ข้อพระคัมภีร์ยอดนิยมจาก 1 Co 11

แบ่งปัน

Mane'e ca'li joote yali'j ga'me pan, nach'e ena'am yacona jaga'me yomaĝaiqui qama'le enaac: “Janjo' yomaĝaiqui laloĝoqui qoyen jana'me yetauo' jo'ne naliñi qoyen qaedi Dios yadalaĝat da'me 'yamaĝataĝac jo'ne ami yanema. Nale aniyomiyigui janjo' yomaĝaiqui, auauoyi da'me dojo' qaedi nach'e eta't da'me jayem auenachitapega.” Chane'eja, chayovida'a qom 'niyelaq ñe'me Jaliaĝanec, nale yovita da'me jaliguinaq ga'me pan nataq'aen nale ñiyomaĝaye jaga'me yomaĝaiqui, nach'eda ja'aĝataqatac queda'me nach'eñe ñe'me yeleu ca'li qaedi qo'mi nec'alaĝatedegue.

Jayem qamqa'me jaconeguet ca'li da'me lapaĝaguenataĝanaĝac ñe'me Jaliaĝanec, qama'le ami janema, dojo' jo'ne 'yaĝatetac ñe'me Jaliaĝanec Jesús, ca'li jo'me pi'yaq da'me male qoyaneuo, qama'le yacona jaga'me pan, qama'le ca'li joote yanem lamaic ñe'me Dios, yecolaĝatapiye qama'le enaac: “Jenjo' pan laloĝoqui qoyen jena'me yapat jo'ne taue da'me neleuaĝa, qaedi ena'uaque ami adec'aliyegue. Auauoyi qomle da'me dojo' qaedi nach'e eta't da'me jayem auenachitapega.”

Qo'che' yataqachiñe 'noota ta'le onolqa'tape mach'e naloqote'n gaa'me lai'li, qom joote ya'uo da'me dojo' qama'le yalic ga'me pan nataq'aen niyomigui jaga'me yomaĝaiqui. Qa'a gamachaqaega yalic nataq'aen niyomigui qalaĝaja ja yayaten ga'me yelo'teguet da'me lapat ñe'me Jaliaĝanec, mach'ega nauela't da'me le'uaĝanaĝanaĝac ñe'me Dios.

Qama'le, qom 'uo gamachaqaega ja yachimaĝachichiñe da'me yalic ga'me pan jo'ne qo'mi yanema ñe'me Jaliaĝanec, uotaĝa nale niyomigui jaga'me yomaĝaiqui, nach'ega jo'ne 'uo da'me naviyaqataguec queda'me ye'uetac ga'me lapat ñe'me Jaliaĝanec nataq'aen jaga'me letauo'.

Oqui'teguelo gaa'me 'yonataqa jo'ne joote ami jaloĝonalo, nach'e naq'aeta da'me jeque'teguelo gaa'me 'lonataqa 'me jayem yaloĝonalo ñe'me Cristo.