SOERA ZINOENÕ 47
47
Sinoenõ 47.
Fanoeno Lowalangi, me no razo seboea ia.
1Chõ doeka wanoenõ andrõ. Nilaoe Ndraono Gora. Sinoenõ.
2 Jaʼami, niha fefoe, milaoe datawṍ! Miʼowoeawoeaʼõ dõdõmi chõ Lowalangi, miʼeboeaʼõ limi!
3Niʼataʼoefi sa Jehowa, Fondrege zalaw̃a andrõ, razo seboea; barõ mbawania goeli danõ maʼafefoe.
4No ibeʼe barõ mbawada soi niha ba barõ gaheda niha baero.
5No itoejoe chõda dána chõda andrõ, lachõmi maʼoewoe Jakobo andrõ, somasi ia. (Sin. 16, 6).
6No mõi misi jaw̃a Lowalangi, fao waʼowoeawoea dõdõ; no mõi misi jaw̃a Jehowa, fao li dorofe. (Sin. 68, 19).
7Misoeno Lowalangi, miʼanoenõ! Misoeno razo andrõ, miʼanoenõ!
8Razo sa Lowalangi ba goeli danõ maʼafefoe; miʼanoenõ, si so tõdõ! (Sin. 93, 1).
9Lowalangi zamatõrõ soi niha. No moedadao Lowalangi ba dadaomania andrõ, niʼamoniʼõ.
10No owoelo zalaw̃a soi niha, awõ mbanoea Lowalangi Gaberahamo andrõ; chõ Lowalangi sa mbaloese ba goeli danõ; salaw̃a seboea ia. (Sin. 89, 19).
Seçili Olanlar:
SOERA ZINOENÕ 47: NIA
Vurgu
Kopyala
Karşılaştır
Paylaş
Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.