दानिएल 8 Popüler Kutsal Kitap Ayetleri

Paylaş

सह हणअ खास्सअ बलबान, तेऊ करनअ हर ज़ैगा घोर बनाश। सह हणअ तेऊए हर कामां लै सफल। तेऊ करनै बडै-बडै बलबान मणछ अर तिंयां पबित्र मणछ बरैबाद ज़ुंण परमेशरे खास परज़ा आसा। सह हणअ इहअ च़लाक कि तेऊ ठगणै लोग पठी। तेऊ हणअ आपणैं बलबान हणैंओ खास्सअ घमंड। लोगा सोठणअ इहअ कि तिंयां आसा तेऊए राज़ा दी राज्ज़ी-राम्बल़ै बच़ै दै, पर तेऊ पाणै तिन्‍नां मांझ़ै खास्सै मारी। सह हणअ सोभी राज़ै प्रैंदै माहा राज़ैओ बी बरोधी। पर खिरी करनअ सह परमेशरा आप्पै खतम, तेऊ मारनै आल़अ निं कोह मणछ हणअ।

तेखअ बोलअ तेऊ इहअ, “मंऐं लाअ ताखा रहैऊई कि परमेशरे रोश्शो नतिज़अ किज़ै निखल़ा। अह सुपनअ आसा तेरअ तेऊ बगते बारै ज़ेभै सोभै गल्‍ला खतम हणीं। “ज़ुंण तंऐं गाभे दूई शींग भाल़ै, तिंयां आसा मादी अर फारसी लोगे दूई राज़ै। सह बाकरअ आसा यूनान देशे लोगो राज़। तेऊ बाकरे दुही आछी मांझ़ै शींग आसा यूनानी राज़ो पैहलअ राज़अ।