လုကာ 10
10
အခန်း (၁၀)
တပည့်တော်ခုနှစ်ဆယ့်ယင် ဖြောက်ဟေကား
1မှနောက်အာ ကိုယ်တော်နာ အယိုးကတပည့်တော်ခုနစ်ဆယ်ယင်ရွေးချယ်ဂို့#10:1 တစ်ခြားကျမ်းငါ ခုနှစ်ဆယ်နှစ်ယောက်ငါ့ကိုရေးပီးဟေ။ နိန်းဟူးတစ်တွဲစီတွဲကို ကိုယ်တော်ကြွလင်ကား မြို့တိုင်း၊ ထိန်တိုင်းငါ အမာကရှေ့ယာလင်ကဇိစ် ကြိုတင်ကိုဖြောက်နက်ကဟေ။ 2တပည့်တော်ရက်အင် အဖြောက်မိ ကိုယ်တော်နာ အမာရက်အင် အတတ်ကဒေလေငါ့လင်ကဟေ။ "ငင် လက်ခံယုံကြည်ကဇိစ် အဆင်သင့်ဖြစ်တုန်းဟေကား လူးရက်ငါ့တုန်းကယေ့ အိမ်မှလူးရက်ထနဲ့ မင်္ဂလာသတင်းကောင်းငင် ငါ့ဆနပ်ကလူးက(လ်) ဆန်းတုန်းနိမ့်မက်။ အိမ်မှလူးရက်နာ အင်ဟန်ကဇိစ် အဆင်သင့်ဖြစ်တုန်းဟေကား တဗျင်းပြောင်ဟေကား လယ်ပြင်အိမ်တူဟေ။ ညီးငါ့ဒင်ယေ့ အိမ်မှအင်ရက်အင်ဟန်ကဇိစ် လုံလောက်ဟေကား အလုပ်သမားရက်အငါပါ(လ်)။ မှအကြောင့် အင်ဟန်ကလူးရက်ကအရှင် ဘုရားရှင်ထနဲ့ အင်ဟန်ကဇိစ်အလိစ်သမားရက် ဖြောက်အီယန်မနီး ဆုစိန်ယင့်ဂီး။ 3အတတ် နနိန်ရက်နာ လူးရက်ထနဲ့ သတိအိမ်လင်ဂီး။ အဇာရိကို့အငါနဲ့က(လ်) ကယ်တင်ကလူးအငါက သိုးဒေလေဖြစ်တုန်းဟေကား နနိန်ရက်အင် ဝံပုလွေရက်ဒေလေက ရက်စက်ကြမ်းကြုံကလူးရက်ထနဲ့ ဖြောက်နက်အန်ကတောင်းဖြစ်စေ။ 4နနိန်ရက်လင်ဟေကရပ် တင်္ဂါတိ၊ ခရီးဆောင်တိ(လ်)၊ ဖိနပ်ရက်အင် အလာကလင်ယေ့။ လင်းငါယေ့ လူးရက်အင် နူတ်ဆက်ကို အချိန်အဖြုန်းအဲ့။ 5ရိကက်ကကိန်းငါယင့် နနိန်ရက်ဆင်ဟေကရပ် "မှကိန်းငါ ငြိမ်းချမ်းလင်ပါစေ"ငါ့ကို မေတ္တာပို့အီယင့်ဂီး။ 6တကယ်လို့ အိမ်မှကိန်းငါ ငြိမ်းချမ်းခြင်းငင် စိုးကက်ကဟေကလူးရက်ငါနဲ့က(လ်) နင်ကမေတ္တာပို့ဟေကနား အိမ်မှကိန်းငါကလူးရက် လူလင်ကား။ တကယ်လို့ အစိုးကက်ပါ(လ်)ငါနဲ့က(လ်) ငြိမ်းချမ်းခြင်းငင် အိမ်မှကိန်းငါကလူးရက် လှူလင်ကားအရိပါ(လ်)။ 7ကိန်းဆောင်းနာကျီးနဲ့ဆောင်းနာ လင်ဂို့အတုန်းယေ့။ အိမ်မှကိန်းဆောင်းနာတည်းယာတုန်းကို ကိန်းဆိမ်းဂါးကျွေးမွေးဟေကား ဆားဂီး။ အဇာကြောင်းယာငါးနဲ့ အလိစ်လိစ်ကလူးရက်နာ လိစ်အားခယင် ခံစားထိုက်ကားတောင်းဖြစ်ဟေ။ 8မြို့တစ်မြို့ယာဆင်ကရပ် အိမ်မားမြို့ဝါကလူးရက်နာ နနိန်ရက်အင် ကြိုဆိုနဲ့က(လ်) အမာရက်ကကျွေးမွေးဟေကရပ်အင် ဆာဂီး။ 9အိမ်မှမြို့ဝါက ဟာပိုဆာအငါ့ကလူရက်အင် ကုသအီကို "ဘုရားရှင်ကသာသနာတော် ဖော်ဗာ(ဖ်)ကဇိစ် အချိန်းစေ့ယောဝန်နန်း"ငါ့ကို အမာရက်ဇိစ် ငါ့ဆနပ်အင်။ 10ညီးင့ဒင့်ယေ့ မြို့ဝါကလူးရက်နာ နနိန်ရက်အင် အကြိုဆိုနဲ့က(လ်) အိမ်မှမြို့ဝါက လင်းငါပြုကို 11ဘုရားရှင်နာ နနိန်ရက်အင် စီရင်ငန်ကအကြောင့်ငင် "နနိန်ရက်အင် သတိအီဟေကအားဖြင့် ငါရက်ကအတာနားက ကပ်တုန်းဟေကား နနိန်ရက်ကမြို့ဝါက ဖုန်မှုန့်ရက်အင် ငါရက်ခါချပီဒက်ကား။ ညီးင့ဒင့်ယေ့ ဘုရားရှင်ကသာသနာတော် ဖော်ကဇိစ်က(လ်) အချိန်စေ့ ယောဝန်နန်းငါ့ဟေကင့် နနိန်ရက်မှတ်ပီးယင့်ဂီး"ငါ့ကိုက(လ်) ငါ့ပီဒက်။ 12နနိန်ရက်အင် ငါငှားကက်ကနာ တရားစီရင်းဟေကား ရက်ယက်အာထုန်နဲ့က(လ်) အိမ်မှမြို့ဝါကလူးရက်နာ သောဒုံမြို့ဝါက#10:12 ဂျော်ဒန်နိုင်ငံ ဂျော်ဒန်မြစ်အရှေ့ဘက်ကမ်းနေရာ၊ ကမ္ဘာဦးကျမ်း ၁၉း၁-၂၈ (သောဒံမြို့အိမ်ဂေါမောရမြို့ရက်နာ ဆိုးသွမ်းကြောင့် ဘုရားရှင်ဖျက်စီးဒက်ကား မြို့နှစ်မြို့ ဖြစ်ဟေ) ဆိုးဟေကလူးရက်တောင်မာဒင့် ဆိုးဆိုးရွားရွားစီရင်ဟေကင့် ဟင်းလင်ပိုကား"ငါ့ကို ငါ့လင်ကဟေ။
