Mga Salmo 52
52
Ang#1 Sam. 22:9-10. Silot ug ang Grasya sa Dios#ANG ULOHAN SA HEBREO: Ngadto sa Pangulong Musikero. Balak ni David sa dihang si Doeg nga taga-Edom miadto kang Saul ug nagbalita nga si David miadto sa balay ni Ahimelec.
1O tawo nga bangis, nganong gipagarbo mo man ang imong daotang buhat?
Dili mausab ang gugma sa Dios.
2Naglaraw ka sa paghimog kadaot sa uban;
ang imong dila sama sa hait nga labaha.
Kanunay kang nagsultig mga bakak.
3Gipalabi mo ang daotan kay sa maayo,
ug ang pagpamakak kay sa pagsulti sa tinuod.
4Hoy, bakakon!
Gikalipay mo ang pagsakit sa mga tawo pinaagi sa imong mga pulong.
5Apan laglagon ka gayod sa Dios.
Iya kang sakmiton gikan sa imong tolda,
ug kuhaon ka niya gikan sa yuta sa mga buhi.
6Makita kini sa mga matarong ug mahadlok sila,
unya kataw-an ka nila ug moingon sila,
7“Tan-awa ang tawo nga wala mosalig sa Dios alang sa iyang kasigurohan,
kondili sa iya hinuong kadato
ug diha sa iyang kabahandianon!”#52:7 kabahandianon: Sa Hebreo: kadaot o pangandoy.
8Apan ako sama sa kahoyng olibo nga nagtubo sa balay sa Dios;
nagsalig ako sa iyang gugma nga walay paglubad hangtod sa kahangtoran.
9Pasalamatan ko ikaw kanunay, O Dios, tungod sa imong gibuhat,
ug ipaila#52:9 ipaila: Sa Hebreo, lauman. ko ang imong kaayo atubangan sa imong katawhan.
Kasalukuyang Napili:
Mga Salmo 52: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society