If you would like a copy of this version please contact info@davaraudiobibles.org

Roviana Bible © 2016, Wycliffe Bible Translators, Inc. (Text)
Roviana Old Testament Audio Bible ℗ 2026, Davar Partners International. (Audio)

Roviana Old Testament

<div class="version vid1909 iso6393rug" data-vid="1909" data-iso6393="rug">
 <div class="book bkGEN">
 <div class="chapter ch3" data-usfm="GEN.3">
 <div class="label">3</div><div class="s1">Adama si Sekea sa Tinarae te Tamasa</div><div class="p"> 1Ego, sa noki si keke kurukuru sekesekeina, holani sari doduru kurukuru pule, saripu ele taveti e Zihova Tamasa. Zama la ia sa noki sa barikaleqe, &#8220;Vegua, ele zama hinokara nia Tamasa sapu lopu kaqu henai gamu vuadi sari doduru huda koasa inuma hie, gua taga?&#8221;#Rev 12:9, 20:2 </div><div class="p"> 2Meke ola&#7753;ia sa barikaleqe sa noki, &#8220;Boka henai gami sari na vuadi rina huda koasa inuma. 3Ba zama sa Tamasa sapu lopu kaqu hena ia gami sa vuana sa huda sapu koa pa vari korapana puta sa inuma, meke namu lopu kaqu tiqua gami si asa, pude lopu gua si kaqu mate si gami kara! gua.&#8221;</div><div class="p"> 4Ba zama la sa noki koasa barikaleqe, &#8220;Lokari hokara lopu kaqu mate si gamu kara! 5Ura gilania Tamasa sapu pana hena ia gamu si asa, si kaqu tava va&#7753;unu sari na matamia, meke kaqu gua tugo sa Tamasa si gamu, pude gilania sapu leana meke sapu kaleana.&#8221;</div><div class="p"> 6Meke sipu do&#7753;o la ia sa barikaleqe sa vuana sa huda sapu do&#7753;o lea pa matana, meke leana pude hena ia, meke ta okorae tugo pude gilae, si paketia sa si asa meke hena ia. Meke ponia sa sa loana, meke somana hena ia sa si asa. 7Meke sipu hena ia tugo ri kara si asa si hinoqa tava va&#7753;unu sari na matadia meke gilania ri kara sapu dodoho si arini. Ke piti vari kapaeni ri kara sari na elo piqi&#8202; d pude taveteni dia tivitivi, gua.</div><div class="p"> 8Pana veluvelu ibibuna sa rane si avosia ri karua tamaloana sa halabutu nenena e Zihova Tamasa pa korapa inuma, ke tome nia ri karua tamaloana si Asa pa korapa hudahuda koasa inuma. 9Ba tioko la ia e Zihova Tamasa sa tie, meke nanasia, &#8220;Pavei koa si goi?&#8221; gua.</div><div class="p"> 10Meke ola&#7753;a sa tie, &#8220;Avosia rau sa halabutu nenemu Goi pa korapa inuma, ke matagutu qua sina na dododohoqu si rau. Ke tome qua!&#8221;</div><div class="p"> 11Meke zama sa Tamasa, &#8220;Esei tozi nigo sapu dodoho si goi, gua? Vegua, ele hena ia goi sa vuana sa huda sapu heki nia Rau koa goi?&#8221;</div><div class="p"> 12Meke zama sa tie, &#8220;Sa barikaleqe sapu poni nau Goi, pude koa koa rau, asa si poni nau sa vuana sa huda, ke hena ia rau si asa,&#8221; gua si asa.</div><div class="p"> 13Meke zama la se Zihova Tamasa koa sa barikaleqe, &#8220;Tio, na sa sapu ele tavetia goi?&#8221;</div><div class="p">Meke ola&#7753;a sa barikaleqe, &#8220;Na sekesekei nau sa noki si rau, ke hena ia rau sa vuana sa huda,&#8221; gua si asa.#2 Kor 11:3; 1 Tim 2:14 </div><div class="s1">Ta Tozi Vurae sa Vina Kilasa</div><div class="p"> 14Meke zama la ia Zihova Tamasa sa noki, &#8220;Sina ele tavete guahe si agoi, ke kaqu ta levei si goi. Koari doduru kurukuru made nenedi meke sari doduru kurukuru pinomo, ba agoi mo si ta levei. Kaqu gotolo nia goi sa tiamu, meke kaqu hena ia goi sa kavuruna sa pepeso doduru rane pa mua tinoa. 15Kaqu vekoa Rau sa vinarikanai pa varikorapamu goi meke sa barikaleqe, meke pa vari korapana sa kikomu goi, meke sa kikona sa; kaqu sekea sa#3:15 Sa kikona sa barikaleqe si zama nia se Zisu sapu kaqu va kilasia se Setani. Mi tiroa Rom 16:20 Qal 3:16. sa batumu meke agoi ba kaqu garatia tugo sa huhubakuluna sa.&#8221;#Rev 12:17 </div><div class="p"> 16Meke koasa barikaleqe ba zama la tugo sa Tamasa, &#8220;Kaqu va nomaia Rau sa mua tinasigiti pa mua pinodopodo; meke pa tinasigiti tu si kaqu tiqe podo koburu si goi, ba kaqu okoro pule nia tugo goi sa loamu#3:16 Kaiqa tie si balabala ia sa Hiburu sapu ta iliri &#8220;kaqu okoro pule nia tugo goi sa loamu&#8221; sa ginuana hinokara si &#8220;kaqu okoro pude palabatu nia goi sa loamu.&#8221;, ba kaqu palabatu nigo sa si goi.&#8221;</div><div class="p"> 17Meke zama la koe Adama si Asa, &#8220;Sina ele va tabea goi sa mua barikaleqe, meke hena ia goi sa vuana sa huda, sapu heki nia Rau, pude meke mi hena ia gamu kara, gua. Mani ta levei sa pepeso koasa ginugua sapu tavetia goi. Pana gore igo tu &#7753;ata&#7753;ata si kaqu tiqe ari gemu ginani si goi, ninae rane pa mua tinoa.#Hib 6:8 18Meke na aroso rakihi, na nobo si kaqu toqolo vura mae, meke kaqu henai gamu sari na linetelete pa inuma. 19Pana tavetavete va &#7753;i&#7753;ira meke gorea tu &#7753;ata&#7753;ata sa isumatamu, si kaqu tiqe hena ginani si goi, osolae pule la koasa pepeso si goi. Na kavuru mo si goi sina agoi si ta tavetae pa pepeso mo; ke pa kavuru tugo si kaqu kekere pule la si goi.&#8221;</div><div class="p"> 20Ego, poza nia Ivi#3:20 Sa mamalai&#7753;ina sa pozapoza Ivi si keke&#7753;o&#7753;o guana keke zinama Hiburu sapu sa ginuana si toana. sa tie, sa nana barikaleqe, sina na tinadia ri doduru tie toadi si asa. 21Meke tavete poni nia poko kapu kurukuru e Zihova Tamasa, se Adama meke sa nana barikaleqe, meke va pokopokoi Sa sari kara.</div><div class="s1">Ta Hitu Taloa koe Tamasa koasa Inuma se Adama meke Ivi</div><div class="p"> 22Meke tiqe zama pule se Zihova sa Tamasa, &#8220;Dotu, ele ta eva&#7753;ae keke&#7753;o&#7753;o gua tugo gita sa tie, ke gilania sa sapu leana babe kaleana. Ego, mani lopu tava malumu si asa kamahire, pude qaqama la nia sa sa limana, pude vagia sa vuana sa huda tinoa meke hena ia, meke toa hola.&#8221;#Rev 22:14 23Gua asa, si hitu pania Zihova Tamasa pa Inuma Idini si asa, pude mani uma ia sa sa pepeso vasina sapu ta tavete mae guana si asa. 24Meke sipu ele hadu vura nia Sa sa tie si vekoi Sa pa kali gasa rimata koasa inuma Idini sari na mateana, meke sa vedara huruhuru&#7753;una, sapu ava&#7753;a varikali pude kopu totoko nia sa sira&#7753;a la gua koa sa huda tinoa.</div>
 </div>
 </div>
</div>

