Nengeulaula 11 سے مشہور بائبلی آیات

شئیر

Ne hein neturedu zin, miduma zin diyà te Entiyukya. Ne seled te sengetuig, diyè dan is dezuwa med-amur te menge tumutuu ziyà te Entiyukya ne mezakel is mibpemenurù dan. Ne ziyà te Entiyukya, sikan is menge sumusundan, aney en gerari he menge Kristiyanus.

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen. Ne si Bernabe, meupiya is ulaula zin, ne meheg̵et is ked-ulini kandin te Wag̵as he Mulin-ulin ne meheg̵et daan is kedtuu zin te Megbevayà, ne mezakel zutun is nemeketuu te Nengazen tew he si Jesus.

Ne emun mibpeulinan sikandan te Megbevayà te Wag̵as he Mulin-ulin iring dutun te kebpeulini zin dengan kenitew te kedtuu tew te Nengazen he si Jesu Kristu, kenà egkehimu he kenè ku edewaten is kebpeulini zin kandan te kenà menge Hudiyu.” Ne hein nezineg te menge tumutuu he Hudiyu haazà is ketezengan ni Pedro, mid-engkezan dan is kedsewaya zan kandin ne midalig dan is Megbevayà su ke sikandan te, “Mibulusan en bes te Megbevayà is menge kenà Hudiyu wey zan daan meiniyug̵i is mezaat he ulaula wey zan mezawat is untung he wazà pidtemanan.”