ข้อพระคัมภีร์ยอดนิยมจาก 1 Co 13

แบ่งปัน

Ga'me 'uo da'me loqopich'i yataqachiñe 'uo da'me napogaĝadenaĝac nataq'aen da'me lichoĝodenataĝanaĝac, ja p'aguenataĝanaĝaic, ja mach'e 'nonaĝatapela't, nataq'aen ja ni'yoĝodenaĝaic. Ga'me jo'ne 'uo da'me loqopich'i qamqa'me ja co'yaqaic, ja mach'e 'natetapela't, ja lemataqaic, nataq'aen ja uenatetapegalo gaa'me lejamaĝataĝaco jogaa'me laqaya'olqa.

Ga'me jo'ne 'uo da'me loqopich'i yema napogaĝadeneguet, nataq'aen ja neli'ñejop da'me 'yamaqaten da'me eja, nach'e eta't 'uo da'me leuataqataĝanaĝac, nataq'aen nalo'oguet yema.

Ga'me 'uo da'me loqopich'i ja machiñe q'aen qom qaya'te chimaqachiñe, dite qom qonenaĝategue ga'me jo'ne yataqatelegue.

Chane'eja uo'oe naajo' tres jo'ne qaya'te loiquiaqa't: da'me nepe'e, da'me najoĝonataĝanaĝac nataq'aen joda'me noqopich'i. Qalaĝaja da'me yataqachiñe p'ajaye naa'me naajo' tres mach'e noqopich'i.

Da'me noqopich'i qaya'te loiquiaqa'; nach'e ena'am da'me uo'oe daa'me 'laqataĝanaĝaco ñe'me Dios, qalaĝaja yovita nale ga'me nolo' da'me male yenoĝodegue jogaa'me. Nach'e ena'am da'me uo'oe gaa'me 'naqataqa laqaya' 'me yoda'alo, qalaĝaja yovita ga'me nolo' nale ja yitaĝa qodomachiyalo. Nach'e ena'am 'uo da'me nayatenaĝanaĝac, qalaĝaja yovita da'me pal qomle.

Qom jayaten ta'le jadenaĝa't daa'me 'laqataqa joga'me jiyaĝa'u nataq'aen daa'me 'laqataqa jogaa'me piyem laje', qalaĝaja qom qaya'te yoqopich'i, qama'le gaa'me 'yaqataqa qaya'te yelo'teguet, jena'am jaga'me qataqui, uotaĝa ga'me natoviaĝatajec jo'ne qoyatoviaĝan nale.

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Nataq'aen qom yema janegue ga'me jauana, nataq'aen qom ñemenouelo joga'me qadaute'upi qaedi qoyigoue da'me 'yoyaĝac, qalaĝaja qom qaya'te yoqopich'i qama'le qaya'te jayem chiyaqayi.

Ca'li jayem notolec, jena'ama gaa'me ñoqolqa nale jojetac, gaa'me yelnataĝaco nataq'aen gaa'me yec'atenaĝanaĝaco nach'e naq'aeta gaa'me ñoqolqa; qalaĝaja ca'li jovita da'me jayem 'yaĝaic, male jeca'e da'me 'loyaĝa'j jogaa'me ñoqolqa.