လုကာ 9
9
အခန်း (၉)
သာဝကတစ်ဆယ့်နှစ်ဟူးငင် ဖြောက်နက်ဟေကား
(မဿဲ ၁၀:၅-၁၅။ မာကု ၆:၇-၁၃)
1ကျီးကအိမ် ကိုယ်တော်နာ သာဝကတစ်ဆယ့်နှစ်ဟူးငင် အော်ဂို့စုဇိစ်ကို မကောင်းဆိုးဝါးရက်အင် ကတောက်ကဇီစ်အိမ် အနာရောဂါရက်အင် ပျောက်ဇိစ်လူကား တန်ခိုးအိမ်အခွင့်အဏာရက်အင်အီကဟေ။ 2ကျီးကအိမ် ကိုယ်တော်စာ အမာရက်အင် ဘုရားရှင်ကသာသနာတော်အကြောင်းငင် ဟောဂါဇီစ်အိမ် ဟာပိုဆာအငါကား လူးရက်အင် ကုအီကဇိစ်ကအတွက် ဖြောက်နက်ကဟေ။ 3ကိုယ်တော်နာ အမှာရက်အင် "နနိန်ရက်ခရီးပြုလင်ကရပ် နနိန်ရက်အိမ်မက်တာ ဆူဝါးဂါအူဇာယေ့ အလာကလင်ယေ့။ တုတ်ထောက်ကဇရက်အင်၊ ခရီးဆောင်တိပ့်ရက်အင်၊ အစားအစာ၊ တင်္ဂါ၊ အပိုပါဇူရက်ယေ့ အလာကလင်ယေ့။ 4ရိ(လ်)ကက်ကကိန်းငါရိ(လ်)ယင့် နနိန်ရက်အင် လက်ခံကြိုဆိုနဲ့က(လ်) အိမ်မအရပ်အာဘင်းအပြန့်မီ အိမ်မကိန်းငါမယ် တည်းခိုယင့်။ 5မဒေအရိ(လ်)ထမ်း နနိန်ရက်အင် ကြိုဆိုလက်အခံကားကိန်းငင်က(လ်) အိမ်မအရပ်အာဘင်း ပြုယောဝန်ကရပ် အမှာရက်အင် သတိအီဟေကအနေဖြင့် နနိန်ရက်က အတာဂါး ကဇက်မှုန့်ငင် ခါချပီဒက်#9:5 ဂျူးလူမျိူးရက်ကဓလေ့အရ "အတာကပ်တုန်းဟေကား အိမ်မှအရပ်အာက ဖုန်မူန့်ငင် ခါပီဟေ"ငါ့ဟေကာနာ အမာနာ အိမ်မှအရပ်အာက လူးရက်အိမ် ပတ်သက်ဆက်နွယ်မူအငါပါ(လ်)ငါ့ကို အဓိပ္ပာယ်လူဟေ။ မှနေရာယာ အိမ်မဒေလေလိစ်ကနာ အိမ်မှအရပ်အာကလူးရက်အင် ဘုရားရှင်အပြစ်အီဟေကရပ် တပည့်တော်ရက်အိမ် ဆူးဝါယေ့အသက်ဆိုင်ကအကြောင်းငင် ဆနပ်ဟေကဖြစ်ဟေ။ တူညီဟေကဖော်ပြချက်အင် ကျမ်းပိုဒ် ၁၀း၁၁အာယေ့ ပိုလင်ကား။" ငါးဂို့ ငှားလင်ကဟေ။ 6မှနောက်အာ သာဝကတစ်ဆယ့်နှစ်ပါးရက်အ(လ်) ကိုယ်တော်ကမားဘင်း ပြူယောဝန်လင်ဂို့ အနယ်နယ်အရပ်ရပ်အာလင်ကို ဘုရားရှင်ကမင်္ဂလာသတင်းကောင်းငင် ငါ့ဆနပ်အီဂို့ ဟာပိုဆာအငါက လူးရက်အင်ယေ့ ကုသအီလင်ကဟေ။
ဟေရုဒ်က သောက
(မဿဲ ၁၄:၁-၁၂။ မဿဲ ၆:၁၄-၂၉)
7အိမ်မှအချိန်ငါ ဂါလိလဲပြည်ယင် အုပ်ချုပ်ဟေကားဟေရုဒ်နာ ကိုယ်တော်လိစ်ဟေကရက်အင် တတ်ဟေကရပ် စိုးရိမ်ပူပန်လင်ကဟေ။ အဇာရိကို့အငါ့နဲ့ လူတစ်ချိူ့နာ "အိန်းမြုပ်မင်္ဂလာဆရာယောဟန် အဆက်ပြန်ကိုဆိမ်းငန်နန်း"ငါ့ကို လည်းကောင်း 8အယောက်ကလူးရက်နာ "ပရောဖက်ဧလိယ ပြန်ကိုကြွဗန်(ဖ်)နန်း"ငါ့ကို လည်းကောင်း၊ တစ်ချို့က(လ်) "အယင်ဟိုက်ပင့် ငါ့ဒက်က ပရောဖက်ထဲယာကတစ်ပါး အဆက်ပြန်ဆိမ်းကို "ငါ့ကိုလည်းကောင်း ပြိစ်တုန်းကအကြောင်းဖြစ်ဟေ။ 9ညီးငါ့ဒင့်ယေ ဟေရုဒ်မင်က(လ်) "မှအူဇာရက်လိစ်တုန်းကနာ ယောဟန်က(လ်)အရိလင်ပါ(လ်)ကား။ အဇာရိကိုအငါနဲ့ ငါကစစ်ဆာရက်နာ ငါမိန့်အီဒက်ကအတိုင်း ယောဟန်ဂါး အဟူးငင် အထုတ်ပီဒက်နန်း။ အတတ် မှသတင်းငင်တပ်တုန်းကားလူးနာ အယူဝါး" ငါ့ဂို့ ကိုယ်တော်ငင် ကဒိန်းကဇီစ် ကြိုးစားဆုံးလင် ကဟေ။
လူငါးထောင်ငင်ကျွေးမွေးဟေကား
(မဿဲ ၁၄:၁၃-၂၁။ မာကု ၆:၃၀-၄၄။ ယောဟန် ၆:၁-၁၄)
10သာဝကတစ်ဆယ့်နှစ်ပါးရက် ပြန့်ငန်ဟေကရပ် အမှာရက်ကလိစ်တာဟေကရက်အင် ကိုယ်တော်ဇိစ် လျှောက်တင်လင်ဂါဟေ။ မှနောက်အာ ကိုယ်တော်နာ အမှာရက်အိမ်မက်တာ ဗက်ဇဲဒထိန်ငါ ကြွလင်ကဟေ။ 11ညီးငါ့ဒင့်ယေ အိမ်မာအကြောင်းအရာရက်အင် လူးရက်စာ တတ်ပေါ်ကအခါ လူးရက်နာ ကိုယ်တော်ဂါ အလိုဝါယိုးဝန်လင်ဂါဟေ။ ကိုယ်တော်ယေ့ အမှာရက်အင်ကြိုဆိုဂို့ ဘုရားရှင်ဂါသာသနာတော် အကြောင်းရက်အိမ် ပတ်သက်ကို ကနင်းဖူးဆာဟောဆနပ်ကို ဟာပိုဆာအငါ့က လူးရက်အင်ယေ့ ဆီကုအီလင်ကဟေ။ 12နက်တိုက်ဆာရီးဆာထုန်ဟေကရပ် တပည့်တော်ဆယ့်နှစ်ဟူးနာ ကိုယ်တော်ထနဲ့ ထုန်ဗာ(ဖ်)ဂို့ "ကိုယ်တော်၊ မှအရပ်နာ လူးအ့ငါကအရပ်ဖြစ်ဟေကားကြောင့် မှလူအုပ်ဗြောင်ငင် အနီးအနားတစ်ဝိုက်အာငါ့ဟေကား ထိန်ရာအာ ဖြောက်နက်အင်း။ အဇာရိကို့အငါနဲ့ အမာရက်က တည်းခိုကအိမ် ဆာကရက်စိုးဟေ" ငါးဂို့ လျှောက်တင်လင်ကဟေ။ 13အိမ်မှကရပ် ကိုယ်တော်နာ "အမှာရက်အင် ဆာကဇက်ဆူးဝါ အီနက်အင်း" ငါးဂို့ သာဝကရက်အင် ငါ့လင်ကရပ် အမာရက်နာ "ငါ့ရက်ထနဲ့ ပေါင်မုန့် အပိဆာငါးလုံးအိမ် တနာနိန်းမှာမေ ငါဟေ။ မှလူအုပ်ရက်ဇိစ် ကျွေးကငါးနဲ့ အစားသောက်ရက် လင်ကို မရိပေါ်နိမ့်ကား" ငါးဂို့ လျှောက်တင်လင်ကဟေ။ 14အဇာရိကိုအငါနဲ့ အိမ်မှလူအုပ်ကြီးထဲယာ တာဆာပြိုင်းလူဦးရေ ငါးထောင်ခန့်ငါကတောင်းဖြစ်ဟေ#9:14 တစ်ချိူ့ကျမ်းရက်အာ မှနေရာယာ တာဆာလောင်ရက်၊ မန်ဆာရက်အင် ထည်ကိုတုန်ဟေကအငါထမ်း တာဆာပြိုင်ဦးရေဒင့် ငါးထောင်ခန့်ငါဟေငါ့ကို ငါ့ပီဟေ။။ အိမ်မှကရပ် ကိုယ်တော်နာ တပည့်တော်ရက်အင် "အုပ်စုတစ်စုစီယာ လူအယောက်ငါးဆယ်စီခွဲကို တုန်းကဇိစ် လူအုပ်ပြောင်ယင် ငါ့နက်အင်း"ငါ့ကို ငါ့နက်လင်ကဟေ။ 15မှအကြောင့် တပည့်တော်ရက်အ(လ်) ကိုယ်တော်ငါ့ဟေကားအတိုင်း လူးရက်အင် တုန်းဇိစ်လင်ကဟေ။ 16ကျီးကအိမ် ကိုယ်တော်နာ ပေါင်မုန့်ငါးလုံးအိမ် တနာနိန်းမာယင်လာဂို့ ကောင်းဂါလက်အင် မျှော်ယူးဂို့ ဘုရားရှင်းဂါ ဂုဏ်တော်ဝင် ချီးမွမ်းဆုစိန်ဂို အမာကတာဟူးအိမ် ပေါင်မုန့်အိမ်တနာရက်အင်အဆိုက်ကို တပည့်တော်ရက်ဇိစ်တစ်ဆင့် လူးရက်ဇိစ် မန်ကို အီဇိစ်လင်ကဟေ။ 17လူးစုတ်ရက်အ(လ်) ဝဝလင်လင်ဆာပိုကတောင်မာဒင့် စားကြွင်းစားကျန်ရက်အင် တပည့်တော်ရက်နာ သိမ်းကို့ကလိင်လင်ကရပ် ခြင်းတောင်းတစ်ဆယ့်နှစ်တောင်း အပြည့်လှုကဟေ။
ပေတရုကားဝန်ခံချက်
(မဿဲ ၁၆:၁၃-၂၀။ မာကု ၈:၂၇-၃၀)
18ယက်တာဂရပ် ကိုယ်တော်တစ်ပါးတည်း ဆုစိန်တုန်းကအချိန်ငါ တပည့်တော်ရက် ထုန်ဗာ(ဖ်)လင်ကဟေ။ ကိုယ်တော်နာ အမှာရက်အင် "လူရက်နာ ငင် အယူငါ့ကိုငါ့တုန်းဟေယား "ငါးဂို့ ကတာလင်ကဟေ။ 19အမှာရက်နာ "တချို့က(လ်) ကိုယ်တော်ယင် အိန်းမြုပ်မင်္ဂလာဆရာယောဟန် ဒေလေယေငါ့ဟေ။ တစ်ချို့က(လ်) ဧလိယဒေလေယေ့ ပြိစ်တုန်းဟေ။ အယင်ဟိုက်ကရပ်ကငါ့ဒက်ဟေက ပရောဖက်တစ်ပါး အဆက်ပြန်ကိုဆိမ်းဟေငါ့ကိုယေ့ပြိစ်တုန်းဟေ" ငါ့ကို လျှောက်တင်လင်ကဟေ။ 20မှနောက်အာ ကိုယ်တော်ယေ့ "နနိန်ရက်အ(လ်) ငင် အယူးငါ့ကိုထင်ဟေယား" ငါးဂို့ ကတာကရပ် ပေတရုနာ "ကိုယ်တော်နာ ဘုရားရှင်ဖြောက်နက်အန်ကား ကယ်တင်ရှင်မေရှိယဖြစ်ဟေ" ငါးဂို့ လျှောက်တင်လင်ကဟေ။ 21ကိုယ်တော်ယေ မှအကြောင်းအရာရက်အင် ဟူးဝါဇီယေ့အငါကဇိစ် တင်းတင်းဆာငါ့ပီးလင်ကဟေ။
အဆိမ်းဟင်းကအကြောင်းငင် ကြိုတင်ငါ့ပီဟေကား
(မဿဲ ၁၆:၂၀-၂၈။ မာကု ၈:၃၀-၉:၁)
22မှနောက်အာ ကိုယ်တော်နာ တပည့်တော်ရက်အင် "လူ့သားတော်ဖြစ်ဟေက ငါနာ ဒုက္ခယင် ခံစားကဇိစ်လိုအပ်ကို့ ဂျူးလူမျိူးအကြီးအကဲရက်၊ ပုရောဟိတ်အကြီးအကဲရက်အိမ် ကျမ်းတတ်ဆရား ရက်က ငြင်းပယ်ကဟင်းလင်ပိုကားဖြစ်ဟေ။ လူရက်နာ ငင် ကတိုက်လင်ကား သုံးရက်စီးဟေကရယက်အာ ငါစာ အဆက်ပြန်ကို့ ဆိမ်းလင်ကား။
အပါနာက လက်ဝါးကပ်တိုင်ယင်ဖေ့အီယင့်
23မှနောက်အာ ကိုယ်တော်နာ လူထုပရိသတ်ရက်အင် " ငါကနောက်လိုက်တပည့်ဖြစ်ကက်ဟေကား ရိကက်ကလူးရိယင့် ကိုယ်ကျိုးယင်စွန့်လွတ်ကို့ အပါနာကလက်ဝါးကပ်တိုင်ငင် ကိုယ်တိုင်ဖေ့ကို ရယက်တုန် ငါကအလိုဝါယောလှုပိုကား။ 24အဇာရိကို့အငါနဲ့ မှလောကယာ အပါနားဂါအဆက်အင် ကယ်တင် ကက်ကား အရိကက်ကားလူးရိယင့် နိစ္စထာဝရအဆက်အင် လှူလင်ကားအရိကယေ့ ငါကအတွက်ကြောင့် အပါနာကအဆက်အင်ဒင့် စွန့်လွတ်ကက်ကစိတ်ငါနဲ့ နိစ္စထာဝရအဆက်အင် လှုလင်ကားဖြစ်ဟေ။ 25လူနာ မှကမ္ဘာလောကကား စည်းစိမ်ဥစ္စာရက်အင် ပိုင်ဆိုင်ပိုကယေ့ အမာကအဆက်အင် ဆုံးရှုံးပိုနဲ့က(လ်) အဇာအကျိုးငန်ကယား။ 26နနိန်ရက်နာ ငါအိမ်ငါကတရားတော်အတွက်အိမ် အစမ်းနဲ့က(လ်) လူ့သားတော်ဖြစ်ဟေကငါယေ ငါကဘုန်းတန်ခိုး၊ အဗား(ဖ်)ဘုရားကဘုန်းကျက်သရေအိမ် ရွှေမြို့တော်ဝါက မြင့်မြတ်ကဟမန်းဒေဝါရက်ကဘုန်းကျက်သရေအိမ်မက်တာ မှကမ္ဘာလောကယာ ပြန့်ကိုကြွဗန်ကရပ် နနိန်ရက်နာ ငါကနောက်လိုက်တပည့် အရိပါ(လ်)ငါ့ကို ငါငြင်းလင်ကား။ 27နနိန်ရက်အင် ငါအမှန်ငှားပေါနဲ့ မှနေရာနား စက်တုန်းဟေကားလူးတချို့နာ ဘုရားရှင်ကသာသနာတော်ယင် အပေါ်ပိုထမ်း ဆိန်းလင်ပေါ်ကားအရိပါ(လ်)" ငါးဂို့ ငါ့လင်ကဟေ။
အဆင်းသဏ္ဌာန်ပြောင်းဟေကား
(မဿဲ ၁၇:၁-၈။ မာကု ၉:၂-၈)
28အိမ်မာဒေလေငါ့ဆနပ်ဂို့ကျီးကရပ် ရှစ်ရက်ကြားဟေကားအခါ ကိုယ်တော်နာ ပေတရု ၊ ယောဟန်အိမ် ယာကုပ်ရက်အင် အော်ဂို့ ဝတ်ပြုဆုစိန်ကဇိစ် တဂိုးဖုံးငါ ကြွလင်ကဟေ။ 29ကိုယ်တော် ဆုစိန်တုန်းကအချိန်ငါ အမာကအမန်းအဆင်းသဏ္ဍာန်နာ ပြောင်းလဲကလင်ဂို့ ဝတ်ရုံတော်ယေ့ ဖြူဖွေးတောက်ပ့လင်ကဟေ။ 30ကျီးကအိမ် ပရောဖက်ရက်ဖြစ်ဟေကား မောရှေအိမ် ဧလိယရက်စာ ရုတ်တရက်ဖော်ယိုဝန်ဂို့ ကိုယ်တော်အိမ်တူးပြိစ်တုန်းလင်ကဟေ။ 31အမာရက်စာ ဘုန်းတန်ခိုးတော်ရက် ထွန်းလင်းတောက်ပကို ဘုရားရှင်ကအလိုတော်အတိုင်း ဂျေရုဆလင်မြို့ဝါ မကြာခင်ငါ ဖြစ်ပျက်အန်ကဟေကား ကိုယ်တော်အဆိန်းဟင်းပေါ်ကအကြောင့်ငင် ပြစ်တုန်းလင်ကဟေ။ 32အိမ်မှအချိန်ငါ ပေတရုအိမ် အယိုကာတပည့်တော်နိန့်ဟူးနာ အိပ်ဖျင်ဂို့ငါလင်ကဟေ။ အမာရက်ရိအန်ကအခါ ချက်ချင်းဒင့် ဘုန်းတန်ခိုးတော်ရက်အိမ် ပြည့်စုံဟေကား ကိုယ်တော်ဝင်ပေါ်လင်ကဟေ။ အမာရက်နာ ကိုယ်တော်အိမ်မက်တာ စက်တုန်းကား