If you would like a copy of this version please contact info@davaraudiobibles.org

The Holy Bible Sunuwar © 2011 Wycliffe Bible Translators Inc. (Text)
Sunuwar Old Testament Audio Bible ℗ 2025, Davar Partners International. (Audio)

Sunuwar Old Testament

एको आदम आ चच, युइ बाक्‍नीम। परमप्रभुमी मुर सेलानु, आ खोदेंशो पा सेला बाक्‍त। वोंइश मुर का नु मीश मुर का सेला बाक्‍त। मिनु मेको आस कली आसीक गेशा, आस नें मुर वोइ‍स्सी बाक्‍त। मिनु आदम सहे का ३० बर्स दुम्‍मेनु, आ खोदेंशो तौ का थि‍माक्‍त। मिनु मेको कली सेथ नें वोदा बाक्‍त। सेथ थिशा नोले आदम ८ सहे बर्स ब्रोंइमाक्‍त। अरु तमी तौ यो थि‍माक्‍त। मिनु आदम नेल्‍ल पा ९ सहे ३० बर्स ब्रोंइशा बेक्‍माक्‍त।
मिनु सेथ सहे का ५ बर्स दुम्‍मेनु, तौ का थि‍माक्‍त। मेको कली एनोश नें वोदा बाक्‍त। एनोश थिशा नोले ८ सहे ७ बर्स ब्रोंइमाक्‍त। अरु तमी तौ यो थि‍माक्‍त। मिनु सेथ नेल्‍ल पा ९ सहे १२ बर्स ब्रोंइशा बेक्‍माक्‍त।
मिनु एनोश ९० बर्स दुम्‍मेनु, तौ का थि‍माक्‍त। मेको कली केनान नें वोदा बाक्‍त। केनान थिशा नोले ८ सहे १५ बर्स ब्रोंइमाक्‍त। अरु तमी तौ यो थि‍माक्‍त। मिनु एनोश नेल्‍ल पा ९ सहे ५ बर्स ब्रोंइशा बेक्‍माक्‍त।
मिनु केनान ७० बर्स दुम्‍मेनु, तौ का थि‍माक्‍त। मेको कली मा-हालालेल नें वोदा बाक्‍त। केनान मा-हालालेल थिशा नोले ८ सहे ४० बर्स ब्रोंइमाक्‍त। अरु तमी तौ यो थि‍माक्‍त। मिनु केनान नेल्‍ल पा ९ सहे १० बर्स ब्रोंइशा बेक्‍माक्‍त।
मिनु मा-हालालेल ६५ बर्स दुम्‍मेनु, तौ का थि‍माक्‍त। मेको कली यरेद नें वोदा बाक्‍त। यरेद थिशा नोले ८ सहे ३० बर्स ब्रोंइमाक्‍त। अरु तमी तौ यो थि‍माक्‍त। मिनु मा-हालालेल नेल्‍ल पा ८ सहे ९५ बर्स ब्रोंइशा बेक्‍माक्‍त।
मिनु यरेद सहे का ६२ बर्स दुम्‍मेनु, तौ का थि‍माक्‍त। मेको कली हनोक नें वोदा बाक्‍त। यरेद हनोक थिशा नोले ८ सहे बर्स ब्रोंइमाक्‍त। अरु तमी तौ यो थि‍माक्‍त। मिनु यरेद नेल्‍ल पा ९ सहे ६२ बर्स ब्रोंइशा बेक्‍माक्‍त।
मिनु हनोक ६५ बर्स दुम्‍मेनु, तौ का थि‍माक्‍त। मेको कली मेथुसेलाह नें वोदा बाक्‍त। हनोक आ थुंमी परमप्रभु आ नेक्‍था बाक्‍शो बाक्‍माक्‍त। हनोक मेथुसेलाह थिशा नोले सहे सां बर्स ब्रोंइमाक्‍त। अरु तमी तौ यो थि‍माक्‍त। मिनु हनोक नेल्‍ल पा सहे सां ६५ बर्स दुम्‍माक्‍त। हनोक परमप्रभु नु गाक्‍बाक्‍माक्‍त। मिनु परमप्रभुमी हनोक कली आ बाक्‍तीक लदा बाक्‍त। मुरपुकीम हनोक कली माल्‍शा, मथिदमे बाक्‍त।
मिनु मेथुसेलाह सहे का ८७ बर्स दुम्‍मेनु, तौ का थि‍माक्‍त। मेको कली लमेक नें वोदा बाक्‍त। मेथुसेलाह लमेक थिशा नोले ७ सहे ८२ बर्स ब्रोंइमाक्‍त। अरु तमी तौ यो थि‍माक्‍त। मिनु मेथुसेलाह नेल्‍ल पा ९ सहे ६९ बर्स ब्रोंइशा बेक्‍माक्‍त।
मिनु लमेक सहे का ८२ बर्स दुम्‍मेनु, तौ का थि‍माक्‍त। मेको कली नोआह नें वोदा बाक्‍त। मेको नें आ अर्थ थुं बारपाइक्‍तीक बाक्‍ब। मिनु लमेकमी “परमप्रभु यावेमी खप कली सराप पाप्‍तु। आं तौ रूम गेय पपाइक्‍तीके श्‍येत रे प्रोंइब बाक्‍ब” देंमाक्‍त। लमेक नोआह थिशा नोले ५ सहे ९५ बर्स ब्रोंइमाक्‍त। अरु तमी तौ यो थि‍माक्‍त। मिनु लमेक नेल्‍ल पा ७ सहे ७७ बर्स ब्रोंइशा बेक्‍माक्‍त।
मिनु नोआह ५ सहे बर्स दुम्‍मेनु, शेम हाम नु यफेथ थी‍मी बाक्‍त।

سنیں उत्पत्ती 5