ข้อพระคัมภีร์ยอดนิยมจาก Avaebulaniya 11

แบ่งปัน

Lino ulufuuwo kwekuva na uluhuvi lwa ing'ani sepetwihuvila, ukwidikila ing'ani sesisilava siwoneka pamiho getu. Pakuva avavaha va imitalo Nguluvi avidiche uwimila ulufuuwo lwawo.

Sweno, pesi ukukola ulufuuwo situhwaniti ukumunogela Nguluvi. Pakuva umunu yeyeavesaga akumubihila Nguluvi lumuvaje afuuwage ulwa Nguluvi pwali, na ulwa akuvahomba vala vevakumuninila.

Ukukola ulufuuwo hwehwe tukulukagula ulwa ing'i yagafilwe kukola ulukani lwa Nguluvi, ifinu fyefiwoneka uluhuma mufinu fyesifiwoneka.

Uwimila ulufuuwo Abulahamu amupulike Nguluvi peikemelwa abite ku ng'i Nguluvi yealamupela yive yakwe. Nambi sieakukagwi kweabitige, nambi ndahihyo Abulahamu ahamite. Uwimila ulufuuwo ikalite mu wugenzi mung'i yealamuhuvise Nguluvi ukumupela. Ikalite uko mwihema ndawe lwevikalige Isaki na Yakobo, vala avevahangite muluhuviso lulula.

Uwimila ulufuuwo Nguluvi amupavye Noha ulwa ing'ani isikusa pambele. Ndawe amupulikige Nguluvi, swe iwuyapa ikipugu ikikomi wuhulo mula apokilwe umwene pamwi na avanu vakwe. Na ing'i yahigitwe, Noha anuche uwugolofu uwihuma mu lufuuwo.

Uwimila ulufuuwo Nguluvi amutegwe Enoki wesalingila mufwa. Sawoniki kangi pakuva Nguluvi yealamutegwe. Uwandike witigila ulwa wesialategulwa, umwene yealamunoje Nguluvi.

Uwimila ulufuuwo Habeli amutawulye Nguluvi inambika yeye nofu hilo ukulutila yila ya Kayini. Uwimila ulufuuwo lwakwe idikilwe na Nguluvi ukuva mugolofu; Nguluvi yumwene idiche ifitawulwa fyakwe. Uwimila ulufuuwo lwakwe nambi we afwe, akali pealonga.

Uwimila ulufuuwo nayi Sala afuuvitwe ulwa Nguluvi ikwisaga inyuviso sakwe, ave na filo nambi we yeagogwe.

Pakuva Abulahamu asindilige iboma ing'angafu, iboma ye Nguluvi yumwene ye museela yeaihosise lwe yiva nu kuyisenga.

Uwimila ulufuuwo Musa pe emunu muvina, abihye ukuvalilwa mwana va umwalive va Falawo. Awene ikiba ateseke pamwi na avanu va Nguluvi, silwindawe ukuhekelela mu nzanangifu lusika ludodo hela. Alukagwe ulwa ukuteseka uwimila Kilisito kwina kwambula kukomi hilo ukulutila uwunono mbewuli wa mung'i ya mu Misili, pakuva asindilige ukupelwa amahombo ga pambele. Uwimila ulufuuwo Musa ahamite uluhuma ku Misili wesakogopa ililakali lya Umutwa; na sapilwiki ku mbele kangi, wita wanda emunu yealamuwene yula Nguluvi yesiwonekagi.

Uwimila ulufuuwo Abulahamu amutawe umwanakwe Isaka ave nambika pe Nguluvi amugelige. Uyo Abulahamu ye yula yeanuche uluhuviso lwa Nguluvi, neke nambi ndahihyo, idiche ukumutawula nambika umwanakwe yealiyena.

Uwimila ulufuuwo Lahabu munyamiho mataali siafwi pamwi na vala vevamubesige Nguluvi, pakuva ali avanuche vala avatandisi.

Uwimila ulufuuwo avanu va Isilaeli valowike ibahali ya ku Siliya witigila wanda ye ing'i ng'afu; neke Avamisili pevagelige nawo ukulowoka vafwe mu lulenga.

Uwimila ulufuuwo ilipuli lya iboma ya ku Yeliko lyagwe, avanu va Isilaeli peyevalipilime filo fimufung'ati.

Ukwimila ulufuuwo inatye i Pasaka ukuhangila idanda sambi umuwulasi va avana avavele alemwe ukuvapamisa.

Uwimila ulufuuwo Yosefu pe e pipi nu kufwa, avilite ulwa uluwuuko lwa va Isilaeli uluhuma mung'i ya ku Misili, na kangi ukuvalagisa lwa umufimba gwakwe.

Uwimila ulufuuwo Yakobo pee ali pipi ukufwa, avafunyilye avana mbevali va Yosefu, swe akumusunyalila Nguluvi kono we isipye ulubamba lwakwe.

Uwimila ulufuuwo Isaka avafunyilye va Yakobo na Esawu, sambi vanukile uwufunyilile uwukusa pambele.