ပရောဖက်နိန်ဟူးဝင်ယေ့ ပိုလင်ကဟေ။ 33ကျီးကအိမ် မောရှေအိမ် ဧလိယနာ ကိုယ်တော်ယေရူကမှဘင်းပြုလင်ကရပ် ပေတရုနာ ကိုယ်တော်ယင် "ကိုယ်တော်၊ မှနေရာနာ တုန်းမက်ဆီဆာကနေရာဖြစ်ဟေ။ မှအကြောင့် ကိုယ်တော်ဇိစ် ကိန်းဆောင်းနာ၊ ဧလိယကအတွက် ကိန်းဆောင်းနာအိမ် မောရှေကအတွက် ကိန်းဆောင်းနာယင် ငါရက်ပြုအီနက်ပေါ်ဇိစ်"ငါ့ကို လျှောက်လင်ကဟေ။ ညီးင့ဒင့်ယေ့ ပေတရုစာ အမာကအမာနာ အဇာငါ့နက်ကယားငါ့ကို အချေးပါ(လ်)။ 34ပေတရု အိမ်မှာတလည် လျှောက်တုန်းကရပ် ဟင်းဂြိုင်တိုက်ဆူးဝါနာ အမာရက်ကအဖုံးငါ အုပ်ပီကို အရိပ်ဟြန်တုန်းကို အမှာရက်နာ တပျင်းအစက်ဂို့ ရမိုးတုန်းလင်ဟေ။ 35ကျီးကအိမ် ဟင်းဂြိုင်တိုက်ငါးဘင်း "မှလူးစာ ငါရွေးချယ်ပီဟေကား ငါကအဆာဖြစ်ဟေ။ အမာကတူးငင် အတးယင့်"ငါ့ကို အကြားဆူးဝါ ပြုယောဝန်လင်ကဟေ။ 36အိမ်မအကြာပြုကျီးကရပ် တပည့်တော်ရက်စာ ကိုယ်တော်ယေရူတစ်ပါးတည်းယင်မေ ဖူးလင်ပေါ်ကဟေ။ အမာရက်နာ အမာရက်ပေါ်ဒက်က အကြောင့်အရားရက်အင် အချိန်ကာလကြားစာရောက်မှ ဟူးဝါဇိစ်ယေ့ အငှားထမ်း ဆိတ်ဆိတ်ဆာတုန်းလင်ကဟေ။
မကောင်းဆိုးဝါးယင် ကတောက်ဟေကား
(မဿဲ ၁၇:၁၄-၁၈။ မာကု ၉:၁၄-၂၇)
37အယိုကာယက်တာ ကိုယ်တော်ယေရူအိမ်တပည့်တော်ဆုံးဦးရက်နာ တဂိုးဖုံးငါဘင်း ဆပ်ယိုးဝန်ကရပ် လူအုပ်ကြီးနာ ကိုယ်တော်ဝင် ဗန်ကို့ကဒိန်ဗာ(ဖ်)ကဟေ။ 38မှနောက်အာ ပရိတ်သတ်ထဲယာက လူးဟူးဝါနာ ကိုယ်တော်ယေရူယင် ဟော်အော်ကို့ "ကိုယ်တော်၊ ငါကတစ်ဦးတည်းကအဆာ ကူညီကဇိစ်အတွက် ဆူဝါပါဆာလိစ်အီယန် နက်နိမ့်ငါ့ကို တောင်းပန်ငန်နက်မက်"ငါ့ကို လျှောက်တင်လင်ကဟေ။ 39အမင် မကောင်းဆိုးဝါးနာ ဆင်ဂို့ နှိပ်စက်တုန်းကတောင်း အလန့်တကြားဟော်ကို တစ်ကိုယ်လုံးယေ ရမိ(လ်)ကို အင်းဆီငါဘင်း အမြှုပ်ရက်ပြုဝန်ကဟေ။ အိမ်မှမကောင်းဆိုးဝါးနာ အမင် ပင်ပန်းဇိစ်ဟေ။ အမာကားမဘင်းယေ ဟက်တာယေ ပြုဟေကအငါပါ(လ်)။ 40ငါနာ ကိုယ်တော်က တပည့်တော်ရက်အင် အိမ်မှမကောင်းဆိုးဝါးယင် ကတောက်အီကဇိစ် တောင်းပန်ဒက်ကယေ့ အမှာရက် လိစ်ကို့အအီလှူပါ(လ်)" ငါးဂို လျှောက်လင်ကဟေ။ 41ကျီးကအိမ် ကိုယ်တော်ယေရူနာ အိမ်မှအရပ်အာငါ့ဟေကလူးရက်အင် "မှကာလယာ အဆက်ဆိမ်းကိုတုန်းဟေကလူးရက် နနိန်ရက်နာ ယုံကြည်ခြင်းကင်းမဲကို့ အဆာတတ်ဆက်လက်ကို့ မိုက်တုန်းနိမ့်ကယား။ နနိန်ရက်က ယုံကြည်ခြင်းကင်းမဲ့မှုအင် ငါအဆာတတ်ကြားမနီး သည့်ခံကိုတုန်းပို နိမ့်ကယား"ငါ့ကိုကျီးကရပ် မန်ဆာကအဗာ(ဖ်)ယင် "နင်ဂါးအဆင် ငါထနဲ့ အော်လားကန်" ငါ့ကို ငှားလင်ကဟေ။ 42အိမ်မမန်ဆာဗန်(ဖ်)ကို့ ကိုယ်တော်ယေရူထနဲ့ ထုန်ကရပ် မကောင်းဆိုးဝါးစာ အမင် ကဇက်အာပေါင်ဇိစ်နက်ကို့ တစ်ကိုယ်လုံးငင် ပြင်းပြင်းထန်ထန် ရမိ(လ်)ဇိစ်လင်ကဟေ။ ညီးငါ့ဒင့်ယေ ကိုယ်တော်စာ မကောင်းဆိုးဝါယင် မန်ဆာကမှဘင်း ပြုကလင်ကဇိစ် အမိန့်အီလင်ကဟေ။ ကိုယ်တော်နာ မန်ဆာယင် ကုသအီကျီးကရပ် အမာကအဗာ(ဖ်)ထနဲ့ အက်လင်ကဟေ။
အဆိန်းဟင်းပိုကားအကြောင်းငင် ဒုတိယအကြိမ်ပြန်ငှားဆနပ်ကား
(မဿဲ ၁၇:၂၂-၂၃။ မာကု ၉:၃၀-၃၂)
43လူတိုင်းရက်အ(လ်) ဘုရားရှင်ဂါး ကြီးကျယ်မြင့်မြတ်ကတန်ခိုးဝင်ဖူးပေါ်ဂို့ အံ့ဩဂိုအဆုံထန်း ဖြစ်တုန်းလင်ကဟေ။ ကိုယ်တော်လိစ်ဟေကား အူဇာစုတ်ရက်အင် လူးရက်အံ့ဩတုန်းကရပ် ကိုယ်တော်စာ တပည့်တော်ရက်အင် 44"နနိန်ရက် ငါ ငါ့ဆနပ်ကားတူးရက်အင် အာရုံစိုက်ကိုး အတေးယင်းဂီ။ လူ့သားတော်ဖြစ်ဟေကားငါနာ မကြာခင်ငါ သစ္စာဖောက်ဟေကဟင်းပိုကို့ စိတ်ထားကောက်ကျစ်ဟေကား အုပ်ချုပ်ကလူးရက်ထနဲ့ အက်ဟေကား ဟင်းငန်ပိုဂါဟေ" ငါ့ဂို့ ငှားလင်ကဟေ။ 45တပည့်တော်ရက်က(လ်) အိမ်မှတူး(ဖ်)ကာအဓိပ္ပာယ်ယင် နားအလည်မနီး ရိန်ပီးကဟင်းပိုကတောင်း ကိုယ်တော်ကဆိုလိုရင်းငင် နားအလည်ပါ(လ်)။ ညီးငါ့ဒင့်ယေ ကိုယ်တော်ထနဲ့ ကတာကဇိစ်အ(လ်) အမာရက်နာ အစက်တုန်းလင်ကဟေ။
ပြောင်ဟေကားလူး
(မဿဲ ၁၈:၁-၅။ မာကု ၉:၃၃-၃၇)
46မှနောက်အာ တပည့်တော်ရက်နာ အမာရက်ကအထဲ့ယာ အယူနာပြောင်းဇို့ဖြစ်ဟေက အချင်းချင်း ငြင်းခုံတုန်းလင်ကဟေ။ 47ညီးင့ဒင့်ယေ့ ကိုယ်တော်ယေရှုနာ အိမ်မားလူးရက် အဆာမီတွေးတုန်းဟေယားငါ့ဟေကားချေးဂို့ မန်ဆာဟူးဝါ အမာကအနားယာစက်စိမ်းကို တပည့်တော်ရက်အင် 48"ရိကက်ကလူးရိယင့် ငါကအတွက်အိမ် မှမန်ဆာဒေလေက လူးယင်လက်ခံကလူးနာ ငင်လက်ခံကမယ်ဖြစ်ဟေ။ ငင် လက်ခံကလူးယေ့ ငင်အခွင့်အာဏာအိမ် ဖြောက်နက်အန်က အရှင်ငင် လက်ခံကလူးမယ်ဖြစ်ဟေ။ အဇာရိကို့အငါနဲ့ နနိန်ရက်ကအထဲယာ အပါနာကအပါနာ အနှိမ့်ချဆုံးကလူးငါ့ကို မှတ်ပီဟေကလူးနာ ဘုရားရှင်ကအမြင်ငါ မြင့်မြတ်ကလူးမယ်ဖြစ်ဟေ" ငါ့ကို င့ါလင်ကဟေ။
