Salmo 129
129
Salmo 129
Pag-ampo Batok sa mga Kaaway sa Israel
1Mga taga-Israel, isulti ninyo kini: Gipaantos gayod kami sa hilabihan sa among mga kaaway sukad pa sa pagkatukod sa among nasod.
2“Gipaantos gayod nila kami sa hilabihan sukad pa sa pagkatukod sa among nasod.
Apan wala gayod nila kami mapildi.
3Gisamaran nilag lawom ang among likod;
mora kinig uma nga gidaro.
4Apan matarong ang Ginoo, kay giluwas niya kami gikan sa pagpangulipon sa mga daotan.”
5Hinaut nga magpahilayo ang tanang nagdumot sa Zion#129:5 Zion: mao usab ang Jerusalem. tungod sa kaulaw.
6Hinaut nga mahisama sila sa mga sagbot nga nanubo sa atop sa balay, nga sa pagturok pa lang nalaya na dayon.
7Walay magpakabana sa pagtigom niini nga sagbot o modala niini nga binugkos.
8Hinaut pa nga ang mga tawong moagi dili moingon kanila,
“Hinaut pa nga panalanginan kamo sa Ginoo!
Gipanalanginan namo kamo sa ngalan sa Ginoo.”
Kasalukuyang Napili:
Salmo 129: APSD
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Cebuano Contemporary Bible
(Ang Pulong sa Dios)
Copyright © 2009, 2010, 2014 Biblica, Inc.®
All rights reserved worldwide.