Ego, sa noki si keke kurukuru sekesekeina, holani sari doduru kurukuru pule, saripu ele taveti e Zihova Tamasa. Zama la ia sa noki sa barikaleqe, “Vegua, ele zama hinokara nia Tamasa sapu lopu kaqu henai gamu vuadi sari doduru huda koasa inuma hie, gua taga?”
Meke olaṉia sa barikaleqe sa noki, “Boka henai gami sari na vuadi rina huda koasa inuma. Ba zama sa Tamasa sapu lopu kaqu hena ia gami sa vuana sa huda sapu koa pa vari korapana puta sa inuma, meke namu lopu kaqu tiqua gami si asa, pude lopu gua si kaqu mate si gami kara! gua.”
Ba zama la sa noki koasa barikaleqe, “Lokari hokara lopu kaqu mate si gamu kara! Ura gilania Tamasa sapu pana hena ia gamu si asa, si kaqu tava vaṉunu sari na matamia, meke kaqu gua tugo sa Tamasa si gamu, pude gilania sapu leana meke sapu kaleana.”
Meke sipu doṉo la ia sa barikaleqe sa vuana sa huda sapu doṉo lea pa matana, meke leana pude hena ia, meke ta okorae tugo pude gilae, si paketia sa si asa meke hena ia. Meke ponia sa sa loana, meke somana hena ia sa si asa. Meke sipu hena ia tugo ri kara si asa si hinoqa tava vaṉunu sari na matadia meke gilania ri kara sapu dodoho si arini. Ke piti vari kapaeni ri kara sari na elo piqi  d pude taveteni dia tivitivi, gua.
Pana veluvelu ibibuna sa rane si avosia ri karua tamaloana sa halabutu nenena e Zihova Tamasa pa korapa inuma, ke tome nia ri karua tamaloana si Asa pa korapa hudahuda koasa inuma. Ba tioko la ia e Zihova Tamasa sa tie, meke nanasia, “Pavei koa si goi?” gua.
Meke olaṉa sa tie, “Avosia rau sa halabutu nenemu Goi pa korapa inuma, ke matagutu qua sina na dododohoqu si rau. Ke tome qua!”
Meke zama sa Tamasa, “Esei tozi nigo sapu dodoho si goi, gua? Vegua, ele hena ia goi sa vuana sa huda sapu heki nia Rau koa goi?”
Meke zama sa tie, “Sa barikaleqe sapu poni nau Goi, pude koa koa rau, asa si poni nau sa vuana sa huda, ke hena ia rau si asa,” gua si asa.
Meke zama la se Zihova Tamasa koa sa barikaleqe, “Tio, na sa sapu ele tavetia goi?”
Meke olaṉa sa barikaleqe, “Na sekesekei nau sa noki si rau, ke hena ia rau sa vuana sa huda,” gua si asa.