အပါနာယင် အဆန့်ကျင်ကလူး
(မာကု ၉:၃၈-၄၀)
49အိမ်မနောက်အာ ယောဟန်နာ "ကိုယ်တော် ၊ကိုယ်တော်ကအမိန်းငင်သုံးကို လူးရက်ကမားကား မကောင်းဆိုးဝါးရက်အင် ဆပြူတုန်းကလူးဟူးဝါ ငါ့ရက်လက်တက်ဟေ။ အိမ်မှလူးနာ ငါ့ရက်ကအဖွဲ့ဝင်အရိကတောင်း အိမ်မဒေအလိစ်ကဇိစ် အမင်တားမြစ်တက်ဟေ" ငါးဂို့ လျှောက်တင်လင်ကရပ် 50ကိုယ်တော်နာ အမာရက်အင် "အမင် အတားမြစ်ယေ့။ အဇာရိကို့အငါနဲ့ နနိန်ရက်အင် အဆန့်ကျင်ကားလူးနာ နနိန်ရက်အင် ကူညီအီကလူးမယ်ဖြစ်ဟေ" ငါးဂို့ ငှားလင်ကဟေ။
ဂျေရုဆလင်ငါ ကြွလင်ကား
51မှနောက်အာ ကိုယ်တော်နာ ရွှေမြို့တော်ဝါ လင်ပိုကဇိစ် အချိန်စေယိုဝန်နန်းဂါတောင်း ဂျေရုဆလင်မြို့ဝါ လင်ဂါဇီ သေချာဆုံးဖြတ်ချက် အဟြတ်လင်ဂါဟေ။ 52ကိုယ်တော်နာ အမာကရှေ့ယာကြိုတင်ကို့လင်ကဇိစ် တပည့်တော်တစ်ချို့ယင် ဖြောက်လင်ကဟေ။ အမာရက် ရှမာရိနယ်ယာက ထိန်ထိန်နာဆင်ကို့ ကိုယ်တော်ယေရူအိမ် တစ်ခြားလူးရက် တည်းခိုကဇိစ်အတွက် စီစဉ်ကို့အီဒက်လင်ကဟေ။ 53ညီးငါ့ဒင့်ယေ ထိန်ဆိမ်းရက်နာ ကိုယ်တော်ယေရူအိမ် အမာကတပည့်တော်ရက်အင် အမာရက်ကထိန်ငါက တည်းခိုကို့အတုန်းပိုပါ(လ်)ကားငါ့ကို ငြင်းလင်ကဟေ။ အဇာရိကို့အငါနဲ့ ကိုယ်တော်ယေရူသည် ဂျေရုဆလင်ငါ အခိုင်အမာဦးတည်ကို့ လင်တုန်းဟေကတောင်းဖြစ်ဟေ။ 54ယာကုပ်အိမ်ယောဟန်#9:54 ယာကုပ်အိမ် ယောဟန်ရက်နာ သာဝကတစ်ဆယ့်နှစ်ဦးထဲယာက ကိုယ်တော်ယေရူအိမ် အနီးစပ်ဆုံးလူးရက်ဖြစ်ဟေ။ရက်နာ အိမ်မှအဖြစ်ပျက်ရက်အင်ပိုကရပ် "ကိုယ်တော်၊ ငါ့ရက် အယင်ဟြတ်ကရပ် ပရောဖက်ဧလိယ#9:54 ဓမ္မရာဇဝင် စတုတ္ထစာစောင် ၁း၁၀-၁၂ လိစ်တက်ကဒေလေ ဘုရားရှင်ထနဲ့စိန်ကို့ အိမ်မှလူးရက်အင် ကောင်းဂါလက်အာဘင်း ဗန်(ဖ်)အဟြတ်ရ်စိမ့်ကို ပျက်စီးနက်ပိုကလဲ" ငါးဂို့ လျှောက်တင်လင်ကဟေ။ 55ညီးငါ့ဒင့်ယေ ကိုယ်တော်နာ အမာရက်ကဟိုက်နီးယာလှည့်ဂို့ ဆုံးမလင်ကဟေ#9:55 တစ်ချိူ့ ကျမ်းရက်အာ "နနိန်ရက်နာ အပါနာကစိတ်အင် အပါနာအချေးပါ(လ်)၊ လူ့သားတော်နာ လူးရက်ကအဆက်အင် ကတိုက်ကဇိစ် ဗန်(ဖ်)ဟေကအရိပါ(လ်)၊ ကယ်တင်ကဇိစ်မယ် ကြွဗန်(ဖ်)ကားဖြစ်ဟေ"ငါ့ကို ရေးပီဟေ။။ 56မှနောက်အာ အမာရက်ကလူးစုတ်ရက်နာ အယောက်ကထိန်ထိန်နာနား ပြုလင်ကဟေ။
တပည့်တော်ဖြစ်ကက်ကား ဆုံးဟူး
(မဿဲ ၈:၁၉-၂၂)
57ကိုယ်တော်အိမ်တပည့်တော်ရက် ဂျေရုဆလင်မြို့ဝါ လင်ကားလမ်းခရီးအာ လူးဟူးဝါနာ ကိုယ်တော်ထနဲ့ဗန်ကို့ "ကိုယ်တော် ငါနာကိုယ်တော်ကနောက်လိုက်တပည့် ဖြစ်ကက်ကို့ ကိုယ်တော်ကြွလင်ကနေရာတိုင်းငါ ငါယောနက်ကက်ဟေ"ငါ့ကို လျှောက်လင်ကရပ် 58ကိုယ်တော်နာ "ချေးဝါရက်က အိပ်ကဇမ် ဂြိုင်ငါဟေ၊ အူဆီရက်ကယေ့ အိပ်ကဇမ်း အထိုငါဟေ။ ညီးင့ဒင့်ယေ့ ငါလူ့သားတော်ကက(လ်) အိပ်ကဇိစ် ကိန်းဒင့်အငါပါ(လ်)" ငါးဂို့ ငှားလင်ကဟေ။ 59မှနောက်အာ ကိုယ်တော်နာ အယိုကလူးဟူးဝင် "ငါကအလိုဝါယောကို့ တပည့်လိစ်အင့်" ငါးဂို့ ငှားလင်ကဟေ။ ညီးငါ့ဒင့်ယေ အိမ်မားလူးနာ "ကိုယ်တော်၊ မလားကင့်မား ငင် ကိန်းငါပြန့်ကဇိစ် ခွင့်ပြုဝန်နက်နိမ့်။ အဗာ(ဖ်)ဆိမ်းကန့်ကရပ် အမင်သင်္ဂြိုဟ်ကျီးတောင်မယ် ကိုယ်တော်က တပည့်အဖြစ် အလိုဝါယောဝန်ကဟုန်း"ငါ့ကို လျှောက်တင်လင်ကဟေ။ 60ညီးငါ့ဒင့်ယေ ကိုယ်တော်နာ အမင် " ဘုရားရှင်က ပညတ်တရားယင် အလိုက်နာကလူးနာ ဆိန်းကလူးအိမ်တူဟေ။ ဆိန်းတုန်းနန်းကလူးရက်အင် ဆိန်းကျီးကန်းနန်းကားလူးရက်မယ် သင်္ဂြုဟ်လင်နူး(ဖ်)။ ညီးငါ့ဒင့်ယေ နင်က(လ်) ဘုရားရှင်ဂါသာသနာတော်အကြောင်းငင် လူးရက်ကမားလင်ကို့ ငါ့ဆနပ်အင်း" ငါးဂို့ ငှားလင်ကဟေ။ 61အယောက်ကဟူးဝါယေ့ "ကိုယ်တော် ကိုယ်တော်ကတပည့်အဖြစ် ကိုယ်တော်ကအလိုဝါယောကဇိစ် အဆင်သင့်ဖြစ်တုန်းနက်ဟေ။ ညီးငါ့ဒင့်ယေ့ အိမ်မဒေလေ ငါအလိစ်မိ ငါကကိန်းငါက မိသားစုရက်အိမ်ဆွေမျိုးရက်အင် ငါလင်ကဟေ့ငါဟေကင့် လင်ကို့ငါ့ဆနပ်ကဇိစ် ခွင့်ပြုဝန်"ငါ့ကို လျှောက်တင်လင်ကဟေ။ 62ညီးငါ့ဒင့်ယေ ကိုယ်တော်ယေရူနာ "လယ်ထွန်တုန်းဇမ်း အလိုဝါလှည့်ကို့ယူတုန်းနဲ့က(လ်) အမာကအလိစ်နာ ကျီးလင်ကအရိပါ(လ်)။ အိမ်မာဒေဟုန်း လူးဟူးဝါပါဆာနာ ငါကအလိုဝါ တပည့်အဖြစ်စကို့ယောကက်ကယေ့ အယောက်ကအူဇာဆူးဝါကအပေါ်ဝါ အာရုံလွဲတုန်းနဲ့က(လ်) အမာနာ ဘုရားရှင်ကသာသနာတော်ဝါ အဆုံးဆင်ကအလိစ်အင် လိစ်လင်လှုကအရိပါ(လ်)"ငါ့ကို ငါ့လင်ကဟေ။
Kasalukuyang Napili:
လုကာ 9: CKH
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 9
