Mga Salmo 11
11
Ang Pagsalig sa Ginoo #ANG ULOHAN SA HEBREO: Salmo ni David. Ngadto sa Pangulong Musikero.
1Ang Ginoo mao ang akong dalangpanan;
busa nganong moingon man kamo kanako,
“Lupad ngadto sa kabukiran sama sa usa ka langgam,
2kay giandam na sa mga daotan ang ilang pana
ug gitaod na nila ang udyong
aron ipana sa mga maayong tawo diha sa ngitngit.
3Unsa may mahimo sa mga maayong tawo
kon mapukan na ang tanan?”
4Ang Ginoo anaa sa iyang balaang templo;
atua sa langit ang iyang trono.
Makita niya ang tanang tawo,
ug nasayod siya sa ilang binuhatan.
5Sulayan sa Ginoo ang mga matarong ug ang mga daotan,
ug kasilagan niya ang gustog kasamok.
6Paulanan niyag baga ug asupre ang mga daotan,
ug silotan niya sila sa makapaso nga hangin.
7Matarong ang Ginoo;
malipay siya sa mga buhat nga matarong;
ug ang nagbuhat niini magpabilin diha sa iyang presensya.
Kasalukuyang Napili:
Mga Salmo 11: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society