Wɔlɔme 3 سے مشہور بائبلی آیات

Mazɔlɔɔ ɛsɛ pɛ ge kotoi ɠɛa, ti ʋalaga GALA ná-lɛbiyai ma. Ti pɛ ti levea ga telebo nu ga ná-zaalai maaʋele, GALA ná-faanɛɛi ɠana é kɛɛni, unmɔɔgi maaʋele ma Yesu Kilista ʋaani la.

GALA ka nuɓusɛi pɛ kɛɛzu ɠaazu ga telebo nu ga kidaaleʋei maaʋele, Yesu Kilista ma. Toɠa naa ɠɛɛzu naati pɛ bɛ, niiti ti ɠidaaleʋezu Kilista ma, zeeɠaaɠwɛɛzu la nuɓusɛiti ba.

Tɔ ɠa GALA ge deveni ga koto gba zalaɠai, naati faa ma, niiti ta ɠidaaleʋe ma ɲamai ma, puai, naa ɠa a kɛ é ná-telebodai lɛ. Kotoiti ti ɠɛɛni kaite, GALA ge naati sala vai yɛni ná, ná-ziilɔɔi maaʋele ma. É ɠɛni pɔ ga é ná-telebodai lɛ niima ziɛgi zu, mazɔlɔɔ toɠa pɔ ga é ɠɛ ga telebo nu, ta é naati kɛ ga telebo nu, niiti ti ɠidaaleʋezu Yesu ma.

Mazɔlɔɔ nuɓusɛ nɔpɛ ge la ɠɛa ga telebo nu GALA gaazu ga tɔgi zo fai maaʋele. Tɔgi ɠa nɔ ga zaɓui, nui kwɛɛ ga é kotoi ɠɛɛʋɛ.

Sɛʋɛʋɛ GALA Sɛʋɛi zu ga: «Telebo nu nɔpɛ ge la ná, anɛɛ gila kpalaa, tanɔpɛ ge la ga faaɠaaɠaa nu, ti tanɔpɛ ge la GALA gaiziɛzu. Ti pɛ ti ɠakaga, ti kpein ti luʋa ʋelei ɲɔuɗa ʋɔɔma, taɠila kpalaa ge la ná, nii é faa ʋagɔ ɠɛɛzu, anɛɛ gila kpalaa.»

Mazɔlɔɔ gá ɠisiɛzu ga nui ɠa ɠɛ ga telebo nu GALA gaazu ga kidaaleʋei maaʋele, naa la ɠɛɛzu ga tɔgi zo fai maaʋele.

Naa li poun! Kɛni GALA ge ɠwɛɛ ga gaama ƓALAGI, anɛɛ ni nuɓusɛi pɛ ka levezu ga zɛɛ wo nu, eɠɛʋelei sɛʋɛai la GALA Sɛʋɛi zu ga: «Kɛni ti è ɠwɛɛ ga telebo nu è ɓɔɛ wooiti su, ni nu a ɠɛna é è lukpɔ, è pee zɔlɔɔ.»