JAKOB 1 سے مشہور بائبلی آیات

شئیر

Keoniorübo, küyimki nüsanü rükaki aphuaphu shorubanü alala asühkhi ah de lümang, tümüde nüsa akin rükakikhinü arümkheam akhiukshihchoh de nüsanü mükheahlah.

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang

Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

Tümüde khürü thiyu sorü thsübah arhimorü yungsho, api ju meayinpung ching miro tsütsü ayinkhi mihtsürü kiphahlah; tümüde apinü anihbuh ayina kheahchoh tüsho tsoabahchoh tüsho api küruk lakheanü khülangkinü mihabahchoh.

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

Tüsho api rükaki lachoki, “Thrünpuhnü I rükakido” de shenü she dütha; tümüde amüneannü Thrünpuh rükakipü mukuk tüsho apinü she sheshe rükmakichoh; tüshe mihtsürü aban nihbuhnü amütsü künkhinü bephülapde tüsho münityukde lachoki rükakichoh.

Abobe kuhi ching lakhi keoniorünü api shuhkihkhi dünkheak dükükheang