Популярні біблійні вірші з ROMA 8

Поділитись

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

Hpa majaw nga yang, si ti mung prawn ti mung, lamu kasa rai ti mung, tawa magam ya e nga ai arai, htawm e du na arai hte lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

Dai hte maren dai Wenyi mung anhte a gawng kya ai lam hpe karum ya na matu du sa ai; hpa majaw nga yang anhte gara hku kaning ngu akyu hpyi mai na lam n chye ga ai; dai Wenyi nan anhte a n-gup aga hte n hkawn n tsun lu ai kraw kata e madai nga ai hte anhte a matu hpyi htinglu ya mi ai.

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

Hkum shan myit e up hkang kau ai gaw si mat ai hpe shabyin nga ai; Wenyi e up hkang kau ai gaw asak hkrung ai lam hte ngwi pyaw ai lam hpe shabyin nga ai.

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

Ya ndai prat e anhte hkrum hkra ai tsin-yam tsindam gaw du na ra ai aten hta anhte hpe hkam la shangun na ra ai hpung shingkang hte shadawn n ging nga ai ngu nna ngai myit nga nngai.

Dai rai nna Hkristu a tsaw ra ai hta na anhte hpe kadai wa mi jahka kau lu na mi ta? Tsin-yam tsindam atsu atsam hte yak hkak jam jau lam shing n rai zingri zingrat hte hku hku hpang gara lam, shing n rai singgu krin matsan chyaren lam hte hkrit hpa ri nhtu si hkrung si htan lam hkrum yang she jahka kau lu na myit ni?

Anhte a kraw lawang ni hpe sawk yu nna mu chye ya nga ai Karai Kasang chyawm gaw Wenyi a myit hpa rai nga ai gaw chye ya nga ai; hpa majaw nga yang, dai Wenyi gaw Karai Kasang myit ra ai lam hte maren shi a amyu masha ni a matu mara Karai Kasang kaw hpyi htinglu ya nga ai.

Karai Kasang a Wenyi e lam madun woi awn ai hta hkan nang ai ni yawng mayawng hte gaw Karai Kasang a kasha ni rai nga ma ai.

Hkum shan myit e shangun ai hku asak hkrung ai ni gaw hkum shan a ra marit ai lam ni e shanhte a myit ni hpe up hkang kau ya mu ai. Wenyi e hkang ai hku asak hkrung ai ni gaw Wenyi ra ai hku shanhte a myit ni hpe up hkang nga ma ai.

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

Anhte Karai Kasang a kashu kasha ni rai nga ga ai lam Karai Kasang a Wenyi nan anhte a Wenyi hte rau sakse hkam tsun shana shabra ya mi ai. Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

Hpa majaw nga yang hpan da hkrum ai ndai mungkan ting gaw shinggyim machyi ai zawn ya ndai aten du hkra machyi madai sharung nga ai hpe anhte chye ga ai.