ओ़ह ल़ेहमुराङ काहजे याहल्गाया़ छ्या़दी काहल्ग्यो ल़ेहमुराङ काहजे यहूदीया़गीॱआङ किन्ज्योला क्युर ज़्या़दी काहल्सीन। यिहॱनाङ ख्या लेहमेन क्यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्या ओ़ह छ्या़दी काहल्ग्यो याहल्गाया़की छापला कलमी काहल्दी येह। ता़ह ख्यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्योर्च्ये येह। ओ़ह सोङबे ओ़ह छ्या़दी काहल्ग्यो याहल्गाया़की तेहन्दाला (इस्राएलीया़गी तेहन्दाला) छ्य़ेन्दो माहतेन। का़हलेॱआङ ख्येगी छ्य़ेन्दो तेनॱराङ तेन्सीन माना, दि ताम टेहम्बा ज़्यो़, चार्ङ्यीला खुर्केन्दीनी ख्या मिहन यिहॱनाङ चार्ङ्यीगी गा ख्याला खुर्के।