Matío 19 سے مشہور بائبلی آیات

شئیر

Yesu tə́g vu̵, hí̧i̧d vu̵: “Hȩn yȩ mba woo nánán vu̵ yu̵ kɛb, a̧máa kóó ȩná mban woo Tayɨɨ né.”

Vu̵ duu mbaan fó̧ó̧ idúi né, a̧máa fó̧ó̧ dágáɨ. Hȩn Tayɨɨ ka su̵gu̵n máa, nán a hɨ'ɨn sá.”

Yesu hí̧i̧d vu̵ o̧: “Ká ví záŋ́ga debtere Múúsa woo náa? ‘Ɨ́ ka yɨb hȩn vu̵ ya dəné woolı̵́ máa, ká mbɔ́g wayée vu̵ kan wakȩ́ȩ́.’ Pig woo máa, o̧: ‘Moo woo nɔ wayée wú̵ń hı̵́'ı̵́n kan ba' woo kan na' woo, vú̵ń má'án kan kȩ́ȩ́, ya voo idú á̧ḿ vú̵ń tii fó̧ó̧ dágáɨ.’

A̧máa Yesu o̧d vu̵: “I gbɔ náásá̧ŋ́ waa vu̵ u̵u̵ yaa míílí̧ la ú̵, i há' vu̵ sá, moo gbaŋ waalı̵́ Tayɨɨ woo mbaad nán ku̵u̵ man kan vu̵ má nɔ.”

A̧máa nán ɓu̵u̵lı̵́ na'a sa̧a̧m nán ku̵u̵ mbaa nán gbo̧o̧ vu̵ hágá yɛlı̵́ máa, vú̵ń tii hȩn lee; ı̵́ ku̵u̵ ho̧ vu̵ hȩn leená hágá yɛlı̵́ máa, tóó vú̵ń tii nán gbo̧o̧ vu̵.”

Kóó nɔ́nná a gbɔ kíi woo kan daa nii kan daa sá̧ŋ́ vu̵, tóó tée daa kȩ́ȩ́, kan ba' woo kan na' woo, tóó tée waa woo vu̵ kan bab, moo míílí̧ tée, wú̵ń duu nuŋ vu̵ do' tȩmɛre. Wú̵ń duu nuŋ vágád káákáá á̧ḿ.

Yesu duu o̧ddu̵: “Tow a̧m hí̧í̧ bi kɔ́ hȩn 'waapád a kéé sá tée, a̧m la gí hȩn káḿ 'yɛ́ máa vu̵, mɔ́ yȩ'ȩ nán gíḿ vu̵, tée mɔ́ń nuŋ hȩn naa tóó Tayɨɨ woolı̵́, pig woo tée mɔ́ ya duun.”

Yesu hí̧i̧du̵: “Moo ȩn mɔ́ vin moo yúú hȩn du̵u̵ kɔ́lı̵́lı̵́lá? Ɨ́ hȩn du̵u̵ kɔ́lı̵́ dɨ dágá 'nɛ́ŋ́. Tow a̧m hí̧í̧ bi dɔ́ ya vágádı̵́ tée, a̧m duu dooká Tayɨɨ woo vu̵ yu̵.”

Mí faa o̧d ví, hȩn təəlı̵́ tóó dɨlı̵́; wu̵ bal a pu̧u̧ nɔ́ɔ́ ba'taalı̵́ má nɔ. A̧máa hȩn ka təə mba máa dɨlı̵́; wu̵ nán naa a hí̧í̧ bi dɔ́ gbaŋ waalı̵́ Tayɨɨ woolı̵́ tɛ́ nɔ.”

A̧máa mí o̧d ví, wakȩ́ȩ́ a kɔ́n ɓáaɨ né, tow wə̧ə̧ a nɛŋŋɔ gbɔ, moo bi éé kȩ́ȩ́ tóó nɔ tée, wayée yȩ kɔ́ ɓáaɨ.”

Pig woolı̵́ máa, Yesu o̧d waa duulí woo vu̵: “Mí o̧d ví moo yȩ́ńne, təə ú̵, nán naa a dɔ́ gbaŋ waalı̵́ Tayɨɨ woolı̵́ tɛ́ nɔ.