Mga Salmo 118
118
Pagpasalamat tungod sa Kadaogan
1Pasalamati#1 Cron. 16:34; 2 Cron. 5:13; 7:3; Esd. 3:11; Sal. 100:5; 106:1; 107:1; 136:1; Jer. 33:11. ninyo ang Ginoo tungod kay siya maayo
ug ang iyang gugma molungtad hangtod sa kahangtoran!
2Paingna ang katawhan sa Israel,
“Ang iyang gugma walay kataposan.”
3Paingna ang mga pari sa Dios,
“Ang iyang gugma walay kataposan.”
4Paingna ang nagtahod ug may kahadlok sa Ginoo,
“Ang iyang gugma walay kataposan.”
5Diha sa akong kalisdanan, misangpit ako sa Ginoo;
ang Ginoo mitubag ug miluwas kanako.
6Kon#Heb. 13:6. ang Ginoo dapig kanako dili ako angay nga mahadlok;
unsa may mahimo sa mga tawo batok kanako?
7Ang Ginoo mao ang akong magtatabang,
ug magmadaugon ako batok sa akong mga kaaway.
8Mas maayo pa ang pagdangop sa Ginoo
kay sa pagsalig sa tawo.
9Mas maayo pa ang pagdangop sa Ginoo
kay sa pagsalig sa mga prinsipe.
10Gilibotan ako sa daghang kaaway
apan sa gahom ni Yahweh gilaglag ko sila.
11Gilibotan ako nila
apan pinaagi sa gahom ni Yahweh, gibuntog ko sila.
12Gilibotan ako nila sama sa mga putyokan;
sama sa nagdilaab nga sagbot, ang ilang kainit dali rang mawala
ug pinaagi sa gahom ni Yahweh gibuntog ko sila.
13Giataki ako nila pag-ayo
ug hapit na ako mapukan apan gitabangan ako sa Ginoo.
14Ang#Exo. 15:2; Is. 12:2. Ginoo maoy naghatag kanakog gahom ug kalig-on;#118:14 kalig-on: Sa Hebreo, awit.
siya ang akong manluluwas.
15Pamatia ang mga awit sa kadaogan diha sa mga tolda sa katawhan sa Dios:
“Ang gahom sa Ginoo maoy naghimo niini
16ug maoy naghatag kanatog kadaogan diha sa panggubatan!”
17Dili pa ako mamatay;
magpabilin akong buhi aron pagmantala sa mga buhat sa Ginoo.
18Gikastigo ako pag-ayo sa Ginoo
apan wala ako niya itugyan sa kamatayon.
19Buksi alang kanako ang mga ganghaan sa Templo#118:19 sa Templo: o sa mga matarong.
aron mosulod ako ug magpasalamat sa Ginoo!
20Kini ang ganghaan sa Ginoo;
ang matarong lamang ang makasulod niini.
21Pasalamatan ko ikaw
kay gitubag ug giluwas mo ako!
22Ang#Luc. 20:17; Buh. 4:11; 1 Ped. 2:7. #Mat. 21:42; Mar. 12:10-11. bato nga gisalikway sa mga magtutukod kay walay hinungdan,
nahimo hinuon nga labing importanteng bato.
23Buhat kini sa Ginoo
ug katingalahan kaayo.
24Mao kini ang adlaw
nga hinumdoman nato ang pagluwas sa Ginoo kanato;
maglipay ug magmaya kita niini.
25Luwasa#Mat. 21:9; Mar. 11:9; Juan 12:13. intawon kami, O Ginoo!
Hatagi intawon kamig kalamposan!
26Bulahan#Mat. 21:9; 23:39; Mar. 11:9; Luc. 13:35; 19:38; Juan 12:13. ang mianhi sa ngalan sa Ginoo!
Gipanalanginan kamo namo dinhi
sa Templo sa Ginoo!
27Ang Ginoo mao ang Dios
ug maayo siya kanato.
Pagdala kamog mga sanga sa kahoy
ug sugdi ninyo ang kasaulogan;
pagmartsa kamo libot sa halaran.
28Ikaw ang akong Dios ug pasalamatan ko ikaw;
isangyaw ko ang imong pagkagamhanan.
29Pasalamati ang Ginoo kay maayo siya
ug walay paglubad ang iyang gugma!
Kasalukuyang Napili:
Mga Salmo 118: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society