ข้อพระคัมภีร์ยอดนิยมจาก Roˉma‸ li‸ 5

แบ่งปัน

Ya‸ hkʼaˇ, ngaˬ hui venˇbaˆ yaˇ hpeh‸ chehˇ ve teˇ yanˇ htaˇ, Hkri‸ ngaˬ hui awˬ pon hkanˍ suh leh, Gʼuiˬsha yawˇ ngaˬ hui hta‸ hkʼaˬ ma ha‸ ve hkʼa tawˍ lehˆ maw laˇ ve yoˬ.

Dawˇ law puiˉ ve hta‸ pa taw gʼa ya‸ taw tuˬ ve maˇ heˆ. Awˬ lawn kʼo, ngaˬ hui hta‸ pe‸ laˇ peuˬ ve da‸ ve kehˬ ve Awˬ ha hpu lehˬ, ngaˬ hui ve nyi ma awˬ hkʼaw lo Gʼuiˬsha ve ha‸ pehnˇ ve teˇ ceuˬ ngeuˍ keu laˇ peuˬ.

Chi hkʼoˆ ka‸, tu‸ ve hkanˍ ve hta‸ ngaˬ hui gʼa hkanˍ ve teˇ yanˇ, ha lehˬ chiˇ mvuh chehˇ ve yoˬ. Awˬ lawn kʼo, tu‸ ve hkanˍ ve hta‸ pa taw ngaˬ hui yeunˇ hkanˍ puiˉ la ve yoˬ. Yeunˇ hkanˍ puiˉ ve hta‸ pa taw da‸ ve hta‸ te puiˉ la ve yoˬ. Da‸ ve hta‸ te puiˉ ve pa taw ngaˬ hui dawˇ law puiˉ la ve hta‸ shiˍ ve yoˬ.

Ngaˬ hui yonˍ ve awˬ hkʼaw lo hteˇ ve cawˇ ve chaw hpeh‸ la peuˬ ve hta‸ pa taw, ngaˬ hui ve Jawˇmawˇ Yeˍsuˆ Hkri‸ awˬ hkʼaw lo, Gʼuiˬsha hta‸ kʼaw‸ cawˇ da‸ hui da‸ ve yoˬ. Jawˇmawˇ Yeˍsuˆ Hkri‸ hta‸ pa taw awˬ bon chi awˬ hkʼaw lo ngaˬ hui gʼa lo‸ la leh gʼa chehˇ taˍ ve yoˬ. Gʼuiˬsha ve awˬ me‸ awˬ hponˇ hta‸ ngaˬ hui dawˇ law leh, ha lehˬ chiˇ mvuh chehˇ ve yoˬ.

Ngaˬ hui gʼaˇ nuˇ jaˇ ve teˇ yanˇ, awˬ yanˇ cawˇ ve awˬ hkʼaw lo, chaw haiˬ hui awˬ pon Hkri‸ hkanˍ suh ve yoˬ.

Hkri‸ ve awˬ suhˍ hta‸ pa taw, chi beu‸ ngaˬ hui hteˇ ve cawˇ ve chaw hpeh‸ la peuˬ. Hkʼe te leh, yawˇ hta‸ pa taw Gʼuiˬsha nyi ma zuhˆ ve hta‸ chi a‸ kehˉ leuˉ leh ngaˬ hui gʼa ponˬ tuˬ yoˬ.

Awˬ lawn kʼo, chaw teˇ gʼaˇ maˇ na yuˬ ve hta‸ pa taw, chaw maˇ maˇ venˇbaˆ yaˇ hpeh‸ la ve yoˬ. Chi hkʼa shuˍ shuˍ, chaw teˇ gʼaˇ na yuˬ ve hta‸ pa taw, chaw maˇ maˇ hteˇ ve cawˇ ve chaw hpeh‸ la tuˬ yoˬ.

Chi ceh tiˉ maˇ heˆ sheˍ. Ngaˬ hui ve Jawˇ mawˇ Yeˍsuˆ Hkri‸ hta‸ pa taw Gʼuiˬsha hta‸ ha lehˬ chiˇ mvuh chehˇ ve yoˬ. Yawˇ hta‸ pa taw ngaˬ hui Gʼuiˬsha hta‸ kʼaw‸ cawˇ da‸ hui da‸ la peuˬ.