လုကာ 7
7
အခန်း (၇)
ရောမတပ်မှူးဟူးဝါကယုံကြည်ဟေကား
(မဿဲ ၈:၅-၁၃)
1မှနောက်အာ ကိုယ်တော်ယေရှုနာ လူထုပရိသတ်ရက်အင် တရားဟောဂို့ကျီးဂါရပ် ကပေရနောင်မြို့ဝါ ကြွလင်ကဟေ။ 2အိမ်မြို့ယာက ရောမတပ်မှူးဟူးဝါထနဲ့#7:2 စစ်ဆာအယောက်တစ်ရားယင် အုပ်ချူပ်ပိုဟေကား တပ်မူး အမှာတဗျင်းနှစ်သက်ကို့ တန်ဖိုးပီဟေက အစေခံဟူးဝါငါးဂို့ အိမ်မှအစေခံနာ အဆန်းကနာဂို့ ဆိန်းကရိတုန်းလင်ကဟေ။ 3အိမ်မှာတပ်မှူးနာ ကိုယ်တော်ယေရှုကသတင်းငင် တတ်ဟေကအချိန်ငါ အမာကအငှားဆာယင် ဗန်ကို့ဆီကုအီကဇိစ် ဂျူးလူမျိူးအကြီးအကဲတစ်ချိူ့ယင် ကိုယ်တော်ကမားဖြောက်ကို ဖိတ်ဇိစ်လင်ကဟေ။ 4အိမ်မားလူးရက်အ(လ်) ကိုယ်တော်ယေရူထနဲ့ဗန်ဂို့ အမာရက်အိမ်မက်တာယောကို့ အိမ်မှလူးယင်ကုအီကဇိစ် တောင်းပန်လင်ကဟေ။ အမာရက်နာ "မှတပ်မူးနာ ကိုယ်တော်ကအကူညီယင် ခံစားထိုက်ဟေကား လူးဖြစ်ဟေ။ 5အဇာရိကို့အငါနဲ့က(လ်) အမာနာ ငါရက်ကလူမျိူးရက်အင် မေတ္တာပီကတောင်း ငါရက်ကအတွက် ဓမ္မာရုံဆူးဝါယင် ပြုအီဒက်ကလူးယေ့ဖြစ်ဟေ"ငါ့ကို တောင်းပန်ကို့လျှောက်တင်လင်ကဟေ။ 6မှကြောင်း ကိုယ်တော်နာ အမာရက်အိမ်မက်တာယိုးလင်ကို တပ်မှူးကကိန်းအိမ် အစံကနေရာ ထုန်ဗာ(ဖ်)လင်ဂါရပ် တပ်မှူးနာ အမှာဂါမိတ်ဆွေအချိူ့ရက်အင်ဖြောင်ဂို့ ကိုယ်တော်ယင် "ကိုယ်တော် ၊ ငါကကိန်းငါ ကိုယ်တော်ကြွဗန်(ဖ်)ပိုဇာရောက်မှ အပါနာကအပါနာ ဒုက္ခအအီယေ့။ အဇာရိကို့အငါနဲ့ ကိုယ်တော် ငါကကိန်းငါ ကြွဗန်ကဇိစ် ငါနာ အထိုက်တန်ကတောင်းဖြစ်ဟေ"ငါ့ကို လျှောက်တင်ဇိစ်လင်ကဟေ။ 7အိမ်မှတောင်မာဒင့် ငါယေ့ ကိုယ်တော်ထနဲ့ ဗန်ဂို့ကဒိန်ကဇီစ်အတွက်ယေ့ အထိုက်တန်ပါ(လ်)။ အိမ်မှအစား ကိုယ်တော်တုန်းဟေကနေရာဘင်း အမိန့်အီနက်အန်ကအိမ်းဒင့် ငါ့ဂါ အငှားဆာက ရောဂါနာပျောက်ကလင်ငန်ကား။ 8အဇာရိကို့အငါနဲ့ ငါကိုယ်တိုင်ယေ့ အထက်အရာရှိကလက်အောက်အာ ငါကဒေလေ ငါကလက်အောက်အာယေ့ တပ်သားရက်ဘောင်းကို ငါနက်ဟေ။ ငါနာ တပ်သားဟူးဝါယင် "လင်"ငါ့နက်နဲ့က(လ်) အမာနာ လင်ပေါ်ကို "ဗန်(ဖ်)"င့ါနက်နဲ့အ(လ်) အမာနာ ဗန်(ဖ်)ပေါ်ဟေ။ ငါက အငှားဆာရက်အင်ယေ့ "မှလိစ်အင်း"ငါ့နက်နဲ့က(လ်) အမာရက်လိစ်ပေါ်ဟေ"ငါ့ကို လျှောက်တင်လင်ကဟေ။ 9ကိုယ်တော်ယေရူနာ အိမ်မှတူးဝါတပ်ဟေကားခါ အံ့ဩကလင်ကို အလိုဝါယောဝန်ကလူးရက်အင် လှည့်ယူကို "နနိန်ရက်အင် ငါပြိစ်ဝန်ကား အစ္စရေးလူမျိုးရက်ကအထဲယာ အတတ်ကဒေလေ ယုံကြည်မူပြောင်ဟေကားလူးဝင် ငါအပေါ်ဟာနိမ်ပါ(လ်)"ငါ့ကို င့ါလင်ကဟေ။ 10တပ်မှူးက မိတ်ဆွေရက်အ(လ်) ကိန်းငါပြန့်ကို ထုန်ဗာ(ဖ်)လင်ကရပ် တပ်မူကအငှားဆာစာ ဟာပိုဆာငင်နန်းကား ပေါ်လင်ကဟေ။
ကိုယ်တော်ယေရူစာ မုဆိုးမဟူးဝါဂါးအဆာယင် အဆက်ပြန့်ဂို့ဆိမ်းဇိစ်ဂါ
11အယောက်ယက်တာ ကိုယ်တော်ယေရူနာ တပည့်တော်ရက်အိမ်မတ်တာ နာဣနငါ့ကိုအော်ဟေကမြို့ဝါ ကြွလင်ကရပ် လူထုပရိသတ်ရက်ယေ့ ကိုယ်တော်ကအလိုဝါယိုးဝန်ကဟေ။ 12မြို့ဝင်ပေါက်အနားဆာ ထုန်ဟေကားအခါ လူးဆိန်းဟေကားအလောင်းငင် သင်္ဂြိုလ်ကဇိစ် လူးတစ်စုနာ အလောင်းစင်ယင်ဖေ့ကို မြို့အပြင်ငါဆပြုလာကန်းကဟေ။ ဆိန်းကလူးနာ မုဆိုးမဟူးဝါက တစ်ဦးတည်းကအဆာဖြစ်ကို မြို့သူမြို့သားရက်အ(လ်) အိမ်မာတာဆာလောင်အိမ်မက်တာ ဆိန်းကလူးဝင် သင်္ဂြုလ်ကဇိစ် ပါ(လ်)ကယောဝန်လင်ကဟေ။ 13ကိုယ်တော်နာ အိမ်မုဆိုးမအင်ပိုဟေကားအခါ မှတာဆာလောင်ယင် အစိုင်းမိဆာဂရုဏာဆင်ဂို့ "အဟြက်ယေ့" ငါးဂို့ ငှားလင်ကဟေ။ 14မှနောက်အာ ကိုယ်တော်နာ လူးရက်လာကန်းကား အလောင်းစင်အနားဆာ ကြွလင်ကို အလောင်းစင်ယင် တာဟူးအိမ်တိုးလင်ကဟေ။ အလောင်းစင်ငင်ဖေ့လာကန်းလူးရက်အ(လ်) တန့်အီနက်ကရပ် ကိုယ်တော်နာ "လူးဆာ၊ နင်ငင် ငါ ငါ့ဆနပ်အန်ကား။ ရိန်အင်ဒက်" ငါးဂို့ ငှားလင်ကဟေ။ 15အိမ်မားအခါ ဆိန်းတူးကလူးနာ ရိတုန်းကို စကိုတူးပြိစ်လင်ကဟေ။ ကိုယ်တော်ယဲ့ အမင်ယင် အနူ(ဖ်)ကမား ပြန်ကိုအက်လင်ကဟေ။ 16လူးအပေါင်းရက်အ(လ်) တဗျင်းအံ့ဩကလင်ဂို့ "ငါရက်ကကြားထဲယာ မြင့်မြတ်ဟေကား ပရောဖက်တစ်ပါး ပေါ်ထွန်းယောဝန်နန်း။ ဘုရားရှင်နာ ငါရက်အင် စောင့်ရှောက်အင်နန်း"ငါ့ကို ဘုရားရှင်ငင် ချီးမွမ်းလင်ကဟေ။ 17ကိုယ်တော်အိမ်ပတ်သက်ဟေကား မှဂုဏ်သတင်းရက်အ(လ်) ယုဒပြည် တစ်ခွင့်လုံးအိမ် အနီးအနား ပတ်ဝန်းကျင်ဒေသစုတ်ရက်အာ ပျံ့နှံ့လင်ကဟေ။
အိန်းမြှုပ်မင်္ဂလာဆရာယောဟန်ကအကြောင်းငင် ငါဟေကား
(မဿဲ ၁၁:၂-၁၉)
18မှနောက်အာ အိန်းမြှုပ်မင်္ဂလာဆရာယောဟန် ထောင်ငါဟြန်(ရ်)တုန်းကရပ် အမာကတပည့်ရက်စာ အိမ်မှအကြောင်းအရာစုတ်ရက်အင် အမာဇိစ် ငါ့ဆနပ်လင်ကို့ ယောဟန်နာ အမာက တပည့်နိန်ဟူးဝင်အော်ကို 19အမာရက်အင် ကိုယ်တော်ကမားဖြောက်ကို့ "ကိုယ်တော်နာ ငါရက်မျှော်လင့်စောင့်စားတုန်းဟေကား မေရှိယအရှင်ဖြစ်ဟေလေ့၊ အရိနဲ့ ငါ့ရက် အယောက်ကလူးဟူးဝင် စောင့်ပေါ်နိမ့်ကလည်း" ငါးဂို့ ကတာဇိစ်လင်ကဟေ။ 20အိမ်မှလူးရက်အ(လ်) ကိုယ်တော်ယေရှုဂါမားထုန်ဗာ(ဖ်)ကရပ် ကိုယ်တော်ယင် "အိန်းမြှုပ်မင်္ဂလာဆရာယောဟန်နာ ငါရက်အင် ကိုယ်တော်ကမားဖြောက်ကို 'ကိုယ်တော်နာ ငါရက်မျှော်လင့်စောင့်စားတုန်းဟေကား မေရှိယအရှင်ဖြစ်ဟေလေ အရိနဲ့ ငါရက်အယောက်ကားဟူးဝါစောင့်ပိုဂါလေငါ့ကို ကတာဇိစ်နက်အန်ဟေ"ငါ့ကို လျှောက်တင်လင်ကဟေ။ 21အိမ်မှအချိန်ငါ ကိုယ်တော်ယေရှုနာ အဆန်ကနာကလူးရက်အင် ဟာပိုဆာငါ့ဇိစ်ကို မကောင်းဆိုးဝါပူးကပ်တုန်းကလူးရက်ကမားက မကောင်းဆိုးဝါးရက်အင်ယေ့ ကတောက်ကိုအီကတောင်မှာဒင့် မိတ်ကြည်ရက်အင်ယေ့ အမိတ်ပေါ်မနီး ကုအီတုန်းလင်ကဟေ။ 22ကိုယ်တော်ယေ့ ယောဟန်ဂါတပည့်တော်ရက်အင် "နနိန်ရက်ပိုဟေကား တတ်ဟေကား အူဇာရက်အင်၊ ယောဟန်ဇိစ် လင်ဂို့ငှားဆနပ်အာ။ အမိတ်အပိုကလူးနာ အတတ်အမိတ်ပိုဂို့။ အတားအကာမှတ်ကားလူးရက်အ(လ်) လမ်းလျှောက်ဂို့။ အမန်ရောဂါသည်ရက်အ(လ်) ပျောက်ကပ်ဂို့။ အကာနားအတတ်ကလူးယေ့ အကာနား တတ်ကဟေ။ ဆိန်းဟေကားလူးယေ့ ပြန်းဂို့ဆိမ်ယောဝန်ဂို့။ ဆင်းရဲဆာရက်အ(လ်) သတင်းကောင်းရက်အင် တတ်အင်ပေါ်နန်း။ 23ငင် အပြည့်ဝယုံကြည်ကလူးရက်နာ ဘုရားရှင်က ကောင်းချီးမင်္ဂလာအီက ဟင်းလင်ပိုကား" ငါးဂို့ ငှားလင်ကဟေ။ 24ယောဟန်က တပည့်ရက်ပြန်လင်ဂါရပ် ရေနှစ်မင်္ဂလာဆရာယောဟန်ကအကြောင်းငင် လူထုပရိသတ်ရက်ဇိစ် ကိုယ်တော်ငါ့ဆနပ်ဟေကားနာ "မလိမ်းကန္တာရထဲယာလင်ဂို့ အဇာရက်အင် ယူဂါဇီလင်ဂါယာ။ မုန်ယက်ကဟိုက်နီးယာ ယိမ်းတုန်းဟေကား ကျူဖင်းငင်ပိုကက်ကို့လဲ။ 25မဒေဖြစ်နဲ့က(လ်) နနိန်ရက် အဇာပိုကက်ကို့ အိမ်မှအရပ်အာလင်ကယား။ အဝတ်မီတူတုန်းကလူးရက်အင် ပိုကက်ကိုလဲ။ အိမ်မဒလေအရိနဲ့ အဝတ်စားမီတူကို့ စည်းစိမ်အပြည့်ခံစားတုန်းကလူးရက်အင် ဘုရင်ကနန်းတော်ထဲယာ ပေါ်လင်ကား။ 