MARKUS 9 Popüler Kutsal Kitap Ayetleri

Paylaş

Me Yesusam, “‘Wore fiak ipit ape,’ emes atakam aesimmanim ere, wama tamenem? Allah ere, eemnak Ara bamesemkorom owe takes aemtamtem.” Emes atakam aesimen.

Era jii aritipitam atakam ametefaketaeren. “Dere Allah ambesemmin. Me, dere Allah eemnak bamesemkorom apok apaye, Wore eemnak Ara bamesemkorom bimak binip patetaman.” Emes atakam aesimen.

Erarawa Yesus era tame ajiiemen. Tame ajiiemerawa, abajamkai owe, Yesus apa ajateporesen. “Dare era bii bamirimjisim aemporarom apok, ere wama tamenem?” Emes atakam aesimesen. Me Yesusam, “Tare atakam Allah bajanim apok aemtakam, tare emes bii baemebirimjisim asan apok.” Emes atakam aesimen.

Garam ere akot. Me, garam jame apok aemamesto apaye, owe era garam jame pak baemeokenemapom asan apok. Emesare, tare era akot garam jipu pak aememay. Tare tarmamon ajamkipimamay.” Yesus emes atakam aesimen.

“Owe Dera afaimtanis, wanam are emes jii kope tamen Dere atame atoomjiitamtanis, era oweam Dere atame atoomjiiemmanis. Dere atame atoomjiiemmanis owe, De taka batoomjii apok. Are Dera ambirimemomen Ipitam atame atoomjiiemmas.” Emes atakam aesimen.

Atakamnak, owe tare Kristus bajamkai owe aportan, are bwi tara atetamtan, ere Allah asan akot era owe aemtem.

Wan jii koser Dera ambesemmanis. Owe emes jii taka asan pota pak baem atapimtaatas, are era owe asan potanak aemaptemas. Wan owe, eka daytu era owe femak banam bajikapom, wanam era owe era bupnak bwi bajurumpuum, ere emes bonak ato batakameem, ararawa, era owe asan akot baemap amaye.

Me, wobanamek dosa aoemtan apaye, ere era banamek basumtaerey. Wore poman banamek taka aememtem apaye, wanam Allah Ai Tapirmi ajiitem apaye, ere asan akot aememtemarem. Me, wobanamek amnuk takes aememtem apaye, wanam Allah wore jisimak asan akoromtukumtan apaye, ere asan potanak aememtemarem.