9
အခန်း (၉)
သာဝကတစ်ဆယ့်နှစ်ဟူးငင် ဖြောက်နက်ဟေကား
(မဿဲ ၁၀:၅-၁၅။ မာကု ၆:၇-၁၃)
1ကျီးကအိမ် ကိုယ်တော်နာ သာဝကတစ်ဆယ့်နှစ်ဟူးငင် အော်ဂို့စုဇိစ်ကို မကောင်းဆိုးဝါးရက်အင် ကတောက်ကဇီစ်အိမ် အနာရောဂါရက်အင် ပျောက်ဇိစ်လူကား တန်ခိုးအိမ်အခွင့်အဏာရက်အင်အီကဟေ။ 2ကျီးကအိမ် ကိုယ်တော်စာ အမာရက်အင် ဘုရားရှင်ကသာသနာတော်အကြောင်းငင် ဟောဂါဇီစ်အိမ် ဟာပိုဆာအငါကား လူးရက်အင် ကုအီကဇိစ်ကအတွက် ဖြောက်နက်ကဟေ။ 3ကိုယ်တော်နာ အမှာရက်အင် "နနိန်ရက်ခရီးပြုလင်ကရပ် နနိန်ရက်အိမ်မက်တာ ဆူဝါးဂါအူဇာယေ့ အလာကလင်ယေ့။ တုတ်ထောက်ကဇရက်အင်၊ ခရီးဆောင်တိပ့်ရက်အင်၊ အစားအစာ၊ တင်္ဂါ၊ အပိုပါဇူရက်ယေ့ အလာကလင်ယေ့။ 4ရိ(လ်)ကက်ကကိန်းငါရိ(လ်)ယင့် နနိန်ရက်အင် လက်ခံကြိုဆိုနဲ့က(လ်) အိမ်မအရပ်အာဘင်းအပြန့်မီ အိမ်မကိန်းငါမယ် တည်းခိုယင့်။ 5မဒေအရိ(လ်)ထမ်း နနိန်ရက်အင် ကြိုဆိုလက်အခံကားကိန်းငင်က(လ်) အိမ်မအရပ်အာဘင်း ပြုယောဝန်ကရပ် အမှာရက်အင် သတိအီဟေကအနေဖြင့် နနိန်ရက်က အတာဂါး ကဇက်မှုန့်ငင် ခါချပီဒက်#9:5 ဂျူးလူမျိူးရက်ကဓလေ့အရ "အတာကပ်တုန်းဟေကား အိမ်မှအရပ်အာက ဖုန်မူန့်ငင် ခါပီဟေ"ငါ့ဟေကာနာ အမာနာ အိမ်မှအရပ်အာက လူးရက်အိမ် ပတ်သက်ဆက်နွယ်မူအငါပါ(လ်)ငါ့ကို အဓိပ္ပာယ်လူဟေ။ မှနေရာယာ အိမ်မဒေလေလိစ်ကနာ အိမ်မှအရပ်အာကလူးရက်အင် ဘုရားရှင်အပြစ်အီဟေကရပ် တပည့်တော်ရက်အိမ် ဆူးဝါယေ့အသက်ဆိုင်ကအကြောင်းငင် ဆနပ်ဟေကဖြစ်ဟေ။ တူညီဟေကဖော်ပြချက်အင် ကျမ်းပိုဒ် ၁၀း၁၁အာယေ့ ပိုလင်ကား။" ငါးဂို့ ငှားလင်ကဟေ။ 6မှနောက်အာ သာဝကတစ်ဆယ့်နှစ်ပါးရက်အ(လ်) ကိုယ်တော်ကမားဘင်း ပြူယောဝန်လင်ဂို့ အနယ်နယ်အရပ်ရပ်အာလင်ကို ဘုရားရှင်ကမင်္ဂလာသတင်းကောင်းငင် ငါ့ဆနပ်အီဂို့ ဟာပိုဆာအငါက လူးရက်အင်ယေ့ ကုသအီလင်ကဟေ။
ဟေရုဒ်က သောက
(မဿဲ ၁၄:၁-၁၂။ မဿဲ ၆:၁၄-၂၉)
7အိမ်မှအချိန်ငါ ဂါလိလဲပြည်ယင် အုပ်ချုပ်ဟေကားဟေရုဒ်နာ ကိုယ်တော်လိစ်ဟေကရက်အင် တတ်ဟေကရပ် စိုးရိမ်ပူပန်လင်ကဟေ။ အဇာရိကို့အငါ့နဲ့ လူတစ်ချိူ့နာ "အိန်းမြုပ်မင်္ဂလာဆရာယောဟန် အဆက်ပြန်ကိုဆိမ်းငန်နန်း"ငါ့ကို လည်းကောင်း 8အယောက်ကလူးရက်နာ "ပရောဖက်ဧလိယ ပြန်ကိုကြွဗန်(ဖ်)နန်း"ငါ့ကို လည်းကောင်း၊ တစ်ချို့က(လ်) "အယင်ဟိုက်ပင့် ငါ့ဒက်က ပရောဖက်ထဲယာကတစ်ပါး အဆက်ပြန်ဆိမ်းကို "ငါ့ကိုလည်းကောင်း ပြိစ်တုန်းကအကြောင်းဖြစ်ဟေ။ 9ညီးငါ့ဒင့်ယေ ဟေရုဒ်မင်က(လ်) "မှအူဇာရက်လိစ်တုန်းကနာ ယောဟန်က(လ်)အရိလင်ပါ(လ်)ကား။ အဇာရိကိုအငါနဲ့ ငါကစစ်ဆာရက်နာ ငါမိန့်အီဒက်ကအတိုင်း ယောဟန်ဂါး အဟူးငင် အထုတ်ပီဒက်နန်း။ အတတ် မှသတင်းငင်တပ်တုန်းကားလူးနာ အယူဝါး" ငါ့ဂို့ ကိုယ်တော်ငင် ကဒိန်းကဇီစ် ကြိုးစားဆုံးလင် ကဟေ။
လူငါးထောင်ငင်ကျွေးမွေးဟေကား
(မဿဲ ၁၄:၁၃-၂၁။ မာကု ၆:၃၀-၄၄။ ယောဟန် ၆:၁-၁၄)
10သာဝကတစ်ဆယ့်နှစ်ပါးရက် ပြန့်ငန်ဟေကရပ် အမှာရက်ကလိစ်တာဟေကရက်အင် ကိုယ်တော်ဇိစ် လျှောက်တင်လင်ဂါဟေ။ မှနောက်အာ ကိုယ်တော်နာ အမှာရက်အိမ်မက်တာ ဗက်ဇဲဒထိန်ငါ ကြွလင်ကဟေ။ 11ညီးငါ့ဒင့်ယေ အိမ်မာအကြောင်းအရာရက်အင် လူးရက်စာ တတ်ပေါ်ကအခါ လူးရက်နာ ကိုယ်တော်ဂါ အလိုဝါယိုးဝန်လင်ဂါဟေ။ ကိုယ်တော်ယေ့ အမှာရက်အင်ကြိုဆိုဂို့ ဘုရားရှင်ဂါသာသနာတော် အကြောင်းရက်အိမ် ပတ်သက်ကို ကနင်းဖူးဆာဟောဆနပ်ကို ဟာပိုဆာအငါ့က လူးရက်အင်ယေ့ ဆီကုအီလင်ကဟေ။ 12နက်တိုက်ဆာရီးဆာထုန်ဟေကရပ် တပည့်တော်ဆယ့်နှစ်ဟူးနာ ကိုယ်တော်ထနဲ့ ထုန်ဗာ(ဖ်)ဂို့ "ကိုယ်တော်၊ မှအရပ်နာ လူးအ့ငါကအရပ်ဖြစ်ဟေကားကြောင့် မှလူအုပ်ဗြောင်ငင် အနီးအနားတစ်ဝိုက်အာငါ့ဟေကား ထိန်ရာအာ ဖြောက်နက်အင်း။ အဇာရိကို့အငါနဲ့ အမာရက်က တည်းခိုကအိမ် ဆာကရက်စိုးဟေ" ငါးဂို့ လျှောက်တင်လင်ကဟေ။ 13အိမ်မှကရပ် ကိုယ်တော်နာ "အမှာရက်အင် ဆာကဇက်ဆူးဝါ အီနက်အင်း" ငါးဂို့ သာဝကရက်အင် ငါ့လင်ကရပ် အမာရက်နာ "ငါ့ရက်ထနဲ့ ပေါင်မုန့် အပိဆာငါးလုံးအိမ် တနာနိန်းမှာမေ ငါဟေ။ မှလူအုပ်ရက်ဇိစ် ကျွေးကငါးနဲ့ အစားသောက်ရက် လင်ကို မရိပေါ်နိမ့်ကား" ငါးဂို့ လျှောက်တင်လင်ကဟေ။ 14အဇာရိကိုအငါနဲ့ အိမ်မှလူအုပ်ကြီးထဲယာ တာဆာပြိုင်းလူဦးရေ ငါးထောင်ခန့်ငါကတောင်းဖြစ်ဟေ#9:14 တစ်ချိူ့ကျမ်းရက်အာ မှနေရာယာ တာဆာလောင်ရက်၊ မန်ဆာရက်အင် ထည်ကိုတုန်ဟေကအငါထမ်း တာဆာပြိုင်ဦးရေဒင့် ငါးထောင်ခန့်ငါဟေငါ့ကို ငါ့ပီဟေ။။ အိမ်မှကရပ် ကိုယ်တော်နာ တပည့်တော်ရက်အင် "အုပ်စုတစ်စုစီယာ လူအယောက်ငါးဆယ်စီခွဲကို တုန်းကဇိစ် လူအုပ်ပြောင်ယင် ငါ့နက်အင်း"ငါ့ကို ငါ့နက်လင်ကဟေ။ 15မှအကြောင့် တပည့်တော်ရက်အ(လ်) ကိုယ်တော်ငါ့ဟေကားအတိုင်း လူးရက်အင် တုန်းဇိစ်လင်ကဟေ။ 16ကျီးကအိမ် ကိုယ်တော်နာ ပေါင်မုန့်ငါးလုံးအိမ် တနာနိန်းမာယင်လာဂို့ ကောင်းဂါလက်အင် မျှော်ယူးဂို့ ဘုရားရှင်းဂါ ဂုဏ်တော်ဝင် ချီးမွမ်းဆုစိန်ဂို အမာကတာဟူးအိမ် ပေါင်မုန့်အိမ်တနာရက်အင်အဆိုက်ကို တပည့်တော်ရက်ဇိစ်တစ်ဆင့် လူးရက်ဇိစ် မန်ကို အီဇိစ်လင်ကဟေ။ 17လူးစုတ်ရက်အ(လ်) ဝဝလင်လင်ဆာပိုကတောင်မာဒင့် စားကြွင်းစားကျန်ရက်အင် တပည့်တော်ရက်နာ သိမ်းကို့ကလိင်လင်ကရပ် ခြင်းတောင်းတစ်ဆယ့်နှစ်တောင်း အပြည့်လှုကဟေ။
ပေတရုကားဝန်ခံချက်
(မဿဲ ၁၆:၁၃-၂၀။ မာကု ၈:၂၇-၃၀)
18ယက်တာဂရပ် ကိုယ်တော်တစ်ပါးတည်း ဆုစိန်တုန်းကအချိန်ငါ တပည့်တော်ရက် ထုန်ဗာ(ဖ်)လင်ကဟေ။ ကိုယ်တော်နာ အမှာရက်အင် "လူရက်နာ ငင် အယူငါ့ကိုငါ့တုန်းဟေယား "ငါးဂို့ ကတာလင်ကဟေ။ 19အမှာရက်နာ "တချို့က(လ်) ကိုယ်တော်ယင် အိန်းမြုပ်မင်္ဂလာဆရာယောဟန် ဒေလေယေငါ့ဟေ။ တစ်ချို့က(လ်) ဧလိယဒေလေယေ့ ပြိစ်တုန်းဟေ။ အယင်ဟိုက်ကရပ်ကငါ့ဒက်ဟေက ပရောဖက်တစ်ပါး အဆက်ပြန်ကိုဆိမ်းဟေငါ့ကိုယေ့ပြိစ်တုန်းဟေ" ငါ့ကို လျှောက်တင်လင်ကဟေ။ 20မှနောက်အာ ကိုယ်တော်ယေ့ "နနိန်ရက်အ(လ်) ငင် အယူးငါ့ကိုထင်ဟေယား" ငါးဂို့ ကတာကရပ် ပေတရုနာ "ကိုယ်တော်နာ ဘုရားရှင်ဖြောက်နက်အန်ကား ကယ်တင်ရှင်မေရှိယဖြစ်ဟေ" ငါးဂို့ လျှောက်တင်လင်ကဟေ။ 21ကိုယ်တော်ယေ မှအကြောင်းအရာရက်အင် ဟူးဝါဇီယေ့အငါကဇိစ် တင်းတင်းဆာငါ့ပီးလင်ကဟေ။
အဆိမ်းဟင်းကအကြောင်းငင် ကြိုတင်ငါ့ပီဟေကား
(မဿဲ ၁၆:၂၀-၂၈။ မာကု ၈:၃၀-၉:၁)
22မှနောက်အာ ကိုယ်တော်နာ တပည့်တော်ရက်အင် "လူ့သားတော်ဖြစ်ဟေက ငါနာ ဒုက္ခယင် ခံစားကဇိစ်လိုအပ်ကို့ ဂျူးလူမျိူးအကြီးအကဲရက်၊ ပုရောဟိတ်အကြီးအကဲရက်အိမ် ကျမ်းတတ်ဆရား ရက်က ငြင်းပယ်ကဟင်းလင်ပိုကားဖြစ်ဟေ။ လူရက်နာ ငင် ကတိုက်လင်ကား သုံးရက်စီးဟေကရယက်အာ ငါစာ အဆက်ပြန်ကို့ ဆိမ်းလင်ကား။
အပါနာက လက်ဝါးကပ်တိုင်ယင်ဖေ့အီယင့်
23မှနောက်အာ ကိုယ်တော်နာ လူထုပရိသတ်ရက်အင် " ငါကနောက်လိုက်တပည့်ဖြစ်ကက်ဟေကား ရိကက်ကလူးရိယင့် ကိုယ်ကျိုးယင်စွန့်လွတ်ကို့ အပါနာကလက်ဝါးကပ်တိုင်ငင် ကိုယ်တိုင်ဖေ့ကို ရယက်တုန် ငါကအလိုဝါယောလှုပိုကား။ 24အဇာရိကို့အငါနဲ့ မှလောကယာ အပါနားဂါအဆက်အင် ကယ်တင် ကက်ကား အရိကက်ကားလူးရိယင့် နိစ္စထာဝရအဆက်အင် လှူလင်ကားအရိကယေ့ ငါကအတွက်ကြောင့် အပါနာကအဆက်အင်ဒင့် စွန့်လွတ်ကက်ကစိတ်ငါနဲ့ နိစ္စထာဝရအဆက်အင် လှုလင်ကားဖြစ်ဟေ။ 25လူနာ မှကမ္ဘာလောကကား စည်းစိမ်ဥစ္စာရက်အင် ပိုင်ဆိုင်ပိုကယေ့ အမာကအဆက်အင် ဆုံးရှုံးပိုနဲ့က(လ်) အဇာအကျိုးငန်ကယား။ 26နနိန်ရက်နာ ငါအိမ်ငါကတရားတော်အတွက်အိမ် အစမ်းနဲ့က(လ်) လူ့သားတော်ဖြစ်ဟေကငါယေ ငါကဘုန်းတန်ခိုး၊ အဗား(ဖ်)ဘုရားကဘုန်းကျက်သရေအိမ် ရွှေမြို့တော်ဝါက မြင့်မြတ်ကဟမန်းဒေဝါရက်ကဘုန်းကျက်သရေအိမ်မက်တာ မှကမ္ဘာလောကယာ ပြန့်ကိုကြွဗန်ကရပ် နနိန်ရက်နာ ငါကနောက်လိုက်တပည့် အရိပါ(လ်)ငါ့ကို ငါငြင်းလင်ကား။ 27နနိန်ရက်အင် ငါအမှန်ငှားပေါနဲ့ မှနေရာနား စက်တုန်းဟေကားလူးတချို့နာ ဘုရားရှင်ကသာသနာတော်ယင် အပေါ်ပိုထမ်း ဆိန်းလင်ပေါ်ကားအရိပါ(လ်)" ငါးဂို့ ငါ့လင်ကဟေ။
အဆင်းသဏ္ဌာန်ပြောင်းဟေကား
(မဿဲ ၁၇:၁-၈။ မာကု ၉:၂-၈)
28အိမ်မာဒေလေငါ့ဆနပ်ဂို့ကျီးကရပ် ရှစ်ရက်ကြားဟေကားအခါ ကိုယ်တော်နာ ပေတရု ၊ ယောဟန်အိမ် ယာကုပ်ရက်အင် အော်ဂို့ ဝတ်ပြုဆုစိန်ကဇိစ် တဂိုးဖုံးငါ ကြွလင်ကဟေ။ 29ကိုယ်တော် ဆုစိန်တုန်းကအချိန်ငါ အမာကအမန်းအဆင်းသဏ္ဍာန်နာ ပြောင်းလဲကလင်ဂို့ ဝတ်ရုံတော်ယေ့ ဖြူဖွေးတောက်ပ့လင်ကဟေ။ 30ကျီးကအိမ် ပရောဖက်ရက်ဖြစ်ဟေကား မောရှေအိမ် ဧလိယရက်စာ ရုတ်တရက်ဖော်ယိုဝန်ဂို့ ကိုယ်တော်အိမ်တူးပြိစ်တုန်းလင်ကဟေ။ 31အမာရက်စာ ဘုန်းတန်ခိုးတော်ရက် ထွန်းလင်းတောက်ပကို ဘုရားရှင်ကအလိုတော်အတိုင်း ဂျေရုဆလင်မြို့ဝါ မကြာခင်ငါ ဖြစ်ပျက်အန်ကဟေကား ကိုယ်တော်အဆိန်းဟင်းပေါ်ကအကြောင့်ငင် ပြစ်တုန်းလင်ကဟေ။ 32အိမ်မှအချိန်ငါ ပေတရုအိမ် အယိုကာတပည့်တော်နိန့်ဟူးနာ အိပ်ဖျင်ဂို့ငါလင်ကဟေ။ အမာရက်ရိအန်ကအခါ ချက်ချင်းဒင့် ဘုန်းတန်ခိုးတော်ရက်အိမ် ပြည့်စုံဟေကား ကိုယ်တော်ဝင်ပေါ်လင်ကဟေ။ အမာရက်နာ ကိုယ်တော်အိမ်မက်တာ စက်တုန်းကား ပရောဖက်နိန်ဟူးဝင်ယေ့ ပိုလင်ကဟေ။ 33ကျီးကအိမ် မောရှေအိမ် ဧလိယနာ ကိုယ်တော်ယေရူကမှဘင်းပြုလင်ကရပ် ပေတရုနာ ကိုယ်တော်ယင် "ကိုယ်တော်၊ မှနေရာနာ တုန်းမက်ဆီဆာကနေရာဖြစ်ဟေ။ မှအကြောင့် ကိုယ်တော်ဇိစ် ကိန်းဆောင်းနာ၊ ဧလိယကအတွက် ကိန်းဆောင်းနာအိမ် မောရှေကအတွက် ကိန်းဆောင်းနာယင် ငါရက်ပြုအီနက်ပေါ်ဇိစ်"ငါ့ကို လျှောက်လင်ကဟေ။ ညီးင့ဒင့်ယေ့ ပေတရုစာ အမာကအမာနာ အဇာငါ့နက်ကယားငါ့ကို အချေးပါ(လ်)။ 34ပေတရု အိမ်မှာတလည် လျှောက်တုန်းကရပ် ဟင်းဂြိုင်တိုက်ဆူးဝါနာ အမာရက်ကအဖုံးငါ အုပ်ပီကို အရိပ်ဟြန်တုန်းကို အမှာရက်နာ တပျင်းအစက်ဂို့ ရမိုးတုန်းလင်ဟေ။ 35ကျီးကအိမ် ဟင်းဂြိုင်တိုက်ငါးဘင်း "မှလူးစာ ငါရွေးချယ်ပီဟေကား ငါကအဆာဖြစ်ဟေ။ အမာကတူးငင် အတးယင့်"ငါ့ကို အကြားဆူးဝါ ပြုယောဝန်လင်ကဟေ။ 36အိမ်မအကြာပြုကျီးကရပ် တပည့်တော်ရက်စာ ကိုယ်တော်ယေရူတစ်ပါးတည်းယင်မေ ဖူးလင်ပေါ်ကဟေ။ အမာရက်နာ အမာရက်ပေါ်ဒက်က အကြောင့်အရားရက်အင် အချိန်ကာလကြားစာရောက်မှ ဟူးဝါဇိစ်ယေ့ အငှားထမ်း ဆိတ်ဆိတ်ဆာတုန်းလင်ကဟေ။
မကောင်းဆိုးဝါးယင် ကတောက်ဟေကား
(မဿဲ ၁၇:၁၄-၁၈။ မာကု ၉:၁၄-၂၇)
37အယိုကာယက်တာ ကိုယ်တော်ယေရူအိမ်တပည့်တော်ဆုံးဦးရက်နာ တဂိုးဖုံးငါဘင်း ဆပ်ယိုးဝန်ကရပ် လူအုပ်ကြီးနာ ကိုယ်တော်ဝင် ဗန်ကို့ကဒိန်ဗာ(ဖ်)ကဟေ။ 38မှနောက်အာ ပရိတ်သတ်ထဲယာက လူးဟူးဝါနာ ကိုယ်တော်ယေရူယင် ဟော်အော်ကို့ "ကိုယ်တော်၊ ငါကတစ်ဦးတည်းကအဆာ ကူညီကဇိစ်အတွက် ဆူဝါပါဆာလိစ်အီယန် နက်နိမ့်ငါ့ကို တောင်းပန်ငန်နက်မက်"ငါ့ကို လျှောက်တင်လင်ကဟေ။ 39အမင် မကောင်းဆိုးဝါးနာ ဆင်ဂို့ နှိပ်စက်တုန်းကတောင်း အလန့်တကြားဟော်ကို တစ်ကိုယ်လုံးယေ ရမိ(လ်)ကို အင်းဆီငါဘင်း အမြှုပ်ရက်ပြုဝန်ကဟေ။ အိမ်မှမကောင်းဆိုးဝါးနာ အမင် ပင်ပန်းဇိစ်ဟေ။ အမာကားမဘင်းယေ ဟက်တာယေ ပြုဟေကအငါပါ(လ်)။ 40ငါနာ ကိုယ်တော်က တပည့်တော်ရက်အင် အိမ်မှမကောင်းဆိုးဝါးယင် ကတောက်အီကဇိစ် တောင်းပန်ဒက်ကယေ့ အမှာရက် လိစ်ကို့အအီလှူပါ(လ်)" ငါးဂို လျှောက်လင်ကဟေ။ 41ကျီးကအိမ် ကိုယ်တော်ယေရူနာ အိမ်မှအရပ်အာငါ့ဟေကလူးရက်အင် "မှကာလယာ အဆက်ဆိမ်းကိုတုန်းဟေကလူးရက် နနိန်ရက်နာ ယုံကြည်ခြင်းကင်းမဲကို့ အဆာတတ်ဆက်လက်ကို့ မိုက်တုန်းနိမ့်ကယား။ နနိန်ရက်က ယုံကြည်ခြင်းကင်းမဲ့မှုအင် ငါအဆာတတ်ကြားမနီး သည့်ခံကိုတုန်းပို နိမ့်ကယား"ငါ့ကိုကျီးကရပ် မန်ဆာကအဗာ(ဖ်)ယင် "နင်ဂါးအဆင် ငါထနဲ့ အော်လားကန်" ငါ့ကို ငှားလင်ကဟေ။ 42အိမ်မမန်ဆာဗန်(ဖ်)ကို့ ကိုယ်တော်ယေရူထနဲ့ ထုန်ကရပ် မကောင်းဆိုးဝါးစာ အမင် ကဇက်အာပေါင်ဇိစ်နက်ကို့ တစ်ကိုယ်လုံးငင် ပြင်းပြင်းထန်ထန် ရမိ(လ်)ဇိစ်လင်ကဟေ။ ညီးငါ့ဒင့်ယေ ကိုယ်တော်စာ မကောင်းဆိုးဝါယင် မန်ဆာကမှဘင်း ပြုကလင်ကဇိစ် အမိန့်အီလင်ကဟေ။ ကိုယ်တော်နာ မန်ဆာယင် ကုသအီကျီးကရပ် အမာကအဗာ(ဖ်)ထနဲ့ အက်လင်ကဟေ။
အဆိန်းဟင်းပိုကားအကြောင်းငင် ဒုတိယအကြိမ်ပြန်ငှားဆနပ်ကား
(မဿဲ ၁၇:၂၂-၂၃။ မာကု ၉:၃၀-၃၂)
43လူတိုင်းရက်အ(လ်) ဘုရားရှင်ဂါး ကြီးကျယ်မြင့်မြတ်ကတန်ခိုးဝင်ဖူးပေါ်ဂို့ အံ့ဩဂိုအဆုံထန်း ဖြစ်တုန်းလင်ကဟေ။ ကိုယ်တော်လိစ်ဟေကား အူဇာစုတ်ရက်အင် လူးရက်အံ့ဩတုန်းကရပ် ကိုယ်တော်စာ တပည့်တော်ရက်အင် 44"နနိန်ရက် ငါ ငါ့ဆနပ်ကားတူးရက်အင် အာရုံစိုက်ကိုး အတေးယင်းဂီ။ လူ့သားတော်ဖြစ်ဟေကားငါနာ မကြာခင်ငါ သစ္စာဖောက်ဟေကဟင်းပိုကို့ စိတ်ထားကောက်ကျစ်ဟေကား အုပ်ချုပ်ကလူးရက်ထနဲ့ အက်ဟေကား ဟင်းငန်ပိုဂါဟေ" ငါ့ဂို့ ငှားလင်ကဟေ။ 45တပည့်တော်ရက်က(လ်) အိမ်မှတူး(ဖ်)ကာအဓိပ္ပာယ်ယင် နားအလည်မနီး ရိန်ပီးကဟင်းပိုကတောင်း ကိုယ်တော်ကဆိုလိုရင်းငင် နားအလည်ပါ(လ်)။ ညီးငါ့ဒင့်ယေ ကိုယ်တော်ထနဲ့ ကတာကဇိစ်အ(လ်) အမာရက်နာ အစက်တုန်းလင်ကဟေ။
ပြောင်ဟေကားလူး
(မဿဲ ၁၈:၁-၅။ မာကု ၉:၃၃-၃၇)
46မှနောက်အာ တပည့်တော်ရက်နာ အမာရက်ကအထဲ့ယာ အယူနာပြောင်းဇို့ဖြစ်ဟေက အချင်းချင်း ငြင်းခုံတုန်းလင်ကဟေ။ 47ညီးင့ဒင့်ယေ့ ကိုယ်တော်ယေရှုနာ အိမ်မားလူးရက် အဆာမီတွေးတုန်းဟေယားငါ့ဟေကားချေးဂို့ မန်ဆာဟူးဝါ အမာကအနားယာစက်စိမ်းကို တပည့်တော်ရက်အင် 48"ရိကက်ကလူးရိယင့် ငါကအတွက်အိမ် မှမန်ဆာဒေလေက လူးယင်လက်ခံကလူးနာ ငင်လက်ခံကမယ်ဖြစ်ဟေ။ ငင် လက်ခံကလူးယေ့ ငင်အခွင့်အာဏာအိမ် ဖြောက်နက်အန်က အရှင်ငင် လက်ခံကလူးမယ်ဖြစ်ဟေ။ အဇာရိကို့အငါနဲ့ နနိန်ရက်ကအထဲယာ အပါနာကအပါနာ အနှိမ့်ချဆုံးကလူးငါ့ကို မှတ်ပီဟေကလူးနာ ဘုရားရှင်ကအမြင်ငါ မြင့်မြတ်ကလူးမယ်ဖြစ်ဟေ" ငါ့ကို င့ါလင်ကဟေ။
