Dess sinn di vadda fumm Amos, ayns funn di shohf-heedah funn di shtatt Thekoa. Dess is vass eah ksenna hott veyyich Israel zvay yoah eb di eaht-bayben, an di zeit es da Usias kaynich funn Juda voah un da Jerobeam, em Joas sei boo, da kaynich funn Israel voah.
Eah hott ksawt:
“Da HAH roaht aus Zion
un lost sei shtimm heahra aus Jerusalem;
di shohf-heedah iahra vayt-feldah drikla uf,
un's graws uf em Berg Karmel drayt brau.”