ข้อพระคัมภีร์ยอดนิยมจาก Eksodɔs 7

แบ่งปัน

Na EWURADZE see Moses dɛ, Hwɛ, mebɛma ayɛ dɛ Nyame wɔ Farao enyim; na wo nua Aaron bɛyɛ wo nkɔnhyɛnyi.

Na mibepirim Farao n’akoma, na mama me nsɛnkyerɛdze nye m’anwanwadze adɔɔ so wɔ Egypt asaase do. Na Farao rinntsie hom, na medze me nsa bɔto Egypt do, na meyi mo dɔm, me man Israelmba no, mefi Egypt asaase do wɔ atsɛmbu akɛse mu.

Na sɛ metsen me nsa wɔ Egypt do na miyi Israelmba fi hɔn mu fir a, nna Egyptfo bohu dɛ emi nye EWURADZE.

Nna Farao so frɛfrɛɛ enyansafo no, na abayifo no: na hɔn so, Egypt akɔmfo no, dze hɔn nkaber yɛɛ dɛmara. Na hɔn nyinara totoow hɔn mpoma guu famu, na ɔdandaan mbowatsena: na Aaron no poma no memeen hɔn mpoma no.

Mbrɛ EWURADZE se nye yi, Iyi mu na ibohu dɛ emi nye EWURADZE: Hwɛ, medze poma a ɔdze me nsamu yi mobɔbɔ esutsen yi mu nsu, na ɔbɛdan bɔgya.

Sɛ Farao ka kyerɛ hom dɛ, Hom nyi hom anwanwadze bi nkyerɛ a, ɔnodze ka kyerɛ Aaron dɛ, Yi wo poma no, na tow kyen famu wɔ Farao enyim, ma ɔndan abowatsena. Na Moses nye Aaron kɔr Farao nkyɛn, na wɔyɛɛ dɛm, dɛ mbrɛ EWURADZE hyɛe no: na Aaron toow no poma kyeen famu wɔ Farao enyim nye no nkowaa enyim, na ɔdaan abowatsena.