Популярні біблійні вірші з Tite 1

Поділитись

Aa amba ci a na dimuka Nyambi, unone ketenda yo aa mu hamura. Awo po anu owamango, o mukanayuva, awa a na kana ku roera ku tenda ngara ekwama yoiwa.

Kowa owakenu, enu yoihe ikenu, uno honi kwanu owamango nowa o kukana ku tawa, kwithsa yoikenu ku kwo, unone maano o no mimoneno thzo i na thsirekiwa.

Aa roera ku tanarithsa maywi oshemwa aa naa rongithsiwa, ci naye a twethse ku tanarithsa amweya kerongithsa yoshemwa no ku kuturura awa a i rwithsa.

Inene mutangereri o kereke po muendithsi o nthzio thza Nyambi, mweyo, aa roera kwikara o kupira kapongonyi. Ka a roerire kwikara no maranduru, nji kwikara no kacimacima, nji kwikara thsitakwa, nji kwikara o mushakararo, nji o rununa ro madi. Uno honi aa roera kwikara o ku tambura nawa enda, o ku shima yoiwa, o ku cihenga, o muwawa, o mukenu, karo o mikarero thzothziwa.

Mutangereri o kereke aa roera kwikara o kupira kapongonyi, mukwerume oyu na yeke mbuyama yofoci, oyu di nana wakwakutawa, awa a na kana ku toyiwa mavangoka nji dikamba.