Meke zama la ia Zihova Tamasa sa noki, “Sina ele tavete guahe si agoi, ke kaqu ta levei si goi. Koari doduru kurukuru made nenedi meke sari doduru kurukuru pinomo, ba agoi mo si ta levei. Kaqu gotolo nia goi sa tiamu, meke kaqu hena ia goi sa kavuruna sa pepeso doduru rane pa mua tinoa. Kaqu vekoa Rau sa vinarikanai pa varikorapamu goi meke sa barikaleqe, meke pa vari korapana sa kikomu goi, meke sa kikona sa; kaqu sekea sa sa batumu meke agoi ba kaqu garatia tugo sa huhubakuluna sa.”
Meke koasa barikaleqe ba zama la tugo sa Tamasa, “Kaqu va nomaia Rau sa mua tinasigiti pa mua pinodopodo; meke pa tinasigiti tu si kaqu tiqe podo koburu si goi, ba kaqu okoro pule nia tugo goi sa loamu, ba kaqu palabatu nigo sa si goi.”
Meke zama la koe Adama si Asa, “Sina ele va tabea goi sa mua barikaleqe, meke hena ia goi sa vuana sa huda, sapu heki nia Rau, pude meke mi hena ia gamu kara, gua. Mani ta levei sa pepeso koasa ginugua sapu tavetia goi. Pana gore igo tu ṉataṉata si kaqu tiqe ari gemu ginani si goi, ninae rane pa mua tinoa. Meke na aroso rakihi, na nobo si kaqu toqolo vura mae, meke kaqu henai gamu sari na linetelete pa inuma. Pana tavetavete va ṉiṉira meke gorea tu ṉataṉata sa isumatamu, si kaqu tiqe hena ginani si goi, osolae pule la koasa pepeso si goi. Na kavuru mo si goi sina agoi si ta tavetae pa pepeso mo; ke pa kavuru tugo si kaqu kekere pule la si goi.”
Ego, poza nia Ivi sa tie, sa nana barikaleqe, sina na tinadia ri doduru tie toadi si asa. Meke tavete poni nia poko kapu kurukuru e Zihova Tamasa, se Adama meke sa nana barikaleqe, meke va pokopokoi Sa sari kara.

Meke tiqe zama pule se Zihova sa Tamasa, “Dotu, ele ta evaṉae kekeṉoṉo gua tugo gita sa tie, ke gilania sa sapu leana babe kaleana. Ego, mani lopu tava malumu si asa kamahire, pude qaqama la nia sa sa limana, pude vagia sa vuana sa huda tinoa meke hena ia, meke toa hola.” Gua asa, si hitu pania Zihova Tamasa pa Inuma Idini si asa, pude mani uma ia sa sa pepeso vasina sapu ta tavete mae guana si asa. Meke sipu ele hadu vura nia Sa sa tie si vekoi Sa pa kali gasa rimata koasa inuma Idini sari na mateana, meke sa vedara huruhuruṉuna, sapu avaṉa varikali pude kopu totoko nia sa siraṉa la gua koa sa huda tinoa.

سنیں Zenesesi 3