METIU 19 سے مشہور بائبلی آیات

شئیر

Ckvdaggom Jisubv bulum ka:to odokkc bulum luto, “Tani:kcpc cdc ila:ma:namc, ckvdaggom Ru:ncpvnckcpc appvng atvdci ila:nammc,”

Cdcmpidag bulu annyima:bong cmpige:la adin akkongc. Okodcm cdcmpidag Ru:ncpvncbv lckopc imotonc, tani:ycm cdcm ako-akko:pc imopcnammang.”

Bv lubito, “Nolu pokvma:nci sc:kobv lendo-a:dodokkcbong bulum ru:tonc bulum nc:pcla: milbo:pc ru:to cmna, odokkc luto, ‘Kapila:nc sok lcga:pc tani:akonc bvk anncmna: abudcm mcyc odokkc cdc anyidc adin akkongkopc iyc’

cmpige:la Jisubv luto, “Ko:kangkvdv:dcm ngokkoso:pc gva:motoka, odokkc bulum lutumyok; kapila:nc bulukkcmpc inckvdv:dok lcgangcmvn taycng among migomdok dungko mo:pvdc.”

Ckvdaggom bojcko gvpo:nckvdv:dok lcddarpc iyc, odokkc lcddarkcdc gvpongarpc iycku.

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

Jisubv bvm luto, “No appv:lok aiyyampc cmna mc:dagmvlo, gvkang, oko okko du:nc kongapta:kuka odokkc opancm bitok, odokkc nokkc murkong kumsungc du:yckupc: odokkc gvtok, ngok lcdulo gvmvntok.”

Odokkc Bv bvm lubito, “No kapila ngom okodc aidagnc tawudang? Ainc akkongko dung. No cdc turnamdcm pa:lv:dagmvlo, lulvgnamkvdv:dcm lukamdcmpci itoka.”

Lckoda ngo nolum lubidung, u:t gure: lokkcpci pcsiaru:dok gvkurnamdc gvkurla:ycpc mircmnc tani:akonc Ru:ncpvnckc migom du:tcng mo:pvdo gva:namdcmyam.”

Odokkc ngo nolum lubidung: sc:kobvi nc:ngcm mcpakyckunc, aima:nc ager gernam lcgangcma:mvlo, odokkc amikolo gvkuma:mvlo, midangmoma:namdcm aima:pc imomang.”

Odo Jisubv Bvk agom tadjvgla gvmvnnc tani:kvdv:dcm luto, “Aropakpc ngo nolum lubidung, mircmnc tani:akolokkcpc taycng among migom du:tcng mo:pvpc gvangpc gvla:ma:ycku.