အပါနာယင် အဆန့်ကျင်ကလူး
(မာကု ၉:၃၈-၄၀)
49အိမ်မနောက်အာ ယောဟန်နာ "ကိုယ်တော် ၊ကိုယ်တော်ကအမိန်းငင်သုံးကို လူးရက်ကမားကား မကောင်းဆိုးဝါးရက်အင် ဆပြူတုန်းကလူးဟူးဝါ ငါ့ရက်လက်တက်ဟေ။ အိမ်မှလူးနာ ငါ့ရက်ကအဖွဲ့ဝင်အရိကတောင်း အိမ်မဒေအလိစ်ကဇိစ် အမင်တားမြစ်တက်ဟေ" ငါးဂို့ လျှောက်တင်လင်ကရပ် 50ကိုယ်တော်နာ အမာရက်အင် "အမင် အတားမြစ်ယေ့။ အဇာရိကို့အငါနဲ့ နနိန်ရက်အင် အဆန့်ကျင်ကားလူးနာ နနိန်ရက်အင် ကူညီအီကလူးမယ်ဖြစ်ဟေ" ငါးဂို့ ငှားလင်ကဟေ။
ဂျေရုဆလင်ငါ ကြွလင်ကား
51မှနောက်အာ ကိုယ်တော်နာ ရွှေမြို့တော်ဝါ လင်ပိုကဇိစ် အချိန်စေယိုဝန်နန်းဂါတောင်း ဂျေရုဆလင်မြို့ဝါ လင်ဂါဇီ သေချာဆုံးဖြတ်ချက် အဟြတ်လင်ဂါဟေ။ 52ကိုယ်တော်နာ အမာကရှေ့ယာကြိုတင်ကို့လင်ကဇိစ် တပည့်တော်တစ်ချို့ယင် ဖြောက်လင်ကဟေ။ အမာရက် ရှမာရိနယ်ယာက ထိန်ထိန်နာဆင်ကို့ ကိုယ်တော်ယေရူအိမ် တစ်ခြားလူးရက် တည်းခိုကဇိစ်အတွက် စီစဉ်ကို့အီဒက်လင်ကဟေ။ 53ညီးငါ့ဒင့်ယေ ထိန်ဆိမ်းရက်နာ ကိုယ်တော်ယေရူအိမ် အမာကတပည့်တော်ရက်အင် အမာရက်ကထိန်ငါက တည်းခိုကို့အတုန်းပိုပါ(လ်)ကားငါ့ကို ငြင်းလင်ကဟေ။ အဇာရိကို့အငါနဲ့ ကိုယ်တော်ယေရူသည် ဂျေရုဆလင်ငါ အခိုင်အမာဦးတည်ကို့ လင်တုန်းဟေကတောင်းဖြစ်ဟေ။ 54ယာကုပ်အိမ်ယောဟန်#9:54 ယာကုပ်အိမ် ယောဟန်ရက်နာ သာဝကတစ်ဆယ့်နှစ်ဦးထဲယာက ကိုယ်တော်ယေရူအိမ် အနီးစပ်ဆုံးလူးရက်ဖြစ်ဟေ။ရက်နာ အိမ်မှအဖြစ်ပျက်ရက်အင်ပိုကရပ် "ကိုယ်တော်၊ ငါ့ရက် အယင်ဟြတ်ကရပ် ပရောဖက်ဧလိယ#9:54 ဓမ္မရာဇဝင် စတုတ္ထစာစောင် ၁း၁၀-၁၂ လိစ်တက်ကဒေလေ ဘုရားရှင်ထနဲ့စိန်ကို့ အိမ်မှလူးရက်အင် ကောင်းဂါလက်အာဘင်း ဗန်(ဖ်)အဟြတ်ရ်စိမ့်ကို ပျက်စီးနက်ပိုကလဲ" ငါးဂို့ လျှောက်တင်လင်ကဟေ။ 55ညီးငါ့ဒင့်ယေ ကိုယ်တော်နာ အမာရက်ကဟိုက်နီးယာလှည့်ဂို့ ဆုံးမလင်ကဟေ#9:55 တစ်ချိူ့ ကျမ်းရက်အာ "နနိန်ရက်နာ အပါနာကစိတ်အင် အပါနာအချေးပါ(လ်)၊ လူ့သားတော်နာ လူးရက်ကအဆက်အင် ကတိုက်ကဇိစ် ဗန်(ဖ်)ဟေကအရိပါ(လ်)၊ ကယ်တင်ကဇိစ်မယ် ကြွဗန်(ဖ်)ကားဖြစ်ဟေ"ငါ့ကို ရေးပီဟေ။။ 56မှနောက်အာ အမာရက်ကလူးစုတ်ရက်နာ အယောက်ကထိန်ထိန်နာနား ပြုလင်ကဟေ။
တပည့်တော်ဖြစ်ကက်ကား ဆုံးဟူး
(မဿဲ ၈:၁၉-၂၂)
57ကိုယ်တော်အိမ်တပည့်တော်ရက် ဂျေရုဆလင်မြို့ဝါ လင်ကားလမ်းခရီးအာ လူးဟူးဝါနာ ကိုယ်တော်ထနဲ့ဗန်ကို့ "ကိုယ်တော် ငါနာကိုယ်တော်ကနောက်လိုက်တပည့် ဖြစ်ကက်ကို့ ကိုယ်တော်ကြွလင်ကနေရာတိုင်းငါ ငါယောနက်ကက်ဟေ"ငါ့ကို လျှောက်လင်ကရပ် 58ကိုယ်တော်နာ "ချေးဝါရက်က အိပ်ကဇမ် ဂြိုင်ငါဟေ၊ အူဆီရက်ကယေ့ အိပ်ကဇမ်း အထိုငါဟေ။ ညီးင့ဒင့်ယေ့ ငါလူ့သားတော်ကက(လ်) အိပ်ကဇိစ် ကိန်းဒင့်အငါပါ(လ်)" ငါးဂို့ ငှားလင်ကဟေ။ 59မှနောက်အာ ကိုယ်တော်နာ အယိုကလူးဟူးဝင် "ငါကအလိုဝါယောကို့ တပည့်လိစ်အင့်" ငါးဂို့ ငှားလင်ကဟေ။ ညီးငါ့ဒင့်ယေ အိမ်မားလူးနာ "ကိုယ်တော်၊ မလားကင့်မား ငင် ကိန်းငါပြန့်ကဇိစ် ခွင့်ပြုဝန်နက်နိမ့်။ အဗာ(ဖ်)ဆိမ်းကန့်ကရပ် အမင်သင်္ဂြိုဟ်ကျီးတောင်မယ် ကိုယ်တော်က တပည့်အဖြစ် အလိုဝါယောဝန်ကဟုန်း"ငါ့ကို လျှောက်တင်လင်ကဟေ။ 60ညီးငါ့ဒင့်ယေ ကိုယ်တော်နာ အမင် " ဘုရားရှင်က ပညတ်တရားယင် အလိုက်နာကလူးနာ ဆိန်းကလူးအိမ်တူဟေ။ ဆိန်းတုန်းနန်းကလူးရက်အင် ဆိန်းကျီးကန်းနန်းကားလူးရက်မယ် သင်္ဂြုဟ်လင်နူး(ဖ်)။ ညီးငါ့ဒင့်ယေ နင်က(လ်) ဘုရားရှင်ဂါသာသနာတော်အကြောင်းငင် လူးရက်ကမားလင်ကို့ ငါ့ဆနပ်အင်း" ငါးဂို့ ငှားလင်ကဟေ။ 61အယောက်ကဟူးဝါယေ့ "ကိုယ်တော် ကိုယ်တော်ကတပည့်အဖြစ် ကိုယ်တော်ကအလိုဝါယောကဇိစ် အဆင်သင့်ဖြစ်တုန်းနက်ဟေ။ ညီးငါ့ဒင့်ယေ့ အိမ်မဒေလေ ငါအလိစ်မိ ငါကကိန်းငါက မိသားစုရက်အိမ်ဆွေမျိုးရက်အင် ငါလင်ကဟေ့ငါဟေကင့် လင်ကို့ငါ့ဆနပ်ကဇိစ် ခွင့်ပြုဝန်"ငါ့ကို လျှောက်တင်လင်ကဟေ။ 62ညီးငါ့ဒင့်ယေ ကိုယ်တော်ယေရူနာ "လယ်ထွန်တုန်းဇမ်း အလိုဝါလှည့်ကို့ယူတုန်းနဲ့က(လ်) အမာကအလိစ်နာ ကျီးလင်ကအရိပါ(လ်)။ အိမ်မာဒေဟုန်း လူးဟူးဝါပါဆာနာ ငါကအလိုဝါ တပည့်အဖြစ်စကို့ယောကက်ကယေ့ အယောက်ကအူဇာဆူးဝါကအပေါ်ဝါ အာရုံလွဲတုန်းနဲ့က(လ်) အမာနာ ဘုရားရှင်ကသာသနာတော်ဝါ အဆုံးဆင်ကအလိစ်အင် လိစ်လင်လှုကအရိပါ(လ်)"ငါ့ကို ငါ့လင်ကဟေ။
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.