Matiu 1
1
1Yeezu Kirisita kokpieŋsaŋa ale nna. Wa kokpieŋsaŋa meena po, ka Naawa Deevid jam le wa ko kpieŋ kpak. Abrayam jam le Deevid ko kpieŋ kpak.
2Abrayam jam biak ka Aizik ate Aizik biak Jekob ate Jekob biak Juda ale wa suataŋa. 3Juda biak Perezi ale Zera, Tamara#1:3 Piilimka 38 a jam ale ba mawa. Perezi jam biak ka Ayeziron ate Ayeziron a biak Aram. 4Aram jam biak ka Amminadab ate Amminadab a biak Naason ate Naason a biak Salimon. 5Salimon jam biak ka Boazi, Arayab a jam ale wa mawa. Boazi jam biak ka Obed, Arut a jam ale wa mawa. Obed a biak Jese. 6Jese jam biak ka Naawa Deevid. Deevid jam biak ka Solomon, wa mawa a jam ka Yuraya pok.#1:6 2 Samuel 11:3 7Solomon jam biak ka Areyoboam ate Areyoboam a biak Abaija ate Abaija a biak Asa. 8Asa jam biak ka Jeyosafat ate Jeyosafat biak Jeyoram ate Jeyoram a biak Yuzaya. 9Yuzaya jam biak ka Jotam ate Jotam a biak Ayazi ate Ayazi a biak Azekaya. 10Azekaya jam biak ka Manasa ate Manasa a biak Amon ate Amon a biak Josia. 11Josia jam biak ka Jekonaya ale wa suataŋa. Dila po ate ba jam yik nuruma a ta cheŋ Babilon.
12Ba le cheŋ Babilon la ŋaaŋnyiŋ ate Jekonaya jam biak Sealtiel ate Sealtiel a biak Zerubabel. 13Zerubabel jam biak ka Abiud ate Abiud a biak Eliakim ate Eliakim a biak Azor. 14Azor jam biak ka Zadok ate Zadok a biak Akimu ate Akimu a biak Elayud. 15Elayud jam biak ka Eleaza ate Eleaza a biak Mattan ate Mattan a biak Jekob. 16Jekob jam biak ka Josefi, Mɛɛri chorɔwa. Mɛɛri jam ka Yeezu waai ate ba a wi ayen Kirisita la ma.
17A nyini Abrayam daaŋa po a ga paari Deevid daaŋa po, kokpieŋsaŋa a jam ka pi ale banaansi. A nyini Deevid daaŋa po a ga paari diipo ate ba yik ba a ta cheŋ Babilon tɛŋka la, kokpieŋsaŋa a jam ka pi ale banaansi. A ŋman nyini diipo ate ba yik ba a ta cheŋ Babilon tɛŋka la a ga paari Kirisitawa, kokpieŋsaŋa a jam ka pi ale banaansi.
18Ba le jam biak Yeezu Kirisita diila ale nna. Yeezu mawa yuei jam ale Mɛɛri. Mɛɛri jam siak kama ayen wa yali nidoa wanyi ate ba jam a wi ayen Josefi. Alege diipo ate ba an diem jam yali chaab la, Wen Chiika jam nye kama ate Mɛɛri a deri ta puuk. 19Josefi a jam ka nuru maŋ a kasim jam a yaali ayen wa a tom wie ŋaai ale ka wamaŋsa la. Wa an jam a yaali ayen wa pai Mɛɛri a nyo chivie po nuruma nimbie. Dila nyiŋla wa yaa jam a yaali ayen wa suk a zɛri wa.
20Ase Josefi ale diem jam a poli wieŋa de la, wa yaa nya Naawen Maarɔwa gɔdaasima po. Maarɔwa yaa weeni wa ayen, <<Fi Josefi waai ale ka Naawa Deevid ŋaaŋbiik la, kan te fi kpaziim a nak ale Mɛɛri fi yenni ta kulika, dii nyiŋla ka Wen Chiika ale basi ate wa ta puuka. 21Wa le biak ka nidoabili. Ate fi te wa yuei ayen Yeezu dii nyiŋla, ka wala le wa vari wa nuruma ba wabaataŋa po a basi.>>
22Nya kude meena jam nye kama ayen ku sak ayen dii ate Naawen biisiteerɔma po wanyiwa a jam ŋmarisi Wen gbaŋka po dipo la a chim wensie. 23Wa jam ŋmarisi ayen, <<Ka nipokbili dii ale kan diem seba nidoa la, le wa yik puuk a biak nidoabili, ate ba te wa yuei ayen <Emanuel.> Yuenni de kiri ale <Wen a bo ale ti kama.> >>#1:23 Matiu 28:20
24Josefi ale yiti goom po la, wa yaa deri nye dii ate Naawen maarɔwa poom weeni wa la, ale ge yaa ta Mɛɛri a kuli wa yenni. 25Wa le jam ta Mɛɛri a kuli la, wa an jam goa ale wa nyaya, ale ge ate wa taam ga biak wa nidoabinni. Wa le jam biak la, Josefi yaa te biika yuei ayen Yeezu.
Seçili Olanlar:
Matiu 1: BWU
Vurgu
Paylaş
Kopyala
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
© 2023, Ghana Institute of Linguistics, Literacy and Bible Translation