Makətūbə̄ ń Pol ndang adə̄ Rom gə̄ ní 14 Popüler Kutsal Kitap Ayetleri

Paylaş

Tɔdɔ̄ najə̄ *Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ *Ndíĺ kə́ Táĺ adə̄ ní. I dan ń deē rāā kəla yā Kərist tītə̄ ń noō ní n a nel̄ Nə́ɓā seneé ō, de gə̄ a ndigiīn̄ ō ní.

Tɔdɔ̄ ré jə-ndiī kə kumjí anī, jə-ndiī kə kumjí i tām̄ yā Kɔ́ɔ̄ɓē tə́ ō, ré j-oyiī anī, j-oyiī i tām̄ yā Kɔ́ɔ̄ɓē tə́ ō. Adə̄ ká ré jə-ndiīń i kə kumjí aké, j-oyiīń i mbée gə̄gē anī, jḭḭ̄ i yā Kɔ́ɔ̄ɓē.

Ní, adə̄ jə-sāāī yá̰á̰ kə́ tām̄ yā kem sɔl̄ lɔm tə́ ō, yá̰á̰ kə́ kadə̄ jə-mbūsīiń naā ō.

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

Tɔdɔ̄ Nə́ɓā ɔr̄ najə̄ tītə̄ ń toō beé kem makətūbūú na: Kə́ rɔ̄kum tə́, tītə̄ ń m̄-ndi kə kumḿ njóý njóý toō ní, de gə̄ kógə̄ḿ kógə̄ḿ malang a tétēn̄ kejədə́ nang tə́ noḿ tə́ ō, a unən̄ ndūdə́ kə̄ dɔɔ́ yā kədań na mā i Nə́ɓā ō. Adə̄ jḭḭ̄ kógə̄ḿ kógə̄ḿ malang ní, i gáŕ kadə̄ náā nəkɔ́ ɓáa a ɔjə Nə́ɓā gíŕ yá̰á̰ rāān gə̄ kə́ sɔɔ̄ dɔn.

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.