जीमणा के पछे ईसू समोन पतरसऊँ पूँछ्यो, “ए समोन, यहुन्ना का बेटा, कई थूँ अणाऊँ हेलो परेम माराऊँ राके हे?”
वणी वाँने क्यो, “हाँ, परबू जी, थाँ तो जाणो हो के, मूँ थाँकाऊँ कतरोक परेम राकूँ हूँ?”
ईसू वींने क्यो, “मारा उन्याँ ने चरा।”
वाँकाणी पाछो दूजी दाण वींने क्यो, “ए समोन, यहुन्ना का बेटा। कई थूँ माराऊँ परेम करे हे?”
पतरस वाँने क्यो, “हाँ परबू, थाँ जाणो हो के, मूँ थाँकाऊँ कतरोक परेम करूँ हूँ?”
वणा वींने क्यो, “थूँ मारा गारा की रुकाळी कर।” ईसू तीजी दाण क्यो, “ए समोन, यहुन्ना का बेटा, कई थूँ माराऊँ परेम राके हे?”
तो पतरस दकी वेग्यो के, वाँकाणी वींने तीजी दाण अस्यान काँ क्यो, “कई थूँ माराऊँ परेम राके हे?” अन वाँने क्यो, “ओ परबू, थाँ तो सब जाणो हो। थाँ ओ भी जाणो हो के, मूँ थाँकाऊँ परेम करूँ हूँ।”
ईसू वींने क्यो, “मारा गारा ने चरा।