Bwøth Wøk 8 Popüler Kutsal Kitap Ayetleri

Paylaş

Ni ö ajuuki ni päärge gø ki man tïïge ki jap ajuuk kiper nee ge känge ki nyuu. 'Ba kär løny jïge. Ni ö nyuuwi moa en dëët jiy ki dëët lääy ni put bëëtö dëëtge. Køøre ajuuk aköö jï Peerø, ni «Gïnögø beeye gïn mo tïïya Jwøki.» 'Ba cwïny Peerø poot bëëdö ni teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

Køøre Wuuö Jwøk aköö jï Modhe, ni «Ci baŋ Peerø ni caanï gø jïre ni kööï, ni gïna caan Wuuö Jwøki beeye en, ena köö, ni ‹Wec jiya nee aacge kiper naa tïnyge.

'Ba kanya ö Peerø na neen gø ni piny oniwaany, cwïnye acäŋ døøc mo teek ni kweere ki man wïny mana caan Modhe ka Aran, kaawat mana kwøŋi ya Wuuö Jwøki caan jï Modhe.

'Ba ni näk mo ïïno kweer ki man weyï geni nee aacge, ka adïëri møn, aani paarï bäre raanynya raanynyø ko ogwäle.

Køøre Wuuö Jwøk aköö jï Modhe, ni «Caanï jï Aran ni kööï, ni ‹Rwiec athøra marï ni gøøyï tør piny, kiper nee tïme na nyuu dï po jø Ijep bäre.› »

Køøre gïnögø atïïc Wuuö Jwøki. Ni ö lwaa lwaŋŋø mo päl ni ö yi øt Peerø ki yïth uut jø kööre moe, ni ö ŋööm Ijepi bäre ni put ränynyö kiper lwaa lwaŋŋø mana en dï paac bäre.