Sahˬpaˬ Miˬyehˇ ehˇ kʼoꞈ leꞈ-euˬ,
“Ngaˬ neh nawˬ-ahˇ pah mehˬ-euˬ jeˬ,
yaw awˇ laꞈ-ehˇ gui doˆ nya ni,
tsaˬ byaˆ kʼoeˇ taˆ toeˬ boꞈ taˬ-awˬ.
Ngaˇ pah mehˬ-eu jeˬ keuˆ le-eu,
aˇ yamˬ maˬ tsaˬ laˇ-euˬ miˇ neh,
boꞈ doˆ-awˇ tiˬ kʼehˬ dawˬ tawˬ siˬ.
Ngaˇ pah mehˬ-eu jeˬ keuˆ le-eu,
aˇ yamˬ dawˬ peh peh laˇ-euˬ meh.
Yaw kawˇ maˬ keuˆ le gaˇ duˇ kʼawꞈ,
tiˬ kʼehˬ dawˬ-awˇ haw tsoˆ taˬ yawˬ.
Gʼawˬ myahˇ ni maˬ paˇ nyi naˬ ni,
keuˆ le luꞈ-eu yaw duˬ baw meh.
