Mga Salmo 29
29
Ang Tingog sa Ginoo diha sa Bagyo#ANG ULOHAN SA HEBREO: Salmo ni David.
1Dayga#Sal. 96:7-9. ninyo ang Ginoo, kamong mga langitnong binuhat!
Dayga ang iyang himaya ug gahom!
2Dayga ang mahimayaong ngalan sa Ginoo;
ug yukbo kamo kaniya
sa iyang pagkahalangdon ug pagkabalaan.#29:2 sa iyang…pagkabalaan: o diha sa iyang matahom nga Templo; o diha sa mga bisti sa pagsimba.
3Ang tingog sa Ginoo madungog diha sa kadagatan;
modahunog ang mahimayaong Dios
ug madungog ang iyang tingog diha sa kalawran.
4Ang tingog sa Ginoo gamhanan ug halangdon.
5Ang tingog sa Ginoo makabali sa mga kahoyng sidro,
bisan sa mga sidro sa Lebanon.
6Gipalukso niya sama sa nating baka ang mga bukid sa Lebanon;
ug ang mga Bukid sa Hermon gipalukso niya daw toriyong baka.
7Inigtingog sa Ginoo, mokilat
8ug matay-og ang kamingawan.
Gitay-og sa Ginoo
ang kamingawan sa Cades.
9Tungod sa tingog sa Ginoo,
nangauyog ang mga kahoyng tugas#29:9 nangauyog…tugas: o nanganak ang mga osa.
ug nangataktak ang mga dahon sa mga kahoy;
samtang sulod sa iyang Templo naninggit ang tanan,
“Dalaygon ang Dios!”
10Ang Ginoo naghari sa katubigan,
ug nagmando siya ingon nga hari hangtod sa kahangtoran.
11Ang Ginoo naglig-on sa iyang katawhan
ug naghatag kanilag kalinaw.
Kasalukuyang Napili:
Mga Salmo 29: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society