နောင်တအလှုဒက်က မြို့ရက်
(မဿဲ ၁၁:၂၀-၂၄)
13အယောက်ဟက်တာ ကိုယ်တော်နာ "အို ခေါရာဇိန်မြို့အိမ် ဗက်ဇဲဒမြို့ဝါကလူးရက် နနိန်ရက်နာ နောင်တအလှုကတောင်း တဗျင်းဒုက္ခဆင်းရဲအိမ် ကြုံလင်ပိုကား။ တုရုမြို့အိမ် ဇိဒုန်မြို့ဝါကလူးရက်နာ နနိန်ရက်ကမြို့ဝါ ငါလိစ်တက်ဟေကား အံ့ဖွယ်အမှုရက်အင် အပိုဒက်ဟြာရ်နိမ့်ပါ(လ်)။ အိမ်မှမြို့ဝါကလူးရက်နာ မှအံ့ဖွယ်အမှုရက်အင် ပိုဟြာရ်နိမ့်က(လ်) အမာရက်ကအပြစ်ရက်အင် နောင်တလှုကို့ ကြမ်းတမ်းဟေကားပိတ်စအိမ်လိစ်ပီဟေကား ပါဇူဝင်#10:13 လျှော်တေအဝတ်အင် တူကို့ တက်ကာဘုံအာတုန်းဟေငါ့ဟေကနာ အမာရက်ကအပြစ်ရက်ကအတွက် နောင်တလှုဟေကင့် ဆနပ်ဟေကားအားဖြင့် ကြမ်းတမ်းကို အဆင်အပြေကားပါဇူဝင်တူကို့ အမာရက်ကအာဟူးဖုံးငါ၊ ဘက်ခုံရက်အာ ပြာမူန့်ရက်အင် ကော်ကို့ ပြာပုံငါ တုန်းဟေကားဓလေ့ထုံးစံဆူးဝါဖြစ်ဟေ။ တူကို့ တက်ကာဘုံအာတုန်းကို နောင်တလှုဟေကအကြောင်းငင် ဆနပ်လင်ကား။၊ 14မှအကြောင့် တရားစီရင်က ရယက်အာထုန်နဲ့က(လ်) ဘုရားရှင်နာ တုရုမြို့အိမ်ဇိဒုန်မြို့ဝါက လူးရက်တောင်မာဒင့် နနိန်ရက်ပိုကို ပြင်းပြင်းထန်ထန် အပြစ်ဒဏ်အီဟေကား ဟင်းလင်ပိုကား။ 15ကပေရနောင်မြို့သားရက်၊ နနိန်ရက်အင်ယေ့ ဘုရားရှင်နာ ရွှေမြို့တော်ဝါ ဆုချီးမြင့်လင်ကားငါ့ကို အထင်ဂီးယေ့။ အိမ်မှအစား နနိန်ရက် ငရဲယာ မလောက်စာဟင်းလင်ပိုကား"ငါ့ကို ငါ့လင်ကဟေ။ 16မှနောက်အာ ကိုယ်တော်နာ တပည့်တော်ရက်အင် "တပည့်ရက် နနိန်ရက်ကားတူးဝင် အတေးတုန်းကလူနာ ငါကတူးဝင် အတေးကလူးဖြစ်ဟေ။ နနိန်ရက်အင် လက်အခံဂါးလူးနာ ငင် လက်အခံကားလူဖြစ်ဟေ။ ငင်လက်အခံဂါးလူးနာ ငင် ဖြောက်နက်အန်က ဘုရားရှင်ငင်ယေ့ လက်အခံဂါး လူးရက်ဖြစ်ဟေ" ငါ့ကို ငါ့လင်ကဟေ။
တပည့်တော်ခုနှစ်ဆယ် ပြန်းဂို့ထုန်းဗာ(ဖ်)ဟေကား
17မှအကြောင့် တပည့်တော်ခုနှစ်ဆယ်ရက် ပြုကလင်ကို့ အမာရက်အင် ကိုယ်တော်ယေရူ လိစ်ကဖန်းဟေကအတိုင်း လိစ်တက်ကဟေ။ အမာရက်ပြန်ကိုထုန်ဗာ(ဖ်)ကရပ် တဗျင်းပျော်ကို "ကိုယ်တော်၊ ငါ့ရက်နာ မကောင်းဆိုးဝါးရက်အင် ကိုယ်တော်ကတန်ခိုးအိမ်အခွင့်အာဏာသုံးကို အမိန့်အီနက်ကရပ် အမာရက်နာခံဟေ"ငါ့ကို လျှောက်တင်လင်ကဟေ။ 18ကိုယ်တော်ယေ့ အမာရက်အင် " မကောင်းဆိုးဝါးရက် နနိန်ရက်ကတူးဝင် နာခံဟေကရပ် မာရ်နတ်စာ ရှက်ပြက်ကဒေလေ ကောင်းဂါလက်အာဘင်း ရုတ်တရက် ကတိမ်ငန်ဟေကား ငါပိုနက်ဟေ"ငါ့ကို ပြန်ကို့ငါ့ဆနပ်လင်ကဟေ။ 19အတေးယင့်ဂီး။ ငါစာ နနိန်ရက်ဇိစ် ကဖူး(ဖ်)ရက်အိမ် ကင်းရက်အင် ပျက်ကို့ ငါရက်က ရန်သူဖြစ်ဟေကား မာရ်နတ်အင် နိမ့်လှုကား အခွင့်အာဏာယင့် အက်ပီယင်နန်း ဖြစ်ဟေ။ မှအကြောင့်အိမ် နနိန်ရက်အင် ဆူးဝါကအူဇာယေ့ ထိခိုက်မနီးလိစ်လင်လှုကားအရိပါ#10:19 တနည်းအားဖြင့် ကိုယ်တော်ယေရူသည် တပည်တော်ရက်ဇိစ် ရန်သူရက်အင် နှိမ်နှင်းလှုကားတန်ခိုးအာဏာယင် အီပီယင်နန်းငါ့ကို ယူဆလှုဟေ။(လ်)။ 20ညီးင့ဒင့်ယေ့ မကောင်းဆိုးဝါးရက်နာ နနိန်ရက်က တူး(ဖ်)ဝင်နာခံကဒက်ဆာအိမ် ဝမ်းအသာဂီးယေ့။ အိမ်မှအစား နနိန်ရက်ကအမိန်းငင် ရွှေမြို့တော်ဝါ ရေးပီကဟင်းပေါ်ကားမယ် ဝမ်းသာယင့်ဂီး"ငါ့ကို ငါ့လင်ကဟေ။
ကိုယ်တော်နာ ဝမ်းမြောက်ဟေကား
(မဿဲ ၁၁:၂၅-၂၇၊ ၁၃:၁၆-၁၇)
21အိမ်မှအချိန်ငါ ဉာဏ်အလင်းတော်နာ ကိုယ်တော်ယေရူယင် ရွင်လန်းဝမ်းမြောက်ဇိစ်ကို့ ကိုယ်တော်နာ "ရွှေမြို့တော်အိမ် မှကမ္ဘာလောကယင် အုပ်ချူပ်ဟေကား အဗား(ဖ်)ဘုရားရှင်၊ အပါနာကအပါနာ ဉာဏ်ပညာငါဟေငါ့ကို ထင်တုန်းဟေကားလူးရက်ဇိစ် မှအမှန်တရားရက်အင် အရှင်ဘုရားနာ အချေးဇိစ်ထမ်း မန်ဆာဒေလေက အသိဉာဏ်အပြည့်စုံကလူးရက်အင်မယ် ချေးဇိစ်ကတောင်း ဂုဏ်ကျေးဇူးယင် ချီးမွမ်းနက်ဟေ။ အမာယေ့ အဗား(ဖ်)ဘုရားရှင် နှစ်သက်ဟေကား အူဇာရက်ဖြစ်ဟေကားယေ့ ငါချေးနက်"ငါ့ကို ဘုရားရှင်ကဂုဏ်ကျေးဇူးယင် ချီးမွမ်းလင်ကဟေ။ 22မှနောက်အာ ကိုယ်တော်နာ အိမ်မှနေရာကငါ့ဟေကားလူးစုတ်ရက်အင် " ငါကအဗား(ဖ်)ဘုရားရှင်နာ ငါဇိစ် အူဇာစုတ်ရက်ကအပေါ်ဝါ အုပ်စိုးလှူကား အခွင့်အာဏာယင် အီပီယင်နန်းဖြစ်ဟေ။ အဆာအယူဝါးငါ့ဟေကင့်ယေ အဗား(ဖ်)ဘုရားရှင်လွဲ့ကို ဟူးဝါယေအချေးကဒေလေ အဗား(ဖ်)ဘုရားရှင်နာ အယူးဝါးငါ့ဟေကင့်ယေ အဆာအိမ်အဆာချေးဇိစ်ကက်ဟေကား လူးရက်အင်လွဲ့ကို ဟူးဝါယေ့အချေးပါ(လ်)"ငါ့ကို ငါ့လင်ကဟေ။ 23မှနောက်အာ ကိုယ်တော်စာ အမာကတပည့်တော်ရက်ကားဟိုက်အာ လှည့်ဂို့ " ငါလိစ်ဆနပ်တက်ကား အူဇာရက်အင် ပိုဒက်ဟေကားလူးရက်နာ အမှန်တကယ် ကံမီဟေကားလူးရက်ဖြစ်ဟေ။ 24နနိန်ရက်အင် ငါ အမှန်ငါ့ဆနပ်ပေါ်နဲ့က(လ်) အယင်ဟိုက်ကရပ်ပင်း ပရောဖက်ရက်အိမ်#10:24 ပရောဖက်ငါ့ဟေကနာ ဘုရားရှင်ကတူး(ဖ်)ရက်အင် တစ်ဆင့်ခံငါ့ဆနပ်ကလူး ရှင်ဘုရင်ရက်တင့် ငါလိစ်တက်ဟေကားအူဇာရက်အင် တဗျင်းပိုကက်ကယေ့ ၊တတ်ကက်ကယေ့ အပိုဒက်ဟြာရ်ပါ(လ်)၊ အတတ်ဟြာရ်ဒက်နိမ့်ပါ(လ်)" ငါ့ကို အမာရက်ဇိစ်မယ့် သီးသန့်ငါ့ဆနပ်လင်ကဟေ။
ရှင်မာရိလူးမီဟူးဝါ
25ဟက်တာဂါရပ် ကိုယ်တော်ယေရူနာ လူထုပရိသတ်ရက်အင် ဆနိန်အီတုန်းကရပ် ကျမ်းတတ်ဆရာဟူးဝါနာ ကိုယ်တော်ဝင် စမ်းသပ်ကက်ကို့ မေးခွန်းကာတာကဇိစ် စက်လင်ကဟေ။ ကျီးကအိမ် အမာနာ ကိုယ်တော်ဝင် "ကိုယ်တော်၊ နိစ္စထာဝရအဆက်အင်#10:25 အယောက်ကဟက်တာကေဂါးအငါထမ်း သံသရာဝဋ်ဆင်းရဲယာဘင်း လွတ်မြောက်ဟေကား လူဂါဇီ အဇာလိစ်ပေါ်ဂါယာ" ငါ့ကို ကာတာလင်ကဟေ။ 26အိမ်မအခါ ကိုယ်တော်ယေရှုယေ့ "ပညတ်ကျမ်းငါ အဇာရက်ရေးပီဟေယား။ အိမ်မာရက်အင် နင် အဆာမီးနားလည်သဘောပေါက်ဟေယား" ငါးဂို ကတာလင်ကရပ် 27အိမ်မှလူးနာ "ကျမ်းစာယာ#10:27 ဝတ်ပြုရာကျမ်း ၁၉း၁၈၊ တရားဟောရာကျမ်း ၆း၅ နင်ကအရှင်သခင်ဖြစ်ဟေကား ဘုရားရှင်ငင် ကိုယ်၊ စိတ်၊ နှလုံးသုံးပါးအိမ် ထုပ်ဖော်ဆနပ်ကို့ နနိန်ရက်ကအသိဉာဏ်ငါကဒက်အိမ် အစွမ်းကုန် ကြည်ညိုဆက်ကပ်ပိုကားဖြစ်ဟေ။ အိမ်မှတောင်မှာဒင့် နင်ကကိန်းတောင်ဘင်ရက်အင်ယေ့ အပါနာကအပါနာ မေတ္တာပီးကို့ချစ်ခင်ဟေကဒေလေ ချစ်ခင်ပိုကားငါ့ကို ရေးပီးနက်ဟေ"ငါ့ကို ပြန်ကိုလျှောက်တင်လင်ကဟေ။ 28ကိုယ်တော်ယေ့ "နင်ကအဖြေရက် မှန်နက်ဟေ။ မှဒက်လိစ်နဲ့ နင်နာ နိစ္စထာဝရအဆက်အင် လှုလင်ကား" ငါးဂို့ ငှားလင်ကဟေ။ 29ညီးင့ဒင့်ယေ ကျမ်းတတ်ဆရာနာ အပါနာဂါအပါနာ ဖြောင့်မတ်ဟေကားအကြောင်းငင် ဖော်ဆနပ်ကက်ကိုး ကိုယ်တော်ယင် "မဒေငါ့နဲ့ ငါရက်ကား မိတ်ဆွေကောင်းနာ အယူဝါး" ငါးဂို့ ကတာလင်ကဟေ။ 30အိမ်မှကရပ် ကိုယ်တော်ယေရူနာ အိမ်မှလူးဇိစ် ပုံဥပမာဆူးဝါအိမ် ဖြေဟေကနာ "ဟက်တာကရပ် လူဟူးဝါနာ ဂျေရုဆလင်မြို့ဝါဘင်း ဂျေရိခေါမြို့ဝါ ခရီးလင်လင်ကဟေ။ လမ်းခရီးအာ ဓားမြရက်နာ အိမ်မှလူးဝင် တိုက်ခိုက်ကို့ အမာထနဲ့ယောဝန်ဟေကအူဇာစုတ်ရက်အိမ် အမာကအဝတ်စားရက်အင်ဒင့် ချုပ့်ကိုလာလင်ကဟေ။ အိမ်မှဓားမြရက်နာ အမင် ဆိန်းဇာရောက်မှပေါက်ကို့ လင်းစမ်ဗြောင်ငါ လင်လင်ကဟေ။ 31အိမ်မှအလိုဝါ ဂျူးပုရောဟိတ်ဟူးဝါနာ အိမ်မာလင်းအတိုင်းဗန်(ဖ်)ဟေကရပ် ဒဏ်ရာရက်အိမ်ပေါင်တုန်းက အိမ်မားလူဝင် ပိုကယေ့ လင်းကအယောက်ဟိုက်တာနီးယာဘင်း ရှောင်ကိုပြုကလင်ကဟေ။ 32အိမ်မဒေလေ လေဝိလူမျိူးဟူးဝါယေ့#10:32 လေဝိလူမျိူးရက်နာ ဂျူးလူမျိူးတစ်ဆယ့်နှစ်နွယ်ထဲယာဘင်း ဆက်သက်ဗန်ကလူးဖြစ်ဟေ။ အမာရက်နာ တဲတော်သယ်ယူပို့ဆောင်ရေး၊ ပရီဘောဝရက်ထိန်းသိမ်းဟေကအိမ် မြင့်မြတ်ဟေကနေရာယင် ပြုကြင်ထိန်းသိမ်းဟေကားအပါအဝင် တာဝန်အမျိူးမျိူးငါ့လင်ကဟေ။ အိမ်မားနေရာထုန်ဗာ(ဖ်)ကရပ် အမင်ပိုကယေ့ အယောက်ကလင်း ဟိုက်တာနီးယာဘင်း ရှောင်ကိုလင်ပီကဟေ။ 33ညီးင့ဒင့်ယေ အိမ်မာနေရာယာ ခရီးပြုယောဝန်က ရှမာရိတာဆာပြိုင်ဟူးဝါ ထုန်ဗာ(ဖ်)ကရပ်က(လ်) အမင်ပိုကအိမ် အစံမီဆာပိုလင်ကဟေ။ 34မှအကြောင်း အမှာထနဲ့လင်ကို အမှာဂါဒဏ်ရာရက်အင် စပျစ်ဝိုင်ငင်ကော်ကို့ သံလွင်ဆားအိမ် လိမ်းအီကို့ အင်းကပတ်အိမ် ပတ်အီးလင်းဂဟေ။ မှနောက်အာ အမင်ယင် မြည်း(တိရစ္ဆာန်)ဖုံးငါတင်ဂို့ တည်းခိုဆောင်ငါ အော်လားကလင်ကို့ အမင်ပြုစုစောင့်ရှောက်လင်ကဟေ။ 35အယောက်ယက်တာ ဟင်းချီကရပ် အမာနာ တည်းခိုဆောင်ပိုင်ရှင်ယင် ဒေနာရီဒင်္ဂါးနှစ်ပြားအီကို "ကျေးဇူးပြုကို မှလူနာယင် ပြုစုစောင့်ရှောက်အီယန်။ အမင်ပြုစုကို မှတောင်မဒင့် ဆုံနဲ့က(လ်) ငါပြန်ငန်ကရပ် အီယန်ကဟုန်း"ငါ့ကို ငါ့လင်ကဟေ။ 36ကျီးကအိမ် ကိုယ်တော်နာ ကျမ်းတတ်ဆရာယင် "အိမ်မားလူးဆုံးဟူးထဲယာက ဓားပြတိုက်ကဟင်းပိုကလူးကား စစ်မှန်ဟေကားမိတ်ဆွေကောင်းစာ အယူဝါး"ငါ့ကို ကတာလင်ကဟေ။ 37အိမ်မှအခါ အိမ်မာကျမ်းတတ်ဆရာနာ "အမာကအပေါ်သနားကြင်နာကို ကူညီအီကလူးဖြစ်ဟေ" ငါ့ကို ပြန်ကိုဖြေလင်ကရပ် ကိုယ်တော်နာ "နင်ယေ့အိမ်မာဒေလေ လိစ်အင်း"ငါ့ကို ငါ့လင်ကဟေ။
မာသအိမ်မာရိ
38ကျီးကအိမ် ကိုယ်တော်စာ တပည့်တော်ရက်အိမ်မက်တာ ခရီးလင်တုန်းကရပ် ထိန်ထိန်နာထုန်ဗာ(ဖ်)လင်ကဟေ။ အိမ်မားထိန်ယာ မာသငါ့ကို့အော်ဟေကား တာဆာလောင်ဟူးဝါနာ ကိုယ်တော်အိမ် အမာကတပည့်တော်ရက်အင် အမာကကိန်းယာ တည်ခိုကဇိစ် ဖိတ်လင်ကဟေ။ 39မာသကနာ မာရိငါးဂိုအော်ဟေကား အနေးဆီဟူးဝါငါဟေ။ မာရိနာ ကိုယ်တော်ကအတာရင်းငါတုန်းဂို တရားတော်ငင်နာ အတေးတုန်းလင်ကဟေ။ 40မာသက(လ်) အနင်ရက်ဇိစ်ကအတွက် ဧည့်ခံကဇိစ် အလိစ်ပြိစ်တုန်းလင်ကဟေ။ နောက်ဆုံးငါ မာသစာ ကိုယ်တော်ကအနားဗန်(ဖ်)ကို "ကိုယ်တော်၊ ငါကအနေးဆီနာ အိမ်မူကိစ္စစုတ်ရက်အင် ငါဟူးဝါတည်း လိစ်လင်မနီး မလောက်ပီဒက်ကအတွက် ငင်ကူညီးအီကဇိစ် အမင်ငါးအီယန်"ငါ့ကို လျှောက်တင်လင်ကဟေ။ 41အိမ်မားအခါ ကိုယ်တော်နာ "မာသ၊ နင်နာ အူဇာစုတ်ရက်အင် စိုးရိမ်စိတ်အိမ် အလိစ်ပြိစ်တုန်းကယေ့ 42" အမှန်က(လ်) အဒင့်စိုးဟေကအူဇာ ဆူးဝါမယ်ငါဟေ။ မာရိက(လ်) မှအူဇာရက်အင် ရွေးချယ်ပီယင်နန်းဖြစ်ကို အိမ်မား အမာထနဲ့ကား ဖယ်နက်ကိုအလှုနန်းကား"ငါ့ကို င့ါလင်ကဟေ။
Kasalukuyang Napili:
လုကာ 10: CKH
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 10
10
အခန်း (၁၀)
တပည့်တော်ခုနှစ်ဆယ့်ယင် ဖြောက်ဟေကား
1မှနောက်အာ ကိုယ်တော်နာ အယိုးကတပည့်တော်ခုနစ်ဆယ်ယင်ရွေးချယ်ဂို့#10:1 တစ်ခြားကျမ်းငါ ခုနှစ်ဆယ်နှစ်ယောက်ငါ့ကိုရေးပီးဟေ။ နိန်းဟူးတစ်တွဲစီတွဲကို ကိုယ်တော်ကြွလင်ကား မြို့တိုင်း၊ ထိန်တိုင်းငါ အမာကရှေ့ယာလင်ကဇိစ် ကြိုတင်ကိုဖြောက်နက်ကဟေ။ 2တပည့်တော်ရက်အင် အဖြောက်မိ ကိုယ်တော်နာ အမာရက်အင် အတတ်ကဒေလေငါ့လင်ကဟေ။ "ငင် လက်ခံယုံကြည်ကဇိစ် အဆင်သင့်ဖြစ်တုန်းဟေကား လူးရက်ငါ့တုန်းကယေ့ အိမ်မှလူးရက်ထနဲ့ မင်္ဂလာသတင်းကောင်းငင် ငါ့ဆနပ်ကလူးက(လ်) ဆန်းတုန်းနိမ့်မက်။ အိမ်မှလူးရက်နာ အင်ဟန်ကဇိစ် အဆင်သင့်ဖြစ်တုန်းဟေကား တဗျင်းပြောင်ဟေကား လယ်ပြင်အိမ်တူဟေ။ ညီးငါ့ဒင်ယေ့ အိမ်မှအင်ရက်အင်ဟန်ကဇိစ် လုံလောက်ဟေကား အလုပ်သမားရက်အငါပါ(လ်)။ မှအကြောင့် အင်ဟန်ကလူးရက်ကအရှင် ဘုရားရှင်ထနဲ့ အင်ဟန်ကဇိစ်အလိစ်သမားရက် ဖြောက်အီယန်မနီး ဆုစိန်ယင့်ဂီး။ 3အတတ် နနိန်ရက်နာ လူးရက်ထနဲ့ သတိအိမ်လင်ဂီး။ အဇာရိကို့အငါနဲ့က(လ်) ကယ်တင်ကလူးအငါက သိုးဒေလေဖြစ်တုန်းဟေကား နနိန်ရက်အင် ဝံပုလွေရက်ဒေလေက ရက်စက်ကြမ်းကြုံကလူးရက်ထနဲ့ ဖြောက်နက်အန်ကတောင်းဖြစ်စေ။ 4နနိန်ရက်လင်ဟေကရပ် တင်္ဂါတိ၊ ခရီးဆောင်တိ(လ်)၊ ဖိနပ်ရက်အင် အလာကလင်ယေ့။ လင်းငါယေ့ လူးရက်အင် နူတ်ဆက်ကို အချိန်အဖြုန်းအဲ့။ 5ရိကက်ကကိန်းငါယင့် နနိန်ရက်ဆင်ဟေကရပ် "မှကိန်းငါ ငြိမ်းချမ်းလင်ပါစေ"ငါ့ကို မေတ္တာပို့အီယင့်ဂီး။ 6တကယ်လို့ အိမ်မှကိန်းငါ ငြိမ်းချမ်းခြင်းငင် စိုးကက်ကဟေကလူးရက်ငါနဲ့က(လ်) နင်ကမေတ္တာပို့ဟေကနား အိမ်မှကိန်းငါကလူးရက် လူလင်ကား။ တကယ်လို့ အစိုးကက်ပါ(လ်)ငါနဲ့က(လ်) ငြိမ်းချမ်းခြင်းငင် အိမ်မှကိန်းငါကလူးရက် လှူလင်ကားအရိပါ(လ်)။ 7ကိန်းဆောင်းနာကျီးနဲ့ဆောင်းနာ လင်ဂို့အတုန်းယေ့။ အိမ်မှကိန်းဆောင်းနာတည်းယာတုန်းကို ကိန်းဆိမ်းဂါးကျွေးမွေးဟေကား ဆားဂီး။ အဇာကြောင်းယာငါးနဲ့ အလိစ်လိစ်ကလူးရက်နာ လိစ်အားခယင် ခံစားထိုက်ကားတောင်းဖြစ်ဟေ။ 8မြို့တစ်မြို့ယာဆင်ကရပ် အိမ်မားမြို့ဝါကလူးရက်နာ နနိန်ရက်အင် ကြိုဆိုနဲ့က(လ်) အမာရက်ကကျွေးမွေးဟေကရပ်အင် ဆာဂီး။ 9အိမ်မှမြို့ဝါက ဟာပိုဆာအငါ့ကလူရက်အင် ကုသအီကို "ဘုရားရှင်ကသာသနာတော် ဖော်ဗာ(ဖ်)ကဇိစ် အချိန်းစေ့ယောဝန်နန်း"ငါ့ကို အမာရက်ဇိစ် ငါ့ဆနပ်အင်။ 10ညီးင့ဒင့်ယေ့ မြို့ဝါကလူးရက်နာ နနိန်ရက်အင် အကြိုဆိုနဲ့က(လ်) အိမ်မှမြို့ဝါက လင်းငါပြုကို 11ဘုရားရှင်နာ နနိန်ရက်အင် စီရင်ငန်ကအကြောင့်ငင် "နနိန်ရက်အင် သတိအီဟေကအားဖြင့် ငါရက်ကအတာနားက ကပ်တုန်းဟေကား နနိန်ရက်ကမြို့ဝါက ဖုန်မှုန့်ရက်အင် ငါရက်ခါချပီဒက်ကား။ ညီးင့ဒင့်ယေ့ ဘုရားရှင်ကသာသနာတော် ဖော်ကဇိစ်က(လ်) အချိန်စေ့ ယောဝန်နန်းငါ့ဟေကင့် နနိန်ရက်မှတ်ပီးယင့်ဂီး"ငါ့ကိုက(လ်) ငါ့ပီဒက်။ 12နနိန်ရက်အင် ငါငှားကက်ကနာ တရားစီရင်းဟေကား ရက်ယက်အာထုန်နဲ့က(လ်) အိမ်မှမြို့ဝါကလူးရက်နာ သောဒုံမြို့ဝါက#10:12 ဂျော်ဒန်နိုင်ငံ ဂျော်ဒန်မြစ်အရှေ့ဘက်ကမ်းနေရာ၊ ကမ္ဘာဦးကျမ်း ၁၉း၁-၂၈ (သောဒံမြို့အိမ်ဂေါမောရမြို့ရက်နာ ဆိုးသွမ်းကြောင့် ဘုရားရှင်ဖျက်စီးဒက်ကား မြို့နှစ်မြို့ ဖြစ်ဟေ) ဆိုးဟေကလူးရက်တောင်မာဒင့် ဆိုးဆိုးရွားရွားစီရင်ဟေကင့် ဟင်းလင်ပိုကား"ငါ့ကို ငါ့လင်ကဟေ။
နောင်တအလှုဒက်က မြို့ရက်
(မဿဲ ၁၁:၂၀-၂၄)
13အယောက်ဟက်တာ ကိုယ်တော်နာ "အို ခေါရာဇိန်မြို့အိမ် ဗက်ဇဲဒမြို့ဝါကလူးရက် နနိန်ရက်နာ နောင်တအလှုကတောင်း တဗျင်းဒုက္ခဆင်းရဲအိမ် ကြုံလင်ပိုကား။ တုရုမြို့အိမ် ဇိဒုန်မြို့ဝါကလူးရက်နာ နနိန်ရက်ကမြို့ဝါ ငါလိစ်တက်ဟေကား အံ့ဖွယ်အမှုရက်အင် အပိုဒက်ဟြာရ်နိမ့်ပါ(လ်)။ အိမ်မှမြို့ဝါကလူးရက်နာ မှအံ့ဖွယ်အမှုရက်အင် ပိုဟြာရ်နိမ့်က(လ်) အမာရက်ကအပြစ်ရက်အင် နောင်တလှုကို့ ကြမ်းတမ်းဟေကားပိတ်စအိမ်လိစ်ပီဟေကား ပါဇူဝင်#10:13 လျှော်တေအဝတ်အင် တူကို့ တက်ကာဘုံအာတုန်းဟေငါ့ဟေကနာ အမာရက်ကအပြစ်ရက်ကအတွက် နောင်တလှုဟေကင့် ဆနပ်ဟေကားအားဖြင့် ကြမ်းတမ်းကို အဆင်အပြေကားပါဇူဝင်တူကို့ အမာရက်ကအာဟူးဖုံးငါ၊ ဘက်ခုံရက်အာ ပြာမူန့်ရက်အင် ကော်ကို့ ပြာပုံငါ တုန်းဟေကားဓလေ့ထုံးစံဆူးဝါဖြစ်ဟေ။ တူကို့ တက်ကာဘုံအာတုန်းကို နောင်တလှုဟေကအကြောင်းငင် ဆနပ်လင်ကား။၊ 14မှအကြောင့် တရားစီရင်က ရယက်အာထုန်နဲ့က(လ်) ဘုရားရှင်နာ တုရုမြို့အိမ်ဇိဒုန်မြို့ဝါက လူးရက်တောင်မာဒင့် နနိန်ရက်ပိုကို ပြင်းပြင်းထန်ထန် အပြစ်ဒဏ်အီဟေကား ဟင်းလင်ပိုကား။ 15ကပေရနောင်မြို့သားရက်၊ နနိန်ရက်အင်ယေ့ ဘုရားရှင်နာ ရွှေမြို့တော်ဝါ ဆုချီးမြင့်လင်ကားငါ့ကို အထင်ဂီးယေ့။ အိမ်မှအစား နနိန်ရက် ငရဲယာ မလောက်စာဟင်းလင်ပိုကား"ငါ့ကို ငါ့လင်ကဟေ။ 16မှနောက်အာ ကိုယ်တော်နာ တပည့်တော်ရက်အင် "တပည့်ရက် နနိန်ရက်ကားတူးဝင် အတေးတုန်းကလူနာ ငါကတူးဝင် အတေးကလူးဖြစ်ဟေ။ နနိန်ရက်အင် လက်အခံဂါးလူးနာ ငင် လက်အခံကားလူဖြစ်ဟေ။ ငင်လက်အခံဂါးလူးနာ ငင် ဖြောက်နက်အန်က ဘုရားရှင်ငင်ယေ့ လက်အခံဂါး လူးရက်ဖြစ်ဟေ" ငါ့ကို ငါ့လင်ကဟေ။
တပည့်တော်ခုနှစ်ဆယ် ပြန်းဂို့ထုန်းဗာ(ဖ်)ဟေကား
17မှအကြောင့် တပည့်တော်ခုနှစ်ဆယ်ရက် ပြုကလင်ကို့ အမာရက်အင် ကိုယ်တော်ယေရူ လိစ်ကဖန်းဟေကအတိုင်း လိစ်တက်ကဟေ။ အမာရက်ပြန်ကိုထုန်ဗာ(ဖ်)ကရပ် တဗျင်းပျော်ကို "ကိုယ်တော်၊ ငါ့ရက်နာ မကောင်းဆိုးဝါးရက်အင် ကိုယ်တော်ကတန်ခိုးအိမ်အခွင့်အာဏာသုံးကို အမိန့်အီနက်ကရပ် အမာရက်နာခံဟေ"ငါ့ကို လျှောက်တင်လင်ကဟေ။ 18ကိုယ်တော်ယေ့ အမာရက်အင် " မကောင်းဆိုးဝါးရက် နနိန်ရက်ကတူးဝင် နာခံဟေကရပ် မာရ်နတ်စာ ရှက်ပြက်ကဒေလေ ကောင်းဂါလက်အာဘင်း ရုတ်တရက် ကတိမ်ငန်ဟေကား ငါပိုနက်ဟေ"ငါ့ကို ပြန်ကို့ငါ့ဆနပ်လင်ကဟေ။ 19အတေးယင့်ဂီး။ ငါစာ နနိန်ရက်ဇိစ် ကဖူး(ဖ်)ရက်အိမ် ကင်းရက်အင် ပျက်ကို့ ငါရက်က ရန်သူဖြစ်ဟေကား မာရ်နတ်အင် နိမ့်လှုကား အခွင့်အာဏာယင့် အက်ပီယင်နန်း ဖြစ်ဟေ။ မှအကြောင့်အိမ် နနိန်ရက်အင် ဆူးဝါကအူဇာယေ့ ထိခိုက်မနီးလိစ်လင်လှုကားအရိပါ#10:19 တနည်းအားဖြင့် ကိုယ်တော်ယေရူသည် တပည်တော်ရက်ဇိစ် ရန်သူရက်အင် နှိမ်နှင်းလှုကားတန်ခိုးအာဏာယင် အီပီယင်နန်းငါ့ကို ယူဆလှုဟေ။(လ်)။ 20ညီးင့ဒင့်ယေ့ မကောင်းဆိုးဝါးရက်နာ နနိန်ရက်က တူး(ဖ်)ဝင်နာခံကဒက်ဆာအိမ် ဝမ်းအသာဂီးယေ့။ အိမ်မှအစား နနိန်ရက်ကအမိန်းငင် ရွှေမြို့တော်ဝါ ရေးပီကဟင်းပေါ်ကားမယ် ဝမ်းသာယင့်ဂီး"ငါ့ကို ငါ့လင်ကဟေ။
ကိုယ်တော်နာ ဝမ်းမြောက်ဟေကား
(မဿဲ ၁၁:၂၅-၂၇၊ ၁၃:၁၆-၁၇)
21အိမ်မှအချိန်ငါ ဉာဏ်အလင်းတော်နာ ကိုယ်တော်ယေရူယင် ရွင်လန်းဝမ်းမြောက်ဇိစ်ကို့ ကိုယ်တော်နာ "ရွှေမြို့တော်အိမ် မှကမ္ဘာလောကယင် အုပ်ချူပ်ဟေကား အဗား(ဖ်)ဘုရားရှင်၊ အပါနာကအပါနာ ဉာဏ်ပညာငါဟေငါ့ကို ထင်တုန်းဟေကားလူးရက်ဇိစ် မှအမှန်တရားရက်အင် အရှင်ဘုရားနာ အချေးဇိစ်ထမ်း မန်ဆာဒေလေက အသိဉာဏ်အပြည့်စုံကလူးရက်အင်မယ် ချေးဇိစ်ကတောင်း ဂုဏ်ကျေးဇူးယင် ချီးမွမ်းနက်ဟေ။ အမာယေ့ အဗား(ဖ်)ဘုရားရှင် နှစ်သက်ဟေကား အူဇာရက်ဖြစ်ဟေကားယေ့ ငါချေးနက်"ငါ့ကို ဘုရားရှင်ကဂုဏ်ကျေးဇူးယင် ချီးမွမ်းလင်ကဟေ။ 22မှနောက်အာ ကိုယ်တော်နာ အိမ်မှနေရာကငါ့ဟေကားလူးစုတ်ရက်အင် " ငါကအဗား(ဖ်)ဘုရားရှင်နာ ငါဇိစ် အူဇာစုတ်ရက်ကအပေါ်ဝါ အုပ်စိုးလှူကား အခွင့်အာဏာယင် အီပီယင်နန်းဖြစ်ဟေ။ အဆာအယူဝါးငါ့ဟေကင့်ယေ အဗား(ဖ်)ဘုရားရှင်လွဲ့ကို ဟူးဝါယေအချေးကဒေလေ အဗား(ဖ်)ဘုရားရှင်နာ အယူးဝါးငါ့ဟေကင့်ယေ အဆာအိမ်အဆာချေးဇိစ်ကက်ဟေကား လူးရက်အင်လွဲ့ကို ဟူးဝါယေ့အချေးပါ(လ်)"ငါ့ကို ငါ့လင်ကဟေ။ 23မှနောက်အာ ကိုယ်တော်စာ အမာကတပည့်တော်ရက်ကားဟိုက်အာ လှည့်ဂို့ " ငါလိစ်ဆနပ်တက်ကား အူဇာရက်အင် ပိုဒက်ဟေကားလူးရက်နာ အမှန်တကယ် ကံမီဟေကားလူးရက်ဖြစ်ဟေ။ 24နနိန်ရက်အင် ငါ အမှန်ငါ့ဆနပ်ပေါ်နဲ့က(လ်) အယင်ဟိုက်ကရပ်ပင်း ပရောဖက်ရက်အိမ်#10:24 ပရောဖက်ငါ့ဟေကနာ ဘုရားရှင်ကတူး(ဖ်)ရက်အင် တစ်ဆင့်ခံငါ့ဆနပ်ကလူး ရှင်ဘုရင်ရက်တင့် ငါလိစ်တက်ဟေကားအူဇာရက်အင် တဗျင်းပိုကက်ကယေ့ ၊တတ်ကက်ကယေ့ အပိုဒက်ဟြာရ်ပါ(လ်)၊ အတတ်ဟြာရ်ဒက်နိမ့်ပါ(လ်)" ငါ့ကို အမာရက်ဇိစ်မယ့် သီးသန့်ငါ့ဆနပ်လင်ကဟေ။
ရှင်မာရိလူးမီဟူးဝါ
25ဟက်တာဂါရပ် ကိုယ်တော်ယေရူနာ လူထုပရိသတ်ရက်အင် ဆနိန်အီတုန်းကရပ် ကျမ်းတတ်ဆရာဟူးဝါနာ ကိုယ်တော်ဝင် စမ်းသပ်ကက်ကို့ မေးခွန်းကာတာကဇိစ် စက်လင်ကဟေ။ ကျီးကအိမ် အမာနာ ကိုယ်တော်ဝင် "ကိုယ်တော်၊ နိစ္စထာဝရအဆက်အင်#10:25 အယောက်ကဟက်တာကေဂါးအငါထမ်း သံသရာဝဋ်ဆင်းရဲယာဘင်း လွတ်မြောက်ဟေကား လူဂါဇီ အဇာလိစ်ပေါ်ဂါယာ" ငါ့ကို ကာတာလင်ကဟေ။ 26အိမ်မအခါ ကိုယ်တော်ယေရှုယေ့ "ပညတ်ကျမ်းငါ အဇာရက်ရေးပီဟေယား။ အိမ်မာရက်အင် နင် အဆာမီးနားလည်သဘောပေါက်ဟေယား" ငါးဂို ကတာလင်ကရပ် 27အိမ်မှလူးနာ "ကျမ်းစာယာ#10:27 ဝတ်ပြုရာကျမ်း ၁၉း၁၈၊ တရားဟောရာကျမ်း ၆း၅ နင်ကအရှင်သခင်ဖြစ်ဟေကား ဘုရားရှင်ငင် ကိုယ်၊ စိတ်၊ နှလုံးသုံးပါးအိမ် ထုပ်ဖော်ဆနပ်ကို့ နနိန်ရက်ကအသိဉာဏ်ငါကဒက်အိမ် အစွမ်းကုန် ကြည်ညိုဆက်ကပ်ပိုကားဖြစ်ဟေ။ အိမ်မှတောင်မှာဒင့် နင်ကကိန်းတောင်ဘင်ရက်အင်ယေ့ အပါနာကအပါနာ မေတ္တာပီးကို့ချစ်ခင်ဟေကဒေလေ ချစ်ခင်ပိုကားငါ့ကို ရေးပီးနက်ဟေ"ငါ့ကို ပြန်ကိုလျှောက်တင်လင်ကဟေ။ 28ကိုယ်တော်ယေ့ "နင်ကအဖြေရက် မှန်နက်ဟေ။ မှဒက်လိစ်နဲ့ နင်နာ နိစ္စထာဝရအဆက်အင် လှုလင်ကား" ငါးဂို့ ငှားလင်ကဟေ။ 29ညီးင့ဒင့်ယေ ကျမ်းတတ်ဆရာနာ အပါနာဂါအပါနာ ဖြောင့်မတ်ဟေကားအကြောင်းငင် ဖော်ဆနပ်ကက်ကိုး ကိုယ်တော်ယင် "မဒေငါ့နဲ့ ငါရက်ကား မိတ်ဆွေကောင်းနာ အယူဝါး" ငါးဂို့ ကတာလင်ကဟေ။ 30အိမ်မှကရပ် ကိုယ်တော်ယေရူနာ အိမ်မှလူးဇိစ် ပုံဥပမာဆူးဝါအိမ် ဖြေဟေကနာ "ဟက်တာကရပ် လူဟူးဝါနာ ဂျေရုဆလင်မြို့ဝါဘင်း ဂျေရိခေါမြို့ဝါ ခရီးလင်လင်ကဟေ။ လမ်းခရီးအာ ဓားမြရက်နာ အိမ်မှလူးဝင် တိုက်ခိုက်ကို့ အမာထနဲ့ယောဝန်ဟေကအူဇာစုတ်ရက်အိမ် အမာကအဝတ်စားရက်အင်ဒင့် ချုပ့်ကိုလာလင်ကဟေ။ အိမ်မှဓားမြရက်နာ အမင် ဆိန်းဇာရောက်မှပေါက်ကို့ လင်းစမ်ဗြောင်ငါ လင်လင်ကဟေ။ 31အိမ်မှအလိုဝါ ဂျူးပုရောဟိတ်ဟူးဝါနာ အိမ်မာလင်းအတိုင်းဗန်(ဖ်)ဟေကရပ် ဒဏ်ရာရက်အိမ်ပေါင်တုန်းက အိမ်မားလူဝင် ပိုကယေ့ လင်းကအယောက်ဟိုက်တာနီးယာဘင်း ရှောင်ကိုပြုကလင်ကဟေ။ 32အိမ်မဒေလေ လေဝိလူမျိူးဟူးဝါယေ့#10:32 လေဝိလူမျိူးရက်နာ ဂျူးလူမျိူးတစ်ဆယ့်နှစ်နွယ်ထဲယာဘင်း ဆက်သက်ဗန်ကလူးဖြစ်ဟေ။ အမာရက်နာ တဲတော်သယ်ယူပို့ဆောင်ရေး၊ ပရီဘောဝရက်ထိန်းသိမ်းဟေကအိမ် မြင့်မြတ်ဟေကနေရာယင် ပြုကြင်ထိန်းသိမ်းဟေကားအပါအဝင် တာဝန်အမျိူးမျိူးငါ့လင်ကဟေ။ အိမ်မားနေရာထုန်ဗာ(ဖ်)ကရပ် အမင်ပိုကယေ့ အယောက်ကလင်း ဟိုက်တာနီးယာဘင်း ရှောင်ကိုလင်ပီကဟေ။ 33ညီးင့ဒင့်ယေ အိမ်မာနေရာယာ ခရီးပြုယောဝန်က ရှမာရိတာဆာပြိုင်ဟူးဝါ ထုန်ဗာ(ဖ်)ကရပ်က(လ်) အမင်ပိုကအိမ် အစံမီဆာပိုလင်ကဟေ။ 34မှအကြောင်း အမှာထနဲ့လင်ကို အမှာဂါဒဏ်ရာရက်အင် စပျစ်ဝိုင်ငင်ကော်ကို့ သံလွင်ဆားအိမ် လိမ်းအီကို့ အင်းကပတ်အိမ် ပတ်အီးလင်းဂဟေ။ မှနောက်အာ အမင်ယင် မြည်း(တိရစ္ဆာန်)ဖုံးငါတင်ဂို့ တည်းခိုဆောင်ငါ အော်လားကလင်ကို့ အမင်ပြုစုစောင့်ရှောက်လင်ကဟေ။ 35အယောက်ယက်တာ ဟင်းချီကရပ် အမာနာ တည်းခိုဆောင်ပိုင်ရှင်ယင် ဒေနာရီဒင်္ဂါးနှစ်ပြားအီကို "ကျေးဇူးပြုကို မှလူနာယင် ပြုစုစောင့်ရှောက်အီယန်။ အမင်ပြုစုကို မှတောင်မဒင့် ဆုံနဲ့က(လ်) ငါပြန်ငန်ကရပ် အီယန်ကဟုန်း"ငါ့ကို ငါ့လင်ကဟေ။ 36ကျီးကအိမ် ကိုယ်တော်နာ ကျမ်းတတ်ဆရာယင် "အိမ်မားလူးဆုံးဟူးထဲယာက ဓားပြတိုက်ကဟင်းပိုကလူးကား စစ်မှန်ဟေကားမိတ်ဆွေကောင်းစာ အယူဝါး"ငါ့ကို ကတာလင်ကဟေ။ 37အိမ်မှအခါ အိမ်မာကျမ်းတတ်ဆရာနာ "အမာကအပေါ်သနားကြင်နာကို ကူညီအီကလူးဖြစ်ဟေ" ငါ့ကို ပြန်ကိုဖြေလင်ကရပ် ကိုယ်တော်နာ "နင်ယေ့အိမ်မာဒေလေ လိစ်အင်း"ငါ့ကို ငါ့လင်ကဟေ။
မာသအိမ်မာရိ
38ကျီးကအိမ် ကိုယ်တော်စာ တပည့်တော်ရက်အိမ်မက်တာ ခရီးလင်တုန်းကရပ် ထိန်ထိန်နာထုန်ဗာ(ဖ်)လင်ကဟေ။ အိမ်မားထိန်ယာ မာသငါ့ကို့အော်ဟေကား တာဆာလောင်ဟူးဝါနာ ကိုယ်တော်အိမ် အမာကတပည့်တော်ရက်အင် အမာကကိန်းယာ တည်ခိုကဇိစ် ဖိတ်လင်ကဟေ။ 39မာသကနာ မာရိငါးဂိုအော်ဟေကား အနေးဆီဟူးဝါငါဟေ။ မာရိနာ ကိုယ်တော်ကအတာရင်းငါတုန်းဂို တရားတော်ငင်နာ အတေးတုန်းလင်ကဟေ။ 40မာသက(လ်) အနင်ရက်ဇိစ်ကအတွက် ဧည့်ခံကဇိစ် အလိစ်ပြိစ်တုန်းလင်ကဟေ။ နောက်ဆုံးငါ မာသစာ ကိုယ်တော်ကအနားဗန်(ဖ်)ကို "ကိုယ်တော်၊ ငါကအနေးဆီနာ အိမ်မူကိစ္စစုတ်ရက်အင် ငါဟူးဝါတည်း လိစ်လင်မနီး မလောက်ပီဒက်ကအတွက် ငင်ကူညီးအီကဇိစ် အမင်ငါးအီယန်"ငါ့ကို လျှောက်တင်လင်ကဟေ။ 41အိမ်မားအခါ ကိုယ်တော်နာ "မာသ၊ နင်နာ အူဇာစုတ်ရက်အင် စိုးရိမ်စိတ်အိမ် အလိစ်ပြိစ်တုန်းကယေ့ 42" အမှန်က(လ်) အဒင့်စိုးဟေကအူဇာ ဆူးဝါမယ်ငါဟေ။ မာရိက(လ်) မှအူဇာရက်အင် ရွေးချယ်ပီယင်နန်းဖြစ်ကို အိမ်မား အမာထနဲ့ကား ဖယ်နက်ကိုအလှုနန်းကား"ငါ့ကို င့ါလင်ကဟေ။
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Thet (သက်) Bible by Beyond Translation is licensed under Creative Commons Attribution-ShareAlike 4.0 License.