ข้อพระคัมภีร์ยอดนิยมจาก Nia 7

แบ่งปัน

Rwot owaco bot Moses ni, “Nen aketi macalo Lubaŋa bot Parao, ki omeru Aron bibedo lanebini.

Ento abijiŋo cwiny Parao doko nwaŋ, abimedo lwak lanyut ki taŋo i lobo Ejipt. Parao pe biwinyo lokki; abiketo ciŋa i kom Ejipt, ci abikwanyo monnya, jona, ma gin aye likwayo pa Icrael, ki i Ejipt, pi kop madito ma abiŋolo i wiye.

Jo Ejipt gibiŋeyo ni an a Rwot, ka abiryeyo ciŋa i kom lobo Ejipt pi kwanyo jo Icrael woko ki i kingi.”

Ci Parao olwoŋo jo ma luryeko ki lutal, ma gin lutyet ma i Ejipt, gin bene gutimo ma rom meno ki ryekogi. Pien ŋat acel acel obolo odoone piny, ci gulokke gudoko twol, ento odoo pa Aron omwonyogi woko ducu.

Ci Rwot doŋ owaco kuman ni, Pi lok man bimiyo iŋeyo ni an a Rwot: nen, abigoyo pii ma tye i kulu Nail ki odoo ma tye i ciŋa-ni, ci pii bilokke doko remo

“Ka Parao owaco botwu ni, ‘Wunyut ada mewu pi tiyo taŋo,’ ci ibiwaco ki Aron ni, ‘Kwany odooni, ibol piny i nyim Parao, wek olokke odok twol.’” Kit meno Moses ki Aron gucito bot Parao gutiyo kit ma Rwot ocikogi kwede; Aron obolo odoone piny i nyim Parao ki luticce, ci olokke odoko twol.