2 Timoteo 4
4
1Sa harap ng Diyos at ni Cristo Jesus na darating bilang Hari at hahatol sa mga buháy at sa mga patay, inaatasan kitang 2ipangaral mo ang salita ng Diyos; pagsikapan mong gawin iyan napapanahon man o hindi. Himukin mo at pagsabihan ang mga tao, at palakasin ang kanilang loob sa pamamagitan ng matiyagang pagtuturo. 3Sapagkat darating ang panahong hindi na sila makikinig sa wastong katuruan; sa halip, susundin nila ang kanilang hilig. Maghahanap sila ng mga tagapagturo na walang ituturo kundi ang ibig lamang nilang marinig. 4Hindi na sila makikinig sa katotohanan, sa halip ay ibabaling ang kanilang pansin sa mga alamat. 5Ngunit ikaw, maging mahinahon ka sa lahat ng oras, magtiis ka sa panahon ng kahirapan, gampanan mo ang tungkulin ng isang mangangaral ng Magandang Balita at pagbutihin mo ang iyong paglilingkod.
6Sapagkat dumating na ang panahon ng pagpanaw ko sa buhay na ito. Ako'y mistulang isang handog na ibinubuhos sa dambana. 7Pinagbuti ko ang aking pakikipaglaban, natapos ko na ang dapat kong takbuhin, at nanatili akong tapat sa pananampalataya. 8Makakamtan ko na ang koronang nakalaan sa mga matuwid. Sa Araw na iyon, ang Panginoon na siyang makatarungang Hukom, ang siyang magpuputong sa akin ng korona; hindi lamang sa akin, kundi sa lahat ng nananabik sa kanyang pagbabalik.
Mga Personal na Tagubilin
9Sikapin mong makapunta dito sa lalong madaling panahon. 10Iniwan#Co. 4:14; Filem. 24; 2 Cor. 8:23; Ga. 2:3; Tito1:4. na ako ni Demas dahil sa pagkahumaling niya sa sanlibutan; pumunta siya sa Tesalonica. Si Cresente naman ay nagpunta sa Galacia, at si Tito sa Dalmacia. 11Si#Co. 4:14; Filem. 24; Gw. 12:12, 25; 13:13; 15:37-39; Co. 4:10; Filem. 24. Lucas na lamang ang kasama ko rito. Hanapin mo si Marcos at isama mo rito, sapagkat malaki ang maitutulong niya sa aking mga gawain. 12Pinapunta#Gw. 20:4; Ef. 6:21-22; Co. 4:7-8. ko sa Efeso si Tiquico. 13Pagpunta#Gw. 20:6. mo rito, dalhin mo ang aking damit na iniwan ko sa Troas sa bahay ni Carpo. Dalhin mo rin ang mga aklat ko, lalo na iyong mga gawa sa balat.
14Napakasama#1 Tim. 1:20; Awit 62:12; Ro. 2:6. ng ginawa sa akin ni Alejandrong panday. Ang Panginoon ang magpaparusa sa kanya ayon sa kanyang ginawa. 15Mag-ingat ka sa kanya, sapagkat tutol na tutol siya sa ipinapangaral natin.
16Sa unang pagharap ko sa hukuman ay walang sumama sa akin; pinabayaan nila akong mag-isa. Patawarin nawa sila ng Diyos. 17Ngunit sinamahan ako ng Panginoon at binigyan ng lakas upang makapangaral nang lubusan sa lahat ng Hentil, at ako'y naligtas sa tiyak na kamatayan. 18Ang Panginoon ang magliligtas sa akin sa lahat ng kasamaan at siya rin ang maghahatid sa akin nang ligtas sa kanyang kaharian sa langit. Purihin nawa siya magpakailanman! Amen.
Pangwakas na Pagbati
19Ikumusta#Gw. 18:2; 2 Tim. 1:16-17. mo ako sa mag-asawang Priscila at Aquila, at sa pamilya ni Onesiforo. 20Nagpaiwan#Gw. 19:22; Ro. 16:23; Gw. 20:4; 21:29. sa Corinto si Erasto; si Trofimo nama'y iniwan ko sa Mileto dahil may sakit siya. 21Pilitin mong makapunta dito bago magtaglamig.
Kinukumusta ka nina Eubulo, Pudente, Lino, Claudia at lahat ng mga kapatid.
22Nawa'y sumaiyo ang Panginoon, at pagpalain ka ng Diyos.
Kasalukuyang Napili:
2 Timoteo 4: RTPV05
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2005 Philippine Bible Society