26မဒေဖြစ်နဲ့က(လ်) အဆာမီကပုဂ္ဂိုလ်မျိူးယင် ပိုကက်ကို နနိန်ရက်လင်ဟေကယား။ ယောဟန်နာ ပရောဖက်တစ်ပါးဖြစ်ဟေကတောင်း နနိန်ရက်နာ အမင်ပိုကက်ကိုလဲ။ မှန်နက်ဟေ။ ညီးငါ့ဒင့်ယေ နနိန်ရက်အင် ငါပြိစ်ကက်ကနာ ယောဟန်နာ သာမန်ပရောဖက်တစ်ပါး တောင်မာဒင့် ပြောင်ဟေကလူးဖြစ်ဟေ။ 27အဇာရိကို့အငါနဲ့က(လ်) အယင်ဟိုက်ကရပ်ကားပရောဖက်တစ်ပါးစာ ယောဟန်ကအကြောင်းငင် ရေးပီးကနာ "ဘုရားရှင်နာ မေရှိယယင် အတတ်ကဒေလေငါ့လင်ကဟေ။ အိမ်မှတူးရက်နာ
"#7:27 မာလခိကျမ်း ၃း၁-၁၂နင်ငင် အဖြောက်မီ ငါနာ ငါကစေတမန်ယင် မလားကင့်မှဖြောက်နက်အန်ကား။
အမာနာ နင်ကလမ်းငင် ပြင်ဆင်အီလင်ကား"
ငါ့ကို ဖြစ်ဟေ။
28မှအကြောင့် နနိန်ရက်အင် ငါပြိစ်ယန်ကား။ တာဆာလောင်ရက်အာဘင်း ကေဟေကားလူးရက်ထဲယာက ယောဟန်တောင်မာ ပြောင်ကလူးဟူးဝါယဲ့ အငါပါ(လ်)။ ညီးင့ဒင့်ယဲ့ ဘုရားရှင်ကသာသနာတော်ထဲယာက အရေးအပါကလူးဒင့် ယောဟန်တောင်မား ပြောင်ဟေ"ငါ့ကို င့ါလင်ကဟေ။ 29အိမ်မှတူး(ဖ်)ဝင် တတ်ဟေကရပ် အခွန်ကလိစ်ဟေကားလူးရက်အာဘင်းစကို လူးရက်နာ ယောဟန်ထနဲ့ အိန်းမြှုပ်မင်္ဂလာလာဒက်ကတောင်း ဘုရားရှင်နာ ဖြောင့်မတ်ဟေကအကြောင်းငင် ဝန်ခံလင်ကဟေ။။ 30ညီးင့ဒင့်ယဲ့ ဖာရိရှဲရက်အိမ် ကျမ်းတတ်ဆရာရက်နာ ယောဟန်ထနဲ့က အိန်းမြှုပ်မင်္ဂလာအလာဒက်ကို့ အမာရက်ကအတွက် ဘုရားရှင် ကြံစည်ပီးဟေကားအလိစ်ရက်အင် ငြင်းလင်ကဟေ။
တုံ့ပြန်ကား အလိစ်ကမျိူးဆက်
31မှနောက်အာ ကိုယ်တော်နာ ဆက်လက်ကို "အတတ်ကခေတ်ကာလကလူးရက်ဖြစ်ဟေကား နနိန်ရက်နာ အဇာအိမ်တူဟေယား၊ အဇာအိမ်ခိုင်းနိူင်းဆနပ်ပိုကယားငါ့နဲ့က(လ်) 32နနိန်ရက်နာ ဈေးအရပ်အာတုန်းကို့
'ငါရက် တီးမူတ်ဆနပ်တုန်းကယဲ့
နနိန်ရက်ဇာတ်အဆပါ(လ်)။
ငါရက် ဝမ်းနည်းကမီဟေက အတေးဟြရ်ငင် ဆိုဆနပ်ကယဲ့
နနိန်ရက်အဟြရ်ပါ(လ်)'
ငါ့ကို ဟူးဝါအိမ်ဟူးဝါ ဟော်ကို ပြိစ်တုန်းကမန်ဆာရက်အိမ်တူဟေ။
33ယောဟန်နာ အစာယေ့အဆာထမ်း#7:33 တာလုံးကအိန်းအိမ် ကျိုင်းကောင်းငင်မယ် ဆာဟေ။၊ မလိပ့်ဇိစ်ဟေကားဝိုင်ယင်ယဲ့ အအူထမ်း လင်တုန်းဟေကားပိုကို့ "ယောဟန်နာ မကောင်းဆိုးဝါး ပူးကပ်တူးကလူး"င့ါကို နနိန်ရက်ငါ့တုန်းဟေ။ 34မှတောင်မှဒင့် လူ့သားတော်နာ ဗန်ကို့ ဆာကိုတုန်းကယဲ့ နနိန်ရက်နာ ယေရူနာ အစားကြူဟေကလူးဖြစ်ကို အခွန်ကလိစ်ဟေကလူးရက်၊ အပြစ်ဒုစရိုက်သမားရက်အိမ် အဖက်တုံကို အမာရက်အိမ်မက်တာ ဆာအူတုန်းဟေ"ငါ့ကိုယေ့ ငင့်ပီနန်း။ 35ညီးင့ဒင့်ယေ့ ဘုရားရှင်ကဉာဏ်ပညာယင် လိုက်နာကျင့်သုံးဟေကလူးရက်နာ ဘုရားရှင်ကဉာဏ်ပညာနာ မှန်ကန်ကြောင်းငင် သက်သေဆနပ်တုန်းကဖြစ်ဟေ"ငါ့ကို ငါ့လင်ကဟေ။
ကိုယ်တော်ယေရူစာ အပြစ်ငါးဟေကတဆာလောင်ငင် ခွင့်လွှတ်အီးဟေက
36ကျီးကအိမ် ရှိမုန်ငါ့ကိုအော်ဟောကား ဖာရိရှဲဟူးဝါစာ ကိုယ်တော်ယေရူယင် အမာကကိန်းငါ ပုတ်ဆာကဇိစ် ဖိတ်လင်ကဟေ။ မှအကြောင့် ကိုယ်တော်စာ အိမ်မလူးက ကိန်းငါကြွလင်ကို နက်တိုက်ပုတ်ဆာကဇိစ် စာပွဲယာ တုန်းလင်ကဟေ။ 37အိမ်မမြို့ဝါ အပြစ်ငါဟေကား တဆလောင်ဟူးဝါး ငါ့လင်ကဟေ။ အမာနာ ဖာရိရှဲကိန်းငါ ကိုယ်တော်ယေရူ နက်တတ်ပုတ်ဆာတုန်းဟေကား တတ်ပိုကရပ် ဇီးပြောင်ဟေကား ဆီမွှေးထည့်ပီးက ကျောက်ဖြူအိမ်လိစ်ပီဟေကား ပုလင်းတစ်လုံးငင်လာကို အိမ်မာနေရာယာ ဗန်(ဖ်)လင်ကဟေ။ 38မှနောက်အာ အမှာနာ ကိုယ်တော်ဂါ အလိုဝါဗန်(ဖ်)ကိုစက်ကို့ အတာရင်းငါတုန်းဟြက်ကိုး အမှာဂာား အမာအိန်းအိမ် ကိုယ်တော်က အတာအကျီးဇိစ်ကို အမာကအဟူးဖုံးငါက အဟူးမိအိမ်ပွတ်အီဂို့ ဆာကာဇိစ်လင်ကဟေ။ ကျီးကအိမ် ကိုယ်တော်က အတာနိန်ဖက်အင် အတိ(လ်)နက်ကို ဆီမွှေးအိမ် ပွတ်လင်ကဟေ။
