Популярні біблійні вірші з 2 Petro 2

Поділитись

Kyikeeny indo, Iruva mmbo eeshi shaasa asheauwaa vasauwe vakwe efo fyeesony sha efyo, na irwaa yewo valakee va usumanu ando a yoorotwa kufike nkonu yeto wa mwaandu.

Mashika kyevaa ng'waana kukooye kulore veishi shia ya usumanu, numa vakara ivavaso elyo yeele vekee vaniingye. Mmbo kileenda indo kyawo kyiinani na kyaaso kilya kileamba, “Akyo kite kyambuiya uraako lwa vayo, na nguve ilya ilesangywa ikawuya ikwaalala ipwashiny.”

Wo mmbo vakee ivavika nsia wa iva valeke, ate wo veni mmbo vakee mashinga a uravi, mashika elyi avingwa ni nndu ungyi mmbo avaa ishinga lyakwe.

Mashika valya valemmaa irisha maravi a ulana yelu kimaruma kya imanya Nndumi na Mwikira Yesu Kristo, kwakooya atirwa lyingi na iwa, ngata yakwe ya ifurumya mmbo ishevaa shikasha ngota ilya ya mbee.

Kyaindi kulya vanduny valya mmbo kulekwiipoo-fo vakisuku va wongo, shaasa na efo kwany kushekaa-fo velosha va wongo, nawo mmbo vasheloshaa vandu mbony ta urere tiretaa, vavelema naakwa ni Nndumi yeto alevawouwa, vakwengye urumato wo veni uviny.