1 Иоан 1
1
Олӧмыслӧн кыв
1Ми висьталам сы йылысь, мый вӧлі водзысяньыс, мый кывлім да ас синмӧн аддзылім, мый видзӧдалім да ас киӧн видлалім. Ми висьталам олӧмыслӧн кыв йылысь. 2Олӧмыс петкӧдчис, и ми аддзылім Сійӧс. Ӧні висьталам Сы йылысь, юӧртам тіянлы помтӧм Олӧмыс йылысь. Сійӧ вӧлі Батьыскӧд, ӧні Сійӧс восьтӧма миянлы. 3Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд. 4Ми гижам та йылысь, медым ті верминныд тырвыйӧ нимкодясьны.
Ветлӧй югыдас
5Енмыс эм югыдыс, Сы пытшкын пемыдыс абу. Тайӧ юӧрсӧ ми кывлім Ен Писянь, ӧні юӧртам сійӧс тіянлы. 6Шуам кӧ, мый ми ӧтув Сыкӧд, а асьным ветлам пемыдас, сідзкӧ, пӧръясям да огӧ олӧй збыльыс серти. 7Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.
8Шуам кӧ, мый миян мыжыс абу, сідзкӧ, ми пӧрйӧдлам асьнымӧс, и збыльыс абу миян пытшкын. 9А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь. 10Шуам кӧ, мый ми эгӧ вӧчӧй мыжсӧ, сідзкӧ, петкӧдлам Енсӧ пӧръясьысьӧн, и Сылӧн кывйыс оз ов миян пытшкын.
Kasalukuyang Napili:
1 Иоан 1: КБ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
(c) Institute for Bible Translation, Finland, amp Finnish Bible Society, 2023