39ကိုယ်တော်ငင် ပင့်ဖိတ်ဟေကား ဖာရိရှဲနာ ပိုကအခါ "မှလူနာ ပရောဖက်မှန်နဲ့က(လ်) အမင်ထိတုန်းက တာဆလောင်နာ အဆီတာဆာလောင်ယား ငှားဟေက ချေးသင့်ဟေ။ အဇာရိကို့အငါနဲ့ မှတာဆာလောင်နာ အပြစ်ငါဟေကလူးဖြစ်ဟေ"ငါ့ကို အမာက စိတ်ထဲယာတွေးတုန်းလင်ဂါဟေ။
40ကိုယ်တော်ယေရူယေ့ ဖာရိရှဲယင် "ရှိမုန် ၊နင်ငင် ငါ့ဆနပ်က တူးအက်တာငါဟေ"ငါ့နက်ကရပ် ရှိမုန်နာ "ငန်း၊ ကိုယ်တော်"ငါ့ကို လျှောက်တင်လင်ကဟေ။ 41မှအကြောင့်အိမ် ကိုယ်တော်ယေ့ "တင်္ဂါချေးကလူးဟူးဝါထနဲ့ လူးနိန်ဟူးနာ တင်္ဂါချေးလင်ကဟေ။ ဟူးဝါက(လ်) ဒေနာရီဒင်္ဂါးငါးရာ#7:41 အိမ်မှခေတ်အာ ဒေနာရီဒင်္ဂါးတစ်ပြားနာ နေ့စားအလုပ်သမားဟူးဝါက ယက်တာစာလုပ်အားခအိမ် ညီးမျှဟေကား တင်္ဂါပမာဏာဖြစ်ဟေ။ အယောက်ကဟူးဝါက(လ်) ဒေနာရီဒင်္ဂါငါးဆယ် အကြွေးတင်လင်ကဟေ။ 42မှနောက်အာ အမာရက်နာ အကြွေးရှင်ငင် ပြန်ကိုအဆပ်လူးနန်းကရပ် အကြွေးရှင်နာ အိမ်မားနိန်းဟူးယင် " အကြွေးယင်ပြန်ကို့ဆပ်ကအစိုးနန်းကအကြောင်းငင် ငါ့နက်နဲ့က(လ်) အိမ်မှနှစ်ဟူးထဲယာက အယူက(လ်) အကြွေးရှင်ယင် ပိုကိုကျေးဇူးတင်ငန်းကယား" ငါ့ကို ကတာလင်ကဟေ။ 43အိမ်မှကရပ် ရှိမုန်ယေ့ "ပိုကို ချေးပီကလူးနာ ပိုကိုကျေးဇူးတင်လင်ကား"ငါ့ကို လျှောက်တင်လင်ကဟေ။ ကိုယ်တော်ယေရူယေ " နင်ကငါ့ဟေကနာ မှန်နက်ဟေ"ငါ့ကို ငါ့လင်ကဟေ။ 44အိမ်မှနောက်အာ ကိုယ်တော်နာ အိမ်မှတာဆလောင်က ဟိုက်နီးယာလှည့်ဂို့ ရှိမုန်ငင် "မှတဆလောင်ငင်ပိုဟေလဲ။ နင်ဂါကိန်းငါ ကြွယောဝန်ကရပ် နင်နာ ငင်ကြိုဆိုဂါအတွက် အတာကဇမ်းဂါ အိန်းအအီကယေ့ မှတဆာလောင်နာ ငါဂါ အတာရက်အင် အမာဂါအမိ(လ်)အိန်းအိမ် ကဇမ်းအီကို အမာကအဟူးမိန်အိမ် ဆာကာဇာရောက်မှပွတ်အီဟေ။ 45အိမ်မှတောင်မာဒင့် ငါဗန်(ဖ်)ကရပ်အ(လ်) နင်နာ ငင်အတိ(လ်)ကို အကြိုဆိုဒက်ပါ(လ်)။ ညီးင့ဒင့်ယဲ့ မှတဆာလောင်နာ ငါဂါအတာ အဆက်မပြတ်အတိန်ဒက်ဟေ။ 46နင်နာ ငါကအဟူးငင် သံလွင်ဆားအိမ်လိမ်းကို အအီဒက်ကယေ့ မှတာဆလောင်က(လ်) တဗျင်းတန်ဖိုးပြောင်ဟေက ဆီမွှေးအိမ် ငါကအတာ လိမ်းကိုအီဒက်ဟေ။ 47မှဒေရိဂိုး နင်ငင် ငါငါ့ကက်ကနာ မှတဆာလောင်ဂါ အပြစ်လိစ်ပီးဟေကား အပြစ်မွတ်မွတ်အင် ခွင့်လွတ်ကားဟင်းပိုကစာ အမာက ချစ်ခြင်းမိတ္တာကြီးမားကိုဖြစ်ဟေ။ အိမ်မဒေလေဟုန်း စီဆာ ခွင့်လွှတ်ကားဟင်းပိုလူးနာ စီဆာမေချစ်ခြင်းမေတ္တာ ဆနပ်လင်ကား" ငါးဂို့ ငှားလင်ကဟေ။ 48မှနောက်အာ ကိုယ်တော်နာ အိမ်မားတာဆလောင်ငင် "နင်ဂါ အပြစ်ရက်အင် ခွင့်လွတ်အင်နန်း" ငါးဂို့ ငှားလင်ကဟေ။ 49အိမ်မာကရပ် ကိုယ်တော်အိမ်မက်တာ စားပွဲခုံငါတုန်းတုန်းက အယိုးကားလူးရက်နာ "အပြစ်အင်ဒင့် ခွင့်လွတ်လှုဟေငါ့တုန်းကအတွက် မှလူးနာအယူဝါး" ငါးဂို့ အချင်းချင်းငါ့တုန်းလင်ကဟေ။ 50ညီးင့ဒင့်ယဲ့ ကိုယ်တော်ယေရှုနာ အိမ်မှတာဆလောင်ငင် "နင်ကယုံကြည်ကစာ နင်ငင် ကယ်တင်ငန်ဂါးဖြစ်ဟေ။ စိတ်ချမ်းချမ်းသာသာအိမ် လင်ဒက်"ငါ့ကို ငှားလင်ကဟေ။
Kasalukuyang Napili:
လုကာ 7: CKH
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 7
7
အခန်း (၇)
ရောမတပ်မှူးဟူးဝါကယုံကြည်ဟေကား
(မဿဲ ၈:၅-၁၃)
1မှနောက်အာ ကိုယ်တော်ယေရှုနာ လူထုပရိသတ်ရက်အင် တရားဟောဂို့ကျီးဂါရပ် ကပေရနောင်မြို့ဝါ ကြွလင်ကဟေ။ 2အိမ်မြို့ယာက ရောမတပ်မှူးဟူးဝါထနဲ့#7:2 စစ်ဆာအယောက်တစ်ရားယင် အုပ်ချူပ်ပိုဟေကား တပ်မူး အမှာတဗျင်းနှစ်သက်ကို့ တန်ဖိုးပီဟေက အစေခံဟူးဝါငါးဂို့ အိမ်မှအစေခံနာ အဆန်းကနာဂို့ ဆိန်းကရိတုန်းလင်ကဟေ။ 3အိမ်မှာတပ်မှူးနာ ကိုယ်တော်ယေရှုကသတင်းငင် တတ်ဟေကအချိန်ငါ အမာကအငှားဆာယင် ဗန်ကို့ဆီကုအီကဇိစ် ဂျူးလူမျိူးအကြီးအကဲတစ်ချိူ့ယင် ကိုယ်တော်ကမားဖြောက်ကို ဖိတ်ဇိစ်လင်ကဟေ။ 4အိမ်မားလူးရက်အ(လ်) ကိုယ်တော်ယေရူထနဲ့ဗန်ဂို့ အမာရက်အိမ်မက်တာယောကို့ အိမ်မှလူးယင်ကုအီကဇိစ် တောင်းပန်လင်ကဟေ။ အမာရက်နာ "မှတပ်မူးနာ ကိုယ်တော်ကအကူညီယင် ခံစားထိုက်ဟေကား လူးဖြစ်ဟေ။ 5အဇာရိကို့အငါနဲ့က(လ်) အမာနာ ငါရက်ကလူမျိူးရက်အင် မေတ္တာပီကတောင်း ငါရက်ကအတွက် ဓမ္မာရုံဆူးဝါယင် ပြုအီဒက်ကလူးယေ့ဖြစ်ဟေ"ငါ့ကို တောင်းပန်ကို့လျှောက်တင်လင်ကဟေ။ 6မှကြောင်း ကိုယ်တော်နာ အမာရက်အိမ်မက်တာယိုးလင်ကို တပ်မှူးကကိန်းအိမ် အစံကနေရာ ထုန်ဗာ(ဖ်)လင်ဂါရပ် တပ်မှူးနာ အမှာဂါမိတ်ဆွေအချိူ့ရက်အင်ဖြောင်ဂို့ ကိုယ်တော်ယင် "ကိုယ်တော် ၊ ငါကကိန်းငါ ကိုယ်တော်ကြွဗန်(ဖ်)ပိုဇာရောက်မှ အပါနာကအပါနာ ဒုက္ခအအီယေ့။ အဇာရိကို့အငါနဲ့ ကိုယ်တော် ငါကကိန်းငါ ကြွဗန်ကဇိစ် ငါနာ အထိုက်တန်ကတောင်းဖြစ်ဟေ"ငါ့ကို လျှောက်တင်ဇိစ်လင်ကဟေ။ 7အိမ်မှတောင်မာဒင့် ငါယေ့ ကိုယ်တော်ထနဲ့ ဗန်ဂို့ကဒိန်ကဇီစ်အတွက်ယေ့ အထိုက်တန်ပါ(လ်)။ အိမ်မှအစား ကိုယ်တော်တုန်းဟေကနေရာဘင်း အမိန့်အီနက်အန်ကအိမ်းဒင့် ငါ့ဂါ အငှားဆာက ရောဂါနာပျောက်ကလင်ငန်ကား။ 8အဇာရိကို့အငါနဲ့ ငါကိုယ်တိုင်ယေ့ အထက်အရာရှိကလက်အောက်အာ ငါကဒေလေ ငါကလက်အောက်အာယေ့ တပ်သားရက်ဘောင်းကို ငါနက်ဟေ။ ငါနာ တပ်သားဟူးဝါယင် "လင်"ငါ့နက်နဲ့က(လ်) အမာနာ လင်ပေါ်ကို "ဗန်(ဖ်)"င့ါနက်နဲ့အ(လ်) အမာနာ ဗန်(ဖ်)ပေါ်ဟေ။ ငါက အငှားဆာရက်အင်ယေ့ "မှလိစ်အင်း"ငါ့နက်နဲ့က(လ်) အမာရက်လိစ်ပေါ်ဟေ"ငါ့ကို လျှောက်တင်လင်ကဟေ။ 9ကိုယ်တော်ယေရူနာ အိမ်မှတူးဝါတပ်ဟေကားခါ အံ့ဩကလင်ကို အလိုဝါယောဝန်ကလူးရက်အင် လှည့်ယူကို "နနိန်ရက်အင် ငါပြိစ်ဝန်ကား အစ္စရေးလူမျိုးရက်ကအထဲယာ အတတ်ကဒေလေ ယုံကြည်မူပြောင်ဟေကားလူးဝင် ငါအပေါ်ဟာနိမ်ပါ(လ်)"ငါ့ကို င့ါလင်ကဟေ။ 10တပ်မှူးက မိတ်ဆွေရက်အ(လ်) ကိန်းငါပြန့်ကို ထုန်ဗာ(ဖ်)လင်ကရပ် တပ်မူကအငှားဆာစာ ဟာပိုဆာငင်နန်းကား ပေါ်လင်ကဟေ။
ကိုယ်တော်ယေရူစာ မုဆိုးမဟူးဝါဂါးအဆာယင် အဆက်ပြန့်ဂို့ဆိမ်းဇိစ်ဂါ
11အယောက်ယက်တာ ကိုယ်တော်ယေရူနာ တပည့်တော်ရက်အိမ်မတ်တာ နာဣနငါ့ကိုအော်ဟေကမြို့ဝါ ကြွလင်ကရပ် လူထုပရိသတ်ရက်ယေ့ ကိုယ်တော်ကအလိုဝါယိုးဝန်ကဟေ။ 12မြို့ဝင်ပေါက်အနားဆာ ထုန်ဟေကားအခါ လူးဆိန်းဟေကားအလောင်းငင် သင်္ဂြိုလ်ကဇိစ် လူးတစ်စုနာ အလောင်းစင်ယင်ဖေ့ကို မြို့အပြင်ငါဆပြုလာကန်းကဟေ။ ဆိန်းကလူးနာ မုဆိုးမဟူးဝါက တစ်ဦးတည်းကအဆာဖြစ်ကို မြို့သူမြို့သားရက်အ(လ်) အိမ်မာတာဆာလောင်အိမ်မက်တာ ဆိန်းကလူးဝင် သင်္ဂြုလ်ကဇိစ် ပါ(လ်)ကယောဝန်လင်ကဟေ။ 13ကိုယ်တော်နာ အိမ်မုဆိုးမအင်ပိုဟေကားအခါ မှတာဆာလောင်ယင် အစိုင်းမိဆာဂရုဏာဆင်ဂို့ "အဟြက်ယေ့" ငါးဂို့ ငှားလင်ကဟေ။ 14မှနောက်အာ ကိုယ်တော်နာ လူးရက်လာကန်းကား အလောင်းစင်အနားဆာ ကြွလင်ကို အလောင်းစင်ယင် တာဟူးအိမ်တိုးလင်ကဟေ။ အလောင်းစင်ငင်ဖေ့လာကန်းလူးရက်အ(လ်) တန့်အီနက်ကရပ် ကိုယ်တော်နာ "လူးဆာ၊ နင်ငင် ငါ ငါ့ဆနပ်အန်ကား။ ရိန်အင်ဒက်" ငါးဂို့ ငှားလင်ကဟေ။ 15အိမ်မားအခါ ဆိန်းတူးကလူးနာ ရိတုန်းကို စကိုတူးပြိစ်လင်ကဟေ။ ကိုယ်တော်ယဲ့ အမင်ယင် အနူ(ဖ်)ကမား ပြန်ကိုအက်လင်ကဟေ။ 16လူးအပေါင်းရက်အ(လ်) တဗျင်းအံ့ဩကလင်ဂို့ "ငါရက်ကကြားထဲယာ မြင့်မြတ်ဟေကား ပရောဖက်တစ်ပါး ပေါ်ထွန်းယောဝန်နန်း။ ဘုရားရှင်နာ ငါရက်အင် စောင့်ရှောက်အင်နန်း"ငါ့ကို ဘုရားရှင်ငင် ချီးမွမ်းလင်ကဟေ။ 17ကိုယ်တော်အိမ်ပတ်သက်ဟေကား မှဂုဏ်သတင်းရက်အ(လ်) ယုဒပြည် တစ်ခွင့်လုံးအိမ် အနီးအနား ပတ်ဝန်းကျင်ဒေသစုတ်ရက်အာ ပျံ့နှံ့လင်ကဟေ။
အိန်းမြှုပ်မင်္ဂလာဆရာယောဟန်ကအကြောင်းငင် ငါဟေကား
(မဿဲ ၁၁:၂-၁၉)
18မှနောက်အာ အိန်းမြှုပ်မင်္ဂလာဆရာယောဟန် ထောင်ငါဟြန်(ရ်)တုန်းကရပ် အမာကတပည့်ရက်စာ အိမ်မှအကြောင်းအရာစုတ်ရက်အင် အမာဇိစ် ငါ့ဆနပ်လင်ကို့ ယောဟန်နာ အမာက တပည့်နိန်ဟူးဝင်အော်ကို 19အမာရက်အင် ကိုယ်တော်ကမားဖြောက်ကို့ "ကိုယ်တော်နာ ငါရက်မျှော်လင့်စောင့်စားတုန်းဟေကား မေရှိယအရှင်ဖြစ်ဟေလေ့၊ အရိနဲ့ ငါ့ရက် အယောက်ကလူးဟူးဝင် စောင့်ပေါ်နိမ့်ကလည်း" ငါးဂို့ ကတာဇိစ်လင်ကဟေ။ 20အိမ်မှလူးရက်အ(လ်) ကိုယ်တော်ယေရှုဂါမားထုန်ဗာ(ဖ်)ကရပ် ကိုယ်တော်ယင် "အိန်းမြှုပ်မင်္ဂလာဆရာယောဟန်နာ ငါရက်အင် ကိုယ်တော်ကမားဖြောက်ကို 'ကိုယ်တော်နာ ငါရက်မျှော်လင့်စောင့်စားတုန်းဟေကား မေရှိယအရှင်ဖြစ်ဟေလေ အရိနဲ့ ငါရက်အယောက်ကားဟူးဝါစောင့်ပိုဂါလေငါ့ကို ကတာဇိစ်နက်အန်ဟေ"ငါ့ကို လျှောက်တင်လင်ကဟေ။ 21အိမ်မှအချိန်ငါ ကိုယ်တော်ယေရှုနာ အဆန်ကနာကလူးရက်အင် ဟာပိုဆာငါ့ဇိစ်ကို မကောင်းဆိုးဝါပူးကပ်တုန်းကလူးရက်ကမားက မကောင်းဆိုးဝါးရက်အင်ယေ့ ကတောက်ကိုအီကတောင်မှာဒင့် မိတ်ကြည်ရက်အင်ယေ့ အမိတ်ပေါ်မနီး ကုအီတုန်းလင်ကဟေ။ 22ကိုယ်တော်ယေ့ ယောဟန်ဂါတပည့်တော်ရက်အင် "နနိန်ရက်ပိုဟေကား တတ်ဟေကား အူဇာရက်အင်၊ ယောဟန်ဇိစ် လင်ဂို့ငှားဆနပ်အာ။ အမိတ်အပိုကလူးနာ အတတ်အမိတ်ပိုဂို့။ အတားအကာမှတ်ကားလူးရက်အ(လ်) လမ်းလျှောက်ဂို့။ အမန်ရောဂါသည်ရက်အ(လ်) ပျောက်ကပ်ဂို့။ အကာနားအတတ်ကလူးယေ့ အကာနား တတ်ကဟေ။ ဆိန်းဟေကားလူးယေ့ ပြန်းဂို့ဆိမ်ယောဝန်ဂို့။ ဆင်းရဲဆာရက်အ(လ်) သတင်းကောင်းရက်အင် တတ်အင်ပေါ်နန်း။ 23ငင် အပြည့်ဝယုံကြည်ကလူးရက်နာ ဘုရားရှင်က ကောင်းချီးမင်္ဂလာအီက ဟင်းလင်ပိုကား" ငါးဂို့ ငှားလင်ကဟေ။ 24ယောဟန်က တပည့်ရက်ပြန်လင်ဂါရပ် ရေနှစ်မင်္ဂလာဆရာယောဟန်ကအကြောင်းငင် လူထုပရိသတ်ရက်ဇိစ် ကိုယ်တော်ငါ့ဆနပ်ဟေကားနာ "မလိမ်းကန္တာရထဲယာလင်ဂို့ အဇာရက်အင် ယူဂါဇီလင်ဂါယာ။ မုန်ယက်ကဟိုက်နီးယာ ယိမ်းတုန်းဟေကား ကျူဖင်းငင်ပိုကက်ကို့လဲ။ 25မဒေဖြစ်နဲ့က(လ်) နနိန်ရက် အဇာပိုကက်ကို့ အိမ်မှအရပ်အာလင်ကယား။ အဝတ်မီတူတုန်းကလူးရက်အင် ပိုကက်ကိုလဲ။ အိမ်မဒလေအရိနဲ့ အဝတ်စားမီတူကို့ စည်းစိမ်အပြည့်ခံစားတုန်းကလူးရက်အင် ဘုရင်ကနန်းတော်ထဲယာ ပေါ်လင်ကား။ 26မဒေဖြစ်နဲ့က(လ်) အဆာမီကပုဂ္ဂိုလ်မျိူးယင် ပိုကက်ကို နနိန်ရက်လင်ဟေကယား။ ယောဟန်နာ ပရောဖက်တစ်ပါးဖြစ်ဟေကတောင်း နနိန်ရက်နာ အမင်ပိုကက်ကိုလဲ။ မှန်နက်ဟေ။ ညီးငါ့ဒင့်ယေ နနိန်ရက်အင် ငါပြိစ်ကက်ကနာ ယောဟန်နာ သာမန်ပရောဖက်တစ်ပါး တောင်မာဒင့် ပြောင်ဟေကလူးဖြစ်ဟေ။ 27အဇာရိကို့အငါနဲ့က(လ်) အယင်ဟိုက်ကရပ်ကားပရောဖက်တစ်ပါးစာ ယောဟန်ကအကြောင်းငင် ရေးပီးကနာ "ဘုရားရှင်နာ မေရှိယယင် အတတ်ကဒေလေငါ့လင်ကဟေ။ အိမ်မှတူးရက်နာ
"#7:27 မာလခိကျမ်း ၃း၁-၁၂နင်ငင် အဖြောက်မီ ငါနာ ငါကစေတမန်ယင် မလားကင့်မှဖြောက်နက်အန်ကား။
အမာနာ နင်ကလမ်းငင် ပြင်ဆင်အီလင်ကား"
ငါ့ကို ဖြစ်ဟေ။
28မှအကြောင့် နနိန်ရက်အင် ငါပြိစ်ယန်ကား။ တာဆာလောင်ရက်အာဘင်း ကေဟေကားလူးရက်ထဲယာက ယောဟန်တောင်မာ ပြောင်ကလူးဟူးဝါယဲ့ အငါပါ(လ်)။ ညီးင့ဒင့်ယဲ့ ဘုရားရှင်ကသာသနာတော်ထဲယာက အရေးအပါကလူးဒင့် ယောဟန်တောင်မား ပြောင်ဟေ"ငါ့ကို င့ါလင်ကဟေ။ 29အိမ်မှတူး(ဖ်)ဝင် တတ်ဟေကရပ် အခွန်ကလိစ်ဟေကားလူးရက်အာဘင်းစကို လူးရက်နာ ယောဟန်ထနဲ့ အိန်းမြှုပ်မင်္ဂလာလာဒက်ကတောင်း ဘုရားရှင်နာ ဖြောင့်မတ်ဟေကအကြောင်းငင် ဝန်ခံလင်ကဟေ။။ 30ညီးင့ဒင့်ယဲ့ ဖာရိရှဲရက်အိမ် ကျမ်းတတ်ဆရာရက်နာ ယောဟန်ထနဲ့က အိန်းမြှုပ်မင်္ဂလာအလာဒက်ကို့ အမာရက်ကအတွက် ဘုရားရှင် ကြံစည်ပီးဟေကားအလိစ်ရက်အင် ငြင်းလင်ကဟေ။
တုံ့ပြန်ကား အလိစ်ကမျိူးဆက်
31မှနောက်အာ ကိုယ်တော်နာ ဆက်လက်ကို "အတတ်ကခေတ်ကာလကလူးရက်ဖြစ်ဟေကား နနိန်ရက်နာ အဇာအိမ်တူဟေယား၊ အဇာအိမ်ခိုင်းနိူင်းဆနပ်ပိုကယားငါ့နဲ့က(လ်) 32နနိန်ရက်နာ ဈေးအရပ်အာတုန်းကို့
'ငါရက် တီးမူတ်ဆနပ်တုန်းကယဲ့
နနိန်ရက်ဇာတ်အဆပါ(လ်)။
ငါရက် ဝမ်းနည်းကမီဟေက အတေးဟြရ်ငင် ဆိုဆနပ်ကယဲ့
နနိန်ရက်အဟြရ်ပါ(လ်)'
ငါ့ကို ဟူးဝါအိမ်ဟူးဝါ ဟော်ကို ပြိစ်တုန်းကမန်ဆာရက်အိမ်တူဟေ။
33ယောဟန်နာ အစာယေ့အဆာထမ်း#7:33 တာလုံးကအိန်းအိမ် ကျိုင်းကောင်းငင်မယ် ဆာဟေ။၊ မလိပ့်ဇိစ်ဟေကားဝိုင်ယင်ယဲ့ အအူထမ်း လင်တုန်းဟေကားပိုကို့ "ယောဟန်နာ မကောင်းဆိုးဝါး ပူးကပ်တူးကလူး"င့ါကို နနိန်ရက်ငါ့တုန်းဟေ။ 34မှတောင်မှဒင့် လူ့သားတော်နာ ဗန်ကို့ ဆာကိုတုန်းကယဲ့ နနိန်ရက်နာ ယေရူနာ အစားကြူဟေကလူးဖြစ်ကို အခွန်ကလိစ်ဟေကလူးရက်၊ အပြစ်ဒုစရိုက်သမားရက်အိမ် အဖက်တုံကို အမာရက်အိမ်မက်တာ ဆာအူတုန်းဟေ"ငါ့ကိုယေ့ ငင့်ပီနန်း။ 35ညီးင့ဒင့်ယေ့ ဘုရားရှင်ကဉာဏ်ပညာယင် လိုက်နာကျင့်သုံးဟေကလူးရက်နာ ဘုရားရှင်ကဉာဏ်ပညာနာ မှန်ကန်ကြောင်းငင် သက်သေဆနပ်တုန်းကဖြစ်ဟေ"ငါ့ကို ငါ့လင်ကဟေ။
ကိုယ်တော်ယေရူစာ အပြစ်ငါးဟေကတဆာလောင်ငင် ခွင့်လွှတ်အီးဟေက
36ကျီးကအိမ် ရှိမုန်ငါ့ကိုအော်ဟောကား ဖာရိရှဲဟူးဝါစာ ကိုယ်တော်ယေရူယင် အမာကကိန်းငါ ပုတ်ဆာကဇိစ် ဖိတ်လင်ကဟေ။ မှအကြောင့် ကိုယ်တော်စာ အိမ်မလူးက ကိန်းငါကြွလင်ကို နက်တိုက်ပုတ်ဆာကဇိစ် စာပွဲယာ တုန်းလင်ကဟေ။ 37အိမ်မမြို့ဝါ အပြစ်ငါဟေကား တဆလောင်ဟူးဝါး ငါ့လင်ကဟေ။ အမာနာ ဖာရိရှဲကိန်းငါ ကိုယ်တော်ယေရူ နက်တတ်ပုတ်ဆာတုန်းဟေကား တတ်ပိုကရပ် ဇီးပြောင်ဟေကား ဆီမွှေးထည့်ပီးက ကျောက်ဖြူအိမ်လိစ်ပီဟေကား ပုလင်းတစ်လုံးငင်လာကို အိမ်မာနေရာယာ ဗန်(ဖ်)လင်ကဟေ။ 38မှနောက်အာ အမှာနာ ကိုယ်တော်ဂါ အလိုဝါဗန်(ဖ်)ကိုစက်ကို့ အတာရင်းငါတုန်းဟြက်ကိုး အမှာဂာား အမာအိန်းအိမ် ကိုယ်တော်က အတာအကျီးဇိစ်ကို အမာကအဟူးဖုံးငါက အဟူးမိအိမ်ပွတ်အီဂို့ ဆာကာဇိစ်လင်ကဟေ။ ကျီးကအိမ် ကိုယ်တော်က အတာနိန်ဖက်အင် အတိ(လ်)နက်ကို ဆီမွှေးအိမ် ပွတ်လင်ကဟေ။
39ကိုယ်တော်ငင် ပင့်ဖိတ်ဟေကား ဖာရိရှဲနာ ပိုကအခါ "မှလူနာ ပရောဖက်မှန်နဲ့က(လ်) အမင်ထိတုန်းက တာဆလောင်နာ အဆီတာဆာလောင်ယား ငှားဟေက ချေးသင့်ဟေ။ အဇာရိကို့အငါနဲ့ မှတာဆာလောင်နာ အပြစ်ငါဟေကလူးဖြစ်ဟေ"ငါ့ကို အမာက စိတ်ထဲယာတွေးတုန်းလင်ဂါဟေ။
40ကိုယ်တော်ယေရူယေ့ ဖာရိရှဲယင် "ရှိမုန် ၊နင်ငင် ငါ့ဆနပ်က တူးအက်တာငါဟေ"ငါ့နက်ကရပ် ရှိမုန်နာ "ငန်း၊ ကိုယ်တော်"ငါ့ကို လျှောက်တင်လင်ကဟေ။ 41မှအကြောင့်အိမ် ကိုယ်တော်ယေ့ "တင်္ဂါချေးကလူးဟူးဝါထနဲ့ လူးနိန်ဟူးနာ တင်္ဂါချေးလင်ကဟေ။ ဟူးဝါက(လ်) ဒေနာရီဒင်္ဂါးငါးရာ#7:41 အိမ်မှခေတ်အာ ဒေနာရီဒင်္ဂါးတစ်ပြားနာ နေ့စားအလုပ်သမားဟူးဝါက ယက်တာစာလုပ်အားခအိမ် ညီးမျှဟေကား တင်္ဂါပမာဏာဖြစ်ဟေ။ အယောက်ကဟူးဝါက(လ်) ဒေနာရီဒင်္ဂါငါးဆယ် အကြွေးတင်လင်ကဟေ။ 42မှနောက်အာ အမာရက်နာ အကြွေးရှင်ငင် ပြန်ကိုအဆပ်လူးနန်းကရပ် အကြွေးရှင်နာ အိမ်မားနိန်းဟူးယင် " အကြွေးယင်ပြန်ကို့ဆပ်ကအစိုးနန်းကအကြောင်းငင် ငါ့နက်နဲ့က(လ်) အိမ်မှနှစ်ဟူးထဲယာက အယူက(လ်) အကြွေးရှင်ယင် ပိုကိုကျေးဇူးတင်ငန်းကယား" ငါ့ကို ကတာလင်ကဟေ။ 43အိမ်မှကရပ် ရှိမုန်ယေ့ "ပိုကို ချေးပီကလူးနာ ပိုကိုကျေးဇူးတင်လင်ကား"ငါ့ကို လျှောက်တင်လင်ကဟေ။ ကိုယ်တော်ယေရူယေ " နင်ကငါ့ဟေကနာ မှန်နက်ဟေ"ငါ့ကို ငါ့လင်ကဟေ။ 44အိမ်မှနောက်အာ ကိုယ်တော်နာ အိမ်မှတာဆလောင်က ဟိုက်နီးယာလှည့်ဂို့ ရှိမုန်ငင် "မှတဆလောင်ငင်ပိုဟေလဲ။ နင်ဂါကိန်းငါ ကြွယောဝန်ကရပ် နင်နာ ငင်ကြိုဆိုဂါအတွက် အတာကဇမ်းဂါ အိန်းအအီကယေ့ မှတဆာလောင်နာ ငါဂါ အတာရက်အင် အမာဂါအမိ(လ်)အိန်းအိမ် ကဇမ်းအီကို အမာကအဟူးမိန်အိမ် ဆာကာဇာရောက်မှပွတ်အီဟေ။ 45အိမ်မှတောင်မာဒင့် ငါဗန်(ဖ်)ကရပ်အ(လ်) နင်နာ ငင်အတိ(လ်)ကို အကြိုဆိုဒက်ပါ(လ်)။ ညီးင့ဒင့်ယဲ့ မှတဆာလောင်နာ ငါဂါအတာ အဆက်မပြတ်အတိန်ဒက်ဟေ။ 46နင်နာ ငါကအဟူးငင် သံလွင်ဆားအိမ်လိမ်းကို အအီဒက်ကယေ့ မှတာဆလောင်က(လ်) တဗျင်းတန်ဖိုးပြောင်ဟေက ဆီမွှေးအိမ် ငါကအတာ လိမ်းကိုအီဒက်ဟေ။ 47မှဒေရိဂိုး နင်ငင် ငါငါ့ကက်ကနာ မှတဆာလောင်ဂါ အပြစ်လိစ်ပီးဟေကား အပြစ်မွတ်မွတ်အင် ခွင့်လွတ်ကားဟင်းပိုကစာ အမာက ချစ်ခြင်းမိတ္တာကြီးမားကိုဖြစ်ဟေ။ အိမ်မဒေလေဟုန်း စီဆာ ခွင့်လွှတ်ကားဟင်းပိုလူးနာ စီဆာမေချစ်ခြင်းမေတ္တာ ဆနပ်လင်ကား" ငါးဂို့ ငှားလင်ကဟေ။ 48မှနောက်အာ ကိုယ်တော်နာ အိမ်မားတာဆလောင်ငင် "နင်ဂါ အပြစ်ရက်အင် ခွင့်လွတ်အင်နန်း" ငါးဂို့ ငှားလင်ကဟေ။ 49အိမ်မာကရပ် ကိုယ်တော်အိမ်မက်တာ စားပွဲခုံငါတုန်းတုန်းက အယိုးကားလူးရက်နာ "အပြစ်အင်ဒင့် ခွင့်လွတ်လှုဟေငါ့တုန်းကအတွက် မှလူးနာအယူဝါး" ငါးဂို့ အချင်းချင်းငါ့တုန်းလင်ကဟေ။ 50ညီးင့ဒင့်ယဲ့ ကိုယ်တော်ယေရှုနာ အိမ်မှတာဆလောင်ငင် "နင်ကယုံကြည်ကစာ နင်ငင် ကယ်တင်ငန်ဂါးဖြစ်ဟေ။ စိတ်ချမ်းချမ်းသာသာအိမ် လင်ဒက်"ငါ့ကို ငှားလင်ကဟေ။
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.