้ะ ไฆวะ กแช่ แยว้ อ ลู่ง อ แท๊ คระ, ฌ้อง เก ทาง อ ซูง อ แซ ล ซี แบ ล้อ

พี่ โพล้ง แน่ฌ๊า แบ ท โล้ ล้าง, แบฆ้ะ ดี๊ กแช่ แยว้ อ มื่ง อ บ้าง, แบ เด้าะ แน เว๊ ล ซี แบ นอ, ม้างโค้ไล่ เฌ๊ แม้ ไฆวะ-อ้ะ ลู่ง อ ซ้ะ พ้า ไวะ, อ นอ, แม้ อ ซ้ะ บี่ ซุ้ ดี๊ ท คลี๊ง พี่ อ ล้าง แบ เกล้

ท คลี๊ง พี่ อ ล้าง แบ ฌางคู พี่ ไล๊ โอ ลู่ง อ แช๊ละ ล เอ้า นอ, เมะ เว๊ โพล้ง พี่ อ แน่ฌ๊า แบ กแช่ แยว้ อ ลู่ง อ แท๊, ฌ้อง ฮะ นี่ เว๊, ดี๊ ท เซิง มึ ซ้ะ มึ ล ทีง ฆ่าง ล้อ แบ เด้าะ บี่ ซุ้ ล โอ ดี๊ อ ฌี่ง แบ, นะ เว๊ ล ชู่ ล ล่าง ล้อ, ฌ้อง พี่ อ แบ ท แก ท เฌ้, ท แม้ น้ะ แม้ โน๊ง-อ้ะ ลู่ง กแช่ แยว้ อ ลู่ง อ แท๊ อ กย้อง นอ, อ เว๊ ล ชู่ง เท่อ นะ เท่อ ล้า แบ

กแช่ แยว้ อ มื่ง อ บ้าง แม้ อ ซ้ะ บี่ ซุ้ ดี๊ จี้, พี่ แบ ทอางกี ซูง-อ้ะ ลู่ง ฆึ้ แกล้ พ้า, โพล้ง ล แฌ้ นอ แบ จโคะ เว๊, ฌ้อง แม้ ไบ้ะ ทะ เว๊, อ เว๊ อ ซ้ะ ฆวี๊ง ดู มะ, ฌ้อง กเย่ อ เท่อ โอ ล เม้งๆ, นอ, อางแช๊ เว๊ เลา ปะ, ฌ้อง ลี้ ฆวี้ นี่ ก้ะ ฆึ้ ล ล่าง นอ

ท คลี๊ง แบ ล น้างๆ, ล้าง แบ ลู่ง ฌางคู ฌี้, โยะ ทาง พล่อง ทาง แซ ทาง ฌี้ มะ, แบ ล น้างๆ, แอ นี่ ไท้ อ ล่าง ล แย้, แบ ล น้างๆ, ฆู๊ง ชี๊ง, แบ ล น้างๆ, ซ๊า ชี๊ง

เกม๊า คี๊ง เม้ง นอ ดู ทาง ฆึ แด เว๊, ท้อง อ แค๊ แบ เก้า โคะ, ล พ๊า แย๊ นอ จ ม อางแม้เลา โพล้ง เก้า ล แพ นอ บี่ อี้ง, เก้า ไฆวะ วี่ง นาง บืง นอ, ก้ะ ซยอง-อ้ะ ฌ้อง เช้า ไฆวะ-อ้ะ นอ ไช้ะ, แบ เด้าะ บืง พี่ อ ฌี้ นอ, อางกี-อ้ะ ลู่ง จ พ๊าง พ้า นอ ล้อ’, ”