ข้อพระคัมภีร์ยอดนิยมจาก रोमी 14

แบ่งปัน

च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा। दि ल़ेहमु छ्याप्‍स्‍यी पेहती मास्‍यीकाला स्‍याहप्‍तो स्‍युहएँया़गी किन्‍ज्‍योकी थु काहसो ज़ोएँ ओहले मिहया़गी तालुलाॱआङ खुङ या़हबु सी़हगे।

का़हलेॱआङ ओहराङ थार्के मासीमाना चो़वोकी तेहन्‍दालाराङ थार्के ओहले स्‍यिएँ मासीमानाॱआङ चो़वोकी तेहन्‍दालाराङ स्‍यिएँ। ओ़ह सोङबे ओहराङ थार्नाॱआङ, स्‍यिॱना़ङ ओहराङ चो़वोदीॱराङ यिहन।

ओ़ह सोङबे ओहराङ स्‍य़िहदे तेर्के दाङ किन्‍ज्‍योला यिह-छ्य़ेला च्‍यी़गी च्‍यी़ला स्‍युक तेर्केन ल़ेहया़ला च्‍यी़राङ सेम च्‍याङ कोहएँ।

ओ़ह सोङबे ता़ह यिहन्‍ज्‍यु ओहराङ च्‍यी़गी च्‍यी़ला फातुर मा़हचु तोहरोङ ओहराङ राहङ नो़हया़ला नार्तो क्‍याहप्‍कें दाङ तिहक्‍पाला छ्यिच्‍युगेन्‍की तामया़ माज्‍ये म़ेह म़ेदी सेमला तेहम्‍बा-तेहन्‍सुम पेह कोहएँ।

च्‍यिबेमाना छ्य़ेला दि ल़ेहमु प्री़हदी येहबा, “चो़वोगी सुङ नाङगे, ‘ङाह सोम्‍बो येह, मिह थाम्‍ज्‍यी ङाहती दिनला पी़मु च़ूज्‍ये येह, ओहले थाम्‍ज्‍यीगी ङाहला किन्‍ज्‍यो म़ेदी त़ेरा तेच्‍या फुल्‍ज्‍ये येह’।” ओ़ह सोङबे ओहराङ थाम्‍ज्‍यीगी राहङ-राहङगी चिदुङ किन्‍ज्‍योला च्‍याल कोहएँ।

यिह-छ्य़ेला सान्‍दी माहकाहल्‍बा मिहया़ला लोक पेहतोङ, यिहॱनाङ खोती नोम्‍साङला फातुर च़ूदी ठुक्‍पा क्‍याहप्‍केन्‍गी ल़ेहती माहबे।

लेहमेनकी योक्‍पुला ठिम ताङगे ख्‍ये सु यिहम्‍बा ले? ओ़हनी ताहक्‍पुगी गा खोगी ल़ेह या़हबु पेहक्‍यो यिहम्‍बानी चोक्‍पा पेहक्‍यो यिहम्‍बा म़ेदी ज़ी़ नाङगे। ओहले खोगी या़हबु ल़ेह पेह ख़ूएँ च्‍यिबेमाना चो़वोगीॱराङ खोला या़हबु ल़ेह पेहच्‍ये ज़ो नाङ थुप्‍कें।