Micha 4 سے مشہور بائبلی آیات

شئیر

Leit in anri lendah zayla iahra gettah nohch gay, avvah miah zayla lawfa im nohma fumm HAH unsah Gott fa'immah.

Feel heida kumma bei un sawwa, “Kummet, vella nuff an da berg fumm HAH gay, an's Haus fumm Jakob sei Gott, so es eah uns land veyyich sei vayya, un so es miah in sei pawt lawfa kenna.” Es ksetz zayld naus gay funn Zion, un em HAH sei vatt funn Jerusalem.

In di letshta dawwa avvah, vatt da berg vo da tempel shtayt ufgebaut. Eah vatt da evvahsht unnich awl di berga, un di leit funn anri lendah kumma bei zu eem.

Eah zayld richta unnich feel leit, un zayld feel mechtichi heida-lendah zanka un iahra shtreit shtobba. Si zayla iahra shvadda in blooks-peinda macha, un iahra shpiahra in sichla. Kenn folk zayld's shvatt uf nemma geyyich en annah folk, un si zayla nee nimmi lanna fa greek macha.