MARKUS 13 Popüler Kutsal Kitap Ayetleri

Paylaş

Owe tare Dera bajamkai owe aportan, are takes bifane tara afeomemteman. Me, owe asep bare ajiire, Dera bajamkai bamompin apok aemtas, are ajoremtemas.”

Emesare, tare turuar! Banamek fiaka! Tare aemto bare tamsam apok.

Owe tara ajipirtaertan, wanam tare atakam basakamtii owe aotasimemomtamtan, ere tare atakam era atakam basakamtii owe akoromtakam, bimak binip jirao bas. Atakam era owe akoromtakam, Allah Jip era atakam bimak binip tara atetamteman. Era akoromtakam atakam tapa atakam apok. Ere Allah Jip tara atetamtan atakam are.

Emesare, wonamo oupam, ara tapirmiam, ajaniostem. Deatakam ere, emes aemansaartem.

“Asamot owe ere, Armat Ipit aondaeto baream, jamam, amsam apok. Surga malaikat oweam, Allah Andepam, amsam apok. Deritipit taka amsame.

Tare jii owe tapon aportakam, wanam wan tapirmi jii owe tapon atakam jane ajitakam, tare ombare bas. Emesare, owe jii aemtemas. Me, asepnak bare, ere setepnak apok.

Emesare, tanom are! Tanom banamek fiaka! Tare tame armat ipit aofasiendaeto bare tamsam apok. Poro apaye. Eamnak apaye. Era ajomo atakam akoreto apaye. Tom apaye. Emesare, tanom tamsam apok. Armat ipit ajananamteman. Emesare banamek fiaka! Tare ise taojamestakam, emes bapor-ombar. Tara akorommin atakam, denom era owe takes aokoretammin. ‘Tare banamek fiaka!’ Emes atakam aesimmin.” Yesus emes atakam aesimen.

Wan tapirmi owe tanane jii wan tapirmi owe tanane armamon ajamoma ajitemas. Wan pemerintah tananeam jii wan pemerintah tanane armamon ajamoma ajitemas. Ajieam asan takes asiisimtem. Amosto, pakanamtoam aemamestem. Era pak ere, bonak bajirisem are. Wan, daytinak bajirisem pak arawa asep are.

Emesare, owe Allah Akot Atakam samaniin samaniin takes bonak atatapimomemtemas, wanam asepnak bare aondaetem.

Owe tanane ajinaotemas, wanam, ‘Allah Aeremtaere Ipit, ere derare,’ emes atakam aesimtetertemas. Anom potet owe tanane atutumtemas.

Tare ere, turuar! Owe tara ajipirtaerteman, wanam are era atakam basakamtam owe aotasimemomtamteman. Are Yahudi owe samayen tame bomon wusup tara ateteman. Are tare Dera bajamkai owe aporteman. Erarawa tare kapar owe bipuam, raja owe bipuam aememtemakam. Me, tare Allah Akot Atakam era oweam akoretamtemakam.

Emesare wan owe, ‘Dere Allah Aeremtaere Ipit derare,’ emes pote atakam akoretetertemas. Allah atakam bakore pote oweam aememtemas. Era owe potet Allah aereremartaae owe atutumportemas. Erarawa are jinim bae pak aemtemas.

“Era bare, owe ajirisemtemas. Ajirisemtas arawa, jee sare apok jiiti atamtiitem. Piram bandaesaramtii apok aemtem. Baetam, baisam akookosendaetem. Allah wonamo oup pak tayiepota